Hiwaga ng Abandonadong Kastilyo

By: Abegail Tinga

“Naiwan,napabayaan pero patuloy na gumaganda.” Isa sa mga

sikat at laganap na hugot ng mga millennial. Ito ay maihahalintulad sa ganda ng
tinagurian at itinuturing na “Disney Land of The Philippines” na nananatiling maayos
at maganda sa kabila ng taglay nitong kalumaan. Ano nga ba ang hiwaga sa likod ng
kastilyong ito?

Ang misteryo ng abandonadong kastilyo na ito ay matatagpuan sa Diokno

Highway,Brgy. Mayasang,Lemery Batangas. Ito ay unang itinayo ng isang Japanese
businessman bilang isang theme park ngunit sa kasamaang palad ay hindi ito natapos
dahil narin sa kakulangan ng pondo at ngayon nga’y bago na itong pag-aari ng ECE
Realty and Development,isang homeowner’s association sa pangunguna ni Emillio
Ching.

Maaaring ang fantasy world ay nalipasan at napagdaanan na ng

panahon,ngunit ang likas na ganda nito ay patuloy na tinatangkilik at unti-unting
nakikilala ng mundo kung kaya ito ay dinadayo na ng mga turista mula sa iba’t-ibang
lugar. Isa ito sa mga tahimik,malawak at payapang lugar na kung saan maaaring
puntahan ng mga taong gustong mapag-isa,makapagbigay ng oras sa sarili at
makapag-munimuni.

Ang entrance fee sa historical na kastilyong ito ay fixed sa halagang isang libong
piso (₱1,000.00) kahit pa solo ka lang at kung gustong mapag-isa. Pero kung tropa at
family bonding naman ang hanap,sulit na ito and good for 10 persons.Sa halagang
ito,mae-experience mo na ang mala-Hong Kong Disney Land Tour na kung saan ay
pwede ang unlimited picture taking,mamasyal sa mga rides na hindi man natapos at
gumagana ay napapaligiran naman ng malaking espasyo at magandang tanawin kung
saan maaaring matanaw ang Taal Volcano at ang mapunong lugar nito. Pagpasok
palang ng lugar ay mararamdaman mo nang isa kang maharlika dahil sa kakaibang
awra at istilo nito. Mayroon ding maliit na simbahan sa loob,coffee shop,photo
booth,fountain na maayos na gumagana at ang mga pangunahing tourist spots dito
tulad ng garden maze,hanging bridge na nakakonekta sa isang treehouse at sa gusali
ng kastilyo pati na rin ang isang daan at labindalawang hakbang paakyat ng nasabing
gusali upang mas makita ang kabuuan ng palasyo na masasabing isa sa mga perfect
scenery at patok na pang-post sa instagram at iba pang social media sites.

Mula Maynila ay apat o higit pang oras ang igugugol ng mga turista sa pag-
byahe kung kaya maswerte ang mga nasa kalapit-lugar nito dahil anumang oras nila
gustuhin ay madali nila itong mararating. Ang Taal Volcano,balisong,barong
tagalog,tapa,kapeng barako at marami pang iba ang magpapatunay na ang mga
Batangueño ay maraming maipagmamalaki.

Masasabing ang hiwaga ng kastilyong ito ay ang walang katapusang pagiging

malikhain at mapagtangkilik ng mga Pilipino. Pagiging malikhaing may kalakip na
pagmamahal kung kaya't lahat ng bagay ay may maipagmamalaking resulta. Ang
abandonadong kastilyo na puno ng misteryo ay mananatiling hinahangaan at
papahalagahan ng kasulukuyan at susunod pang henerasyon.

Kaya ano pang hinihintay mo? Tara na dine!