Mapanuring Paggamit ng Gadget

Mga kamag-anak at kaibigan sa Maynila,

Sa telepono umaasa.

Noon nga’y anim na numero pa lamang

Ang numerong kadaling i-memorya.

Sa bawat okasyon naman

Pasko, Valentine’s Day, o kaarawan,

Mga greeting cards na magagara,

Makatanggap nito ay tiyak ang tuwa.

Ito ay iilan pa lamang

Sa mga naabutang simpleng pamamaraan

Kung paano makipag-ugnayan

Ang bawat isa para sa tanan.

Nang lumipas ang ilang taon

Dumating na rin ang makabagong panahon

Nagkaroon ng mga imbensiyon,

Na mapapadali ang pakikipag-komunikasyon

Napadali ang pagpadala ng telegrama

 Dahil ang pager o beeper naman ang nagdala

Nang nauso naman ang mga cellular phones

Aba, di hamak na ito ay mas maaasahan.

Video chat, e-mail, social media

Lahat yan ngayon ay naglipana

Malalayong kamag-anak at kakilala

Ay madali na ngayon makita

Walang masama sa mga pagbabagong ito

Malaki pa nga ang pakinabang nito

Huwag lang po sanang abusuhin ang paggamit nito

Dahil hindi lahat nang nakikita ngayon ay totoo

Marami mang pagbabago sa ating teknolohiya

Ngunit sana ay huwag natin walain ang totoong diwa

Na ang tunay na dahilan kung bakit ito ginawa

Ay para sa mga taong nais makipag-ugnayan sa iba.

Bigyan natin ng halaga ang pakikipag-komunikasyon

Hindi lang tayo aasa sa mga gadyeto ngayon

Makipag-usap, makipagtawanan
 Makipaglaro at makipaghabulan

Masarap pa rin balikan ang pakiramdam

Ng saya dulot ng pagtanggap ng isang liham

Mga mensahe mula sa iyong kapamilya at kaibigan

Ang tunay na ligaya at halaga ng pakikipag-ugnayan.