Pagsusuri ng Estilo ng Isang Guro sa Pagkatuto ng mga Mag-aaral sa San Antonio de

Padua Kiddie Daycare Center Salitran Dasmarinas, Cavite

Calacday, Kyla Mae C.

Gonzales, Almira Joyce R.
Gutierrez, Lorie Lei
San Pascual, Femme Nikita M.
Trapero, Ezra Mae
BSP 2-2
 PANIMULA

Sa pagsasanay sa Edukasyon ng Kindergarten, ang mga guro sa preschool ay

humaharap sa pagsubok ng paghahanap ng pamamaraan at estratihiya na makatutulong sa

kabuuang oryentasyong pang-kurikular.

Ang Edukasyon ng Kindergarten ay pag-aaral na kailangan ng isang bata bilang

paghahanda bago ito tumungtong sa Unang Baitang. Sa Pilipinas, mahalaga ang

Kindergarten para sa akademiko at teknikal na pag-unlad ng isang bata dahil ito ang panahon

kung kalian nasa pinakamataas na antas ng pagkatuto ang isang bata. Ito ay nasa batas din ng

estado na gawing learner-oriented at nakatutugon sa mga pangangailangang kognitibo at sa

kapasidad ng kultura. Sa kabilang banda, masyado pang bata ang mga mag-aaral na nasa

kindergarten, kung kaya’t patnubay at tamang pamamaraan at estilo ng pagtuturo ng mga

guro ang kailangan upang mapaunlad ang pagkatuto ng mga mag-aaral. Ayon kina Barberos,

Gozalo at Padayogdog (2018), ang mabisang pagtuturo ay nakabatay sa mag-aaral bilang

isang tao at sa kanyang pangkalahatang pag-unlad. Dapat kilalanin ng guro ang mga

indibidwal na pagkakaiba nila at ayusin ang mga tagubilin na angkop para sa kanila. Ito ay

isang katotohanan na bilang mga tagapagturo, sila ay gumaganap ng iba't ibang

mahahalagang tungkulin sa loob ng silid-aralan. Ang mga guro ay itinuturing na liwanag sa

silid-aralan at sa napakaraming responsibilidad, na mula sa pinakasimple patungo sa pinaka-

kumplikado. Ito ay nangangailangan ng iba't ibang mga estilo ng pagtuturo o pamamaraan

upang makuha ang interes ng mga mag-aaral. Higit sa lahat, ang guro ay dapat magkaroon ng

sapat na kaalaman sa mga layunin at pamantayan ng kurikulum, kasanayan sa pagtuturo,

interes, pagpapahalaga at mga mithiin. Sa pagsusuri ng pagkatuto ng isang bata, malalaman

ang iba’t ibang estilo o pamamaraan ng mga guro.

 Ang mga sumusunod ay ang paglalahad ng mga suliranin. (1) Ano-ano ang mga estilo

o paraan ng pagsusuri ng guro sa pagkatuto ng mga bata na nag-aaral sa San Antonio de

Padua Kiddie Day Care Center?, (2) Ano ang pagkaka-pare-pareho ng karanasan ng mga

mananaliksik sa karanasan ng mga lehitimong guro na nagtuturo sa nasabing paaralan?, (3)

Ano ang problemang kinahaharap sa estilo ng pagsusuri sa isang guro sa pagkatuto ng mga

mag-aaral?, at (4) Ano ang kagandahan ng estilo?.

Bunga ng kahalagahan ang kalalabasan ng pananaliksik na ito sa mga sumusunod; (1)

mga guro; makakatulong ang pag aaral na ito upang madagdagan ang kanilang kaalaman

tungo sa pagsusuri ng pagkatuto ng mga mag-aaral at maging batayan nila ito sa mga susunod

pa nilang pagtuturo upang maging epektibo sa mga batang mag-aaral. (2) mga magulang; ang

kanilang paggabay at pagsuporta ay isang malaking ambag para maging matagumpay ang

ginawang pananaliksik at mahalagang pag-ukulan nila ang kanilang mga anak ng oras at

ipamalas ng lubos ang patnubay upang mas pagbutihin at pahalagahan ng mga bata ang

kanilang pag-aaral. (3) Administrasyon ng paaralan; ito ay maaring makahikayat sa mga taga-

pamahala ng paaralan na magpatupad ng mga pamamaraan sa pagpapa-unlad ng estilo ng

pagsusuri tungo sa pagkatuto ng mga batang mag-aaral. (4) Sa mga susunod pang

mananaliksik- makatutulong ang pag-aaral na ito sapagkat maaari itong maging gabay at

batayan sa susunod pang pananaliksik na gagawin halintulad sa tema ng pananaliksik na ito.

Panghuli (5) Sikolohiyang Pilipino- makaaambag ito sa pagpapalawak ng kaalaman na

natuklas ng mga nakaraang pag-aaral sa paksa ng pananaliksik na ito.

Ang sakop ng pananaliksik na ito ay alamin ang mga estilo na isinasagawa ng mga

guro sa pagsusuri ng pagkatuto ng mga mag-aaral ng San Antonio de Padua Kiddie Day Care

Center. Ang ma pag aaral na ito ay tumutukoy sa ibat ibang pamamaraan na ginagamit ng

mga guro sa nasabing paaralan, at ano ba ang nagiging epekto ng paggamit ng partikular na

estilo sa pagkatuto ng mga mag-aaral.

 Layunin ng pag-aaral na ito na alamin ang mga pagkakatulad sa magiging karanasan

ng mga mananaliksik na susubok maging isang guro sa mga batang mag-aaral, at ang mga

tunay na guro sa paaralan na iyon. Bukod pa rito, nais din malaman ng mananaliksik kung

ano-ano ang mga pamamaraan o estilo na isinasagawa ng mga guro tungo sa pagsusuri ng

pagkatuto ng mga batang mag-aaral.

Ang pag aaral na ito ay hindi sumasakop sa galaw at paraan ng pagtuturo ng mga

guro. Hindi rin sakop ng pag-aaral na ito ang pagkakaiba ng karanasan ng mga mananaliksik

sa karanasan ng mga lehitimong guro sa paaralan na nilahukan.

Sa pagpapatunay nina Chickering at Gamson (1987), ang pag-aaral ay hindi isang

palabas na isport ang mga mag-aaral ay hindi natututo nang malaki sa pamamagitan ng pag-

upo sa klase at pakikinig lamang sa mga guro, pagsasaulo sa mga impormasyon, at pagsagot

sa mga katanungan. Dapat din nilang pag-usapan ang kanilang natutuhan, isulat ang tungkol

dito, iugnay ito sa mga karanasan, ilapat ito sa kanilang pang-araw-araw na pamumuhay at

dapat din nilang tanggapin ang kanilang natutunan bilang isang bahagi na ng kanilang sarili.

Sa Unibersidad ng Oklahoma, ayon sa pag-aaral ni Dee Fink (2003), ang epektibong

estilo o teknik sa pagtuturo ay ang basehan sa aktibong motibasyon ngunit hindi lahat ng guro

ay may kakayahan pa tungkol sa paggamit ng epektibong estilo para sa aktibong pag-aaral.

Ang mag-aaral din ay walang kamalayan sa kanyang responsibilidad sa pag-aaral. Ang

aktibong pag-aaral ay nakatuon sa pagtulong sa mga mag-aaral na makisangkot sa pag-aaral

subalit hindi lahat ng paaralan ay may kapasidad na makamit ito; ang iba hindi angkop ang

estilong ginagamit sa pagtuturo na idinudulog ng guro sa nilalaman ng paksa.

Sa Pilipinas, ayon kay De Juan (2013) sa paglalahad niya ng mga suliranin sa

pagtuturo ng Filipino isa rito ang kawalan ng interes ng mga mag- aaral sa pagbabasa ng mga

akdang pampanitikan at ang guro ay hindi mulat sa lahat ng pagbabagong nagaganap sa

kapaligiran lalo na sa larangan ng wika at panitikan para sumunod sa makabagong estilo o

teknik sa pagtuturo ng Filipino ang kanyang mga maituturo. Ayon sa pakikipanayam namin

kay Esma (2017) isang mag-aaral sa Mataas na Paaralan sa Lungsod ng Digos, madalas

siyang nawawalan ng gana na makisangkot sa isang aralin sa Asignaturang Filipino sa

kadahilanang ang estilo ng pagtuturo na ginagamit ng guro ay makaluma o pasibo at hindi pa

akma sa paksang aaralin, na siya sanang aakit sa aktibong motibasyon ng mga mag-aaral.

Kaya ito ang naghudyat sa mga mananaliksik na bigyan ito ng solusyon upang maging gabay

ng guro at pati na rin ng mga mag-aaral sa naturang paaralan.

Ayon sa mga guro ng Unibersidad ng Corcodia Portland (2017), bilang isang

tagapagturo isinasaalang-alang mo kung paano mo gustong lapatan ang iyong paraan ng

pagtuturo, ikaw bilang isang guro ay nagnanais na gumamit ng isang paraan na

kapakipakinabang para sa lahat ng iyong mga mag aaral upang tamasahin nila ang proseso ng

pag-aaral at para naman sa iyong silid-aralan upang maging maayos at kontrolado. Bukod

dito walang dalawang guro ang magtuturo sa parehong paraan, tulad ng walang dalawang

mag-aaral na matuto ng isang bagay sa parehong paraan. Ang estilo ng pagtuturo ng mga

guro ay batay sa kanilang pilosopiya sa edukasyon, demograpiko ng kanilang silid-aralan,

kung ano ang paksa (o mga lugar na itinuturo nila), at kung ano ang misyon ng paaralan.

Sa akdang Pilipino ang kawalan ng interes ng mga mag- aaral sa pagbabasa ng mga

akdang pa panitikan ang parating nahaharap na suliranin ng mga guro kaya para

masolusyunan ito gumagamit ng iba’t ibang estilo ng pagtuturo o pagdulog sa pagtuturo

upang pumukaw ito sa interes ng mga mag-aaral na basahin ang mga akda. Gayunpaman

hindi sapat ang kaalaman sa pag-unawa lamang ng iba’t ibang pagdulog sa pagtuturo kaya

nga ay gumagamit ang mga guro ng iba’t ibang kagamitang pampagtuturo sa pag-aaral

kagaya ng paggamit ng multimedya sa pagtuturo ng mga akda (vcd, dvd etc.) o maging ang
kompyuter katulad ng paggamit ng slide presentation sa pagtatalakay ng akda (De Juan,

2013).

Ang mga estratehiya sa pagtuturo ay may malalaki at mahahalagang tungkulin sa

pagbibigay ng tulong sa guro upang ang mga katotohanang nakapaloob dito ay maihatid

patungo sa mga mag-aaral na mas madali at mas maganda ang kalidad ng gawain. Ayon sa

kanila Fernandez et al. (2010), ang lahat ng gawain, malaki man o maliit ay ginagamitan ng

mga pamamaraan upang matapos ang naturang gawain sa kabilang banda habang ang

pangangailangan sa mga gawain ay dumarami lalo sa pagtuturo ang nakik tang problema dito

na kinakailangang pagtuunan ng pansin ay tungkol sa pamamaraan, metodo, estrat hiya na

siyang dapat rebisahin at paunlarin pa upang ang mga resultang minimithi ay siyang

matugunan.
 METODOLOHIYA

Sa bahaging ito, ilalahad ang mga pamamaraan at instrumentong ginagamit sa

pangangalap ng mga datos. Nakapaloob din dito ang disenyo, metodolohiya, lugar kung saan

gaganapin ang nasabing pag-aaral at ang magiging kalahok.

Pamamaraan/ Disenyo

Ang pag-aaral na ito ay gumamit ng tatlong pamamaraan o disenyo upang makakalap

ng impormasyon na makakapagpalalim sa kaalaman ukol sa estilo ng pagsusuri ng mga guro.

Ang mga ito ay ang pakikilahok, pagtanong-tanong pati na rin ang pagmamasid.

Pakikilahok

Ang Pakikilahok o pakikibagay ay isa sa uri ng pamamaraan ng pananaliksik na kung

saan ito ay ang pag sang-ayon sa gawa, salita at kilos ng isang tao na ang layunin ay

maaaring taos sa puso na maaaring makatulong sa pagbuo ng pagkakaibigan. Ayon kay

Garcia (2018) ang pakikilahok ay makakamit lamang kung kinikilala ng tao ang kanyang

pananagutan. Mula dito makakamit ang kabutihang panlahat. Ang pakikilahok ay mahalaga

sapagkat: (1) Maisasakatuparan ang isang gawain na makatutulong upang matugunan ang

pangangailangan ng lipunan, (2) Magagampanan ang mga gawain o isang proyekto na

mayroong pagtutulungan, at (3) Maibabahagi ang sariling kakayahan na makatutulong sa

pagkamit ng kabutihang panlahat.

Ang pananaliksik na ito ay naglalayong makilahok sa pamamagitan ng pagtuturo sa

mga kindergarten sa isang komunidad sa Dasmariñas Cavite upang masuri ang

pagkakapareho ng magiging karanasan ng mga mananaliksik sa karanasan ng guro patungkol

sa mga mabisang paraan ng pag-alam o pag-susulit ng natututunan ng mga studyante sa

nasabing lugar.
Pagtatanong-tanong

Ang isang paraan ng pananaliksik na ginamit sa pag-aaral na ito ay ang Pagtatanong-

tanong. Ito ay paraan ng pananaliksik na inilalarawan bilang "kaswal" kahit ang mga

mananaliksik ay determinadong makakuha ng impormasyon hinggil sa paksa na pinag-

aaralan. Sa uri ng pamamaraan ding ito, may kakayahan ang mga kalahok (participants) sa

pag-aaral na mag-tanong rin sa mga mananaliksik kung may hindi sila maintindihan o

masyadong nalilinawan sa pag-aaral, at ang mga mananaliksik, sa kabilang banda, ay hindi

dapat isantabi ang mga katanungang ito. Bagkus, ay dapat bigyan pansin at dapat sagutin sa

paraang maayos at malinaw. Ayon nga kay Pe-pua (2000), "These questions should not be

avoided and must be respected by the researchers."

Ang metodong ito ay ginamit sa pag-aaral upang mag-karoon ng mas malawak at

malinaw na representasyon sa kung ano, ayon kalahok ng pag-aaral ang epektibong

pamamaraan ng pag-sukat sa kaalaman ng mga estudyanteng nag-aaral sa daycare center. Sa

paraang ito, mas malayang maipapahayag ng day care teacher—kalahok—ang kaniyang

sariling opinyon at sagot hinggil sa paksa ng pag-aaral.

Pagmamasid-masid

Ayon kay Bennagen (1985) ang pagmamasid-masid ay isang pamamaraan ng

pananaliksik na kung saan ang gawi ng mga tao sa iisang partikular ng grupo ay

inoobserbahan. Tinitignan ng mga mananaliksik ang kanilang mga gawi sa pananaw ng ibang

tao o third person point of view upang mas mapatunayan ang katotohanan sa likod ng mga

nakalap na impormasyon.

Ang pamamaraang ito ay ginamit sa pag-aaral upang makakatulong na mapagtibay

ang mga patotoo at mga tugon ng kalahok ng pag-aaral sa mga katanungan ng mga

mananaliksik.
Kalahok sa Pananaliksik

Gagamit ng purposive sampling ang mga mananaliksik na kung saan ay nagtalaga ng

panuntunan sa pagpili ng kalahok. (1) Ito ay guro sa isang daycare, (2) Tatlong taon o higit pa

na nagtuturo sa daycare, at (3) Gumagamit ng ibat ibang estilo sa pagsusuri ng kaalaman ng

mag-aaral (e.g writing activites, physical fitness activities). Ang guro sa daycare center ang

siyang magiging kalahok sa pagsasagawa ng pananaliksik na ito. Layon ng mga mananaliksik

na pag-aralan ang pagkakapareho ng magiging karanasan ng mga mananaliksik sa karanasan

ng guro patungkol sa mga epektibong pamamaraan ng pag-susukat o pag-susulit sa

natututunan ng mga studyante sa napiling lugar.

Lokal

Ang mga mananaliksik ay gumamit ng convenient sampling sa pagpili ng lokal napag-

gaganapan ng nasabing pag-aaral. Napagpasyahan ng mga mananaliksik na makilahok sa

pagtuturo sa isang barangay sa Dasmariñas Cavite na kung saan isasakatuparan ang

pakilalahok. Ang napiling lugar ng paglalahukan ay gaganapin sa Barangay San Antonio

De Padua 1 Dasmariñas City Cavite, sa mismong daycare center ng nasabing barangay. Ayon

sa 2015 Census, ito ay may kabuuang populasyon na 3, 110 na nagrerepresinta ng 0.47% sa

kabuuang populasyon ng buong Dasmariñas.

Ayon sa Haligi ng Bata Inc. (2018), sa kabila ng pambansang batas (batas republika

blg. 9115) na sumusuporta sa pag-aalaga at kaunlaran sa pagkatuto ng kabataan, ang mga

pangpublikong daycare center sa Pilipinas ay kasalukuyang humaharap sa ibat ibang

problema tulad na lamang ng hindi maayos na pasilidad, limitado at kakaunting materyales sa

pagtuturo, at mga ilang tauhang hindi dumaan ng pagsasanay sa pagtuturo. Ito ay dahil sa

barangay o community government lamang nakuha ng pondo ang mga daycare center sa

Pilipinas, ibig sabihin din na pag ang mga lugar na nasa mas mahihirap pa na komunidad ay
karaniwang hindi nakakatanggap ng suporta mula sa kani-kanilang barangay na nagreresulta

ng mas mahirap na pagpapatayo o pagtataguyod ng sariling daycare center.

Karamihan sa mga pamilya sa Pilipinas na walang kakayahang ipasok ang kanilang

mga anak sa pribadong paaralan ay mas pinipili na lamang na ipasok ang kanilang mga anak

sa pangpublikong paaralan katulad na lamang ng daycare center sa kanilang barangay. Ang

mga mananaliksik ay naglalayong alamin ang mga pagkakatulad sa magiging karanasan na

susubok maging isang guro sa mga batang mag-aaral, at ang mga tunay na guro sa paaralan

na iyon, gayundin ang iba’t ibang pamamaraan o estilo na isinasagawa ng mga guro tungo sa

pagsusuri ng pagkatuto ng mga batang mag-aaral sa San Antonio de Padua Kiddie Daycare

Center Salitran Dasmarinas, Cavite.

Instrumento

Ang instrumentong ginamit ng mga mananaliksik sa pangangalap ng impormasyon

patungkol sa paraan ng pagsususlit at pagsusukat ng Pagsusuri ng Estilo ng Isang Guro sa

Pagkatuto ng mga Mag-aaral sa San Antonio de Padua Kiddie Daycare Center ay binubuo ng

sampung katanungan.
 PAGLALAHAD NG RESULTA

Ang mga mananaliksik ay nakaranas na magturo sa isang daycare center sa San

Antonio de Padua Salitran Dasmarinas, Cavite upang suriin at ipagkumpara ang estilo ng

isang guro sa pagkatuto ng mga mag-aaral. Sa bahaging ito ilalahad ang ibat ibang karanasan

ng mga mananaliksik sa pagturo sa pamamagitan ng pagtetema ng mga sagot.

Tema 1: Estilo o paraan ng pagsusuri ng guro sa pagkatuto ng mga bata na nag-aaral.

GURO: Sa pamamagitan ng audio visual, pag-lalaro, pagku-kuwento at pag-aawit.

MANANALIKSIK: Ang mga pamamaraan na isinagawa ng mga mananaliksik sa pag-tuturo

sa mga bata ay: storytelling, arts and crafts at singing ang dancing. At sa bawat kagalingan na

ipinapakita ng mga mag-aaral ay may kaakibat na premyo (star). Bukod pa dito, ang mga

mananaliksik ay naging mahinahon at maintindinhin sa pag-aapproch ng mga batang mag-

aaral, upang sa gayon ay maging magkalebel ang dalawang panig.

Tema 2: Pagkaka-pare-pareho ng karanasan ng mga mananaliksik sa ng lehitimong guro

sa pagtuturo.

GURO: Dahil sa mga pamamaraan ko sa pagtuturo sa mga bata, masasabi ko na epektibo at

malaki ang naiaambag nito sa pagkatuto ng mga bata dahil nalalaman ko na kung gaano sila

kainteresado sa klase at kung may mga natutunan ba sila.

MANANALIKSIK: Ang mga mananaliksik ay nagagalak sa tuwa dahil lahat ng

pamamaraan sa pagtuturo na kanilang isinagawa ay masasabi na ang mga bata ay nakilahok

sa bawat gawain na nangyari sa araw na iyon. Ang lahat ay may natutunan, sa bawat

pagtatanong ng mga mananaliksik sa mga bata ay sila ding nagbibigay ng sagot na ibig

sabihin ay naiintindihan nila ang bawat gawain.

Tema 3: Problemang kinaharap ng guro at mananaliksik sa estilo ng pagtuturo sa mga

mag-aaral.
GURO: Yung mga magulang na hindi sumusuporta sa anak nilang nasa daycare.

MANANALIKSIK: Ang mga mananaliksik ay sadyang nahirapan sa pagkuha ng atensyon

at interest ng ibang batang mag-aaral, kung kayat hindi kaagad ng magandang koneksyon na

siyang nakaapekto sa pag-tuturo ng mga mananaliksik. Bukod pa rito, hindi iisa ang paraan

ng pag-tuturo na epekto sa lahat ng mag-aaral dahil ibat-iba ang kinalakihan ng mga bata.

Halimbawa ay may isang estudyante na hindi gaanong nakakaintindi ng tagalog, kung kayat

ang isa sa mga mananaliksik ay mas nag-tuon ng pansin sa batang iyon.

Tema 4: Kagandahan ng estilo sa pagtuturo sa mga mag-aaral.

GURO: Audio visual at pagku-kwento ng nasa visual aids.

MANANALIKSIK: Base sa naging karanasan ng mga mananaliksik, isa sa naging

kagandahan ng mga nabanggit na paraan ng pag-tuturo na isinagawa. Ang pag-bigay ng

reward sa bawat pag-sunod o pag-sagot nila ng tama kapag tinatawag ay masasabing epektibo

ito na pag-tuturo dahil mas ginaganahan ang mga bata na makinig at makiisa sa bawat

activities na ibinigay ng mga mananaliksik.

Sa kabuuan, ang mga naging karanasan ng mga mananaliksik sa pagtuturo at sa estilo

ng pagsusuri ng pagkatuto ng mga mag-aaral sa San Antonio de Padua Kiddie Daycare

Center Salitran Dasmarinas, Cavite ay masasabing may pinagkaiba sa estilo ng pagsusuri ng

isang guro sa pagkatuto ng mga bata. Sapagkat ang mga nasabing guro ay mas isinasagawa

ang mga nakasanayang estilo habang ang mga mananaliksik ay gumamit ng mga

pamamaraan na mas bago at masasabing mas epektibo para sa mga batang mag-aaral. Bukod

pa dito, ang Guro at mananaliksik ay magkaiba ang isinagawang pamamaraan. At higit na

mas marami ang mga mananaliksik kaysa sa napiling Guro, kaya mas napadali ang

nangyaring pagsusuri. Sa madaling salita kaya nagkaroon ng pagkakaiba sa nasabing

pagsusuri sa kadahilanang may iba’t ibang ginamit na pamamaraan o estilo upang masuri ang

pagkatuto ng mga bata.

 TALASANGGUNIAN

Chen, Y. C. (2008), An Investigation of the Relationships between Teaching Style and Studies

Achievement in Miaoli Jianguo Junior High School. Retrieved on October 24, 2019

from https://education.cu-portland.edu/

Fernandez, et al., (2010). Mga Salik sa Epektibong Pamamaraan ng Pagtuturo sa

Asignaturang Filipino sa Mataas na Paaralan ng Polompon Institute of Technology

Polompon, Leyte. Retrieved on October 24, 2019 from

https://www.slideshare.net/lourlse/research-paper-in-filipino.

Haligi ng Bata Inc. (2018), Improving Public Daycare Centers and Youth Centers. Retrieved

on November 21, 2019 from https://haligingbata.com/early-childhood-development-

improving-public-daycare-centers-and-youth-centers

Lopez, J., Alquizola, A.M., Yap, R. (2018) Estilo ng Pagtuturo ng mga Guro at ang Aktibong

Motibasyon ng mga Mag-aaral. Retrieved on November 21, 2019 from

https://www.academia.edu/37968542/ESTILO_NG_PAGTUTURO_NG_MGA_GUR

O_AT_ANG_AKTIBONG_MOTIBASYON_NG_MGA_MAG-AARAL

Pe-Pua, R. (2000). Sikolohiyang Pilipino (Filipino Psychology): A legacy of Virgilio G.

Enriquez. Asian Journal of Social Psychology 3: 49–71.