Ang KASULATANG ito ay pinagkasunduan at isinagawa sa pagitan
nina:
Nicolas Palmes, nasa hustong gulang, at nakatira sa Block 7 Lot
8 Arellano St. Sta Ana Manila na sa kasulatang ito ay tinaguriang NAGSANGLA;
at
_________________, nasa hustong gulang at nakatira sa No.
2510 Arellano St. Sta Ana Manila na sa kasulatang ito ay tinaguriang PINAGSANGLAAN;
NAGPAPATUNAY
Na ang NAGSANGLA ay humiram sa PINAGSANGLAAN ng
halagang LIMAMPUNG LIBONG PISO ( P50,000.00) na tinanggap at sumakamay ng NAGSANGLA ngayong ika-15 ng Setyembre 2019 na pinapatunayan ng kanyang lagda dito. Ang nasabing pagkakautang ay babayaran pagkatapos ng isang (1) taon o higit pa.
Bilang panagot sa nasabing pagkakautang, isinasangla ng
NAGSANGLA ang isang unit(2nd Floor) na sarili niyang pag-aari na matatagpuan sa Block 7 Lot 8 Arellano St. Sta Ana Manila.
Bilang interes sa nasabing pagkakautang, pinapahintulutan ng
NAGSANGLA ang PINAGSANLAAN na kumuha ng upa sa nasabing unit, na nagkakahalagang apat na libo (4,000) kada buwan sa loob ng nasabing kasunduan.
Ang nasabing apartment ay tunay na pagmamay-ari ng
NAGSANGLA at walang ibang utang o sanlang pinanagutan.
Sakaling mabayaran ng NAGSANGLA ang nasabing pagkakautang
sa itinakdang panahon, ang kasulatang ito ay mawawalan ng bisa at saysay. Subalit kung hindi naman niya ito magawang bayaran, ang Kasulatang ito ay iiral at ipapatupad sa kaparaanang itinatakda ng batas.
Maaaring i-renew ang kasulatang ito ng naaayon sa
mapagkasunduan ng NAGSANGLA AT PINAGSANGLAAN.
SA KATUNAYAN NG LAHAT, ang magkabilang panig ay lumagda
sa kasulatang ito ngayong ika-_________ sa Lungsod ng Maynila.