I. Talasalitaan 1. Paglilimayon- pagsasaka Hal. Ang tatay ko ay magaling sa paglilimayon ng palay. 2. Kapisanan- isang uri ng samahan, samahang damayan o union Hal. Sabi ng nanay ko ay huwag daw akong sumali sa kapisanan ng aking kaibigan sapagkat makakasama ito sa aking pag-aaral. 3. Piging- tumutukoy sa pormal o seremonyal na hapunan na karaniwang sinusundan ng mga talumpati. Ito ay isang malaking kainan na karaniwang ginagawa upang ipagdiwang ang isang importanteng bagay o pangyayari sa buhay ng isang tao o lipunan. Hal. Inimbitahan ako ng aking kasintahan sa isang piging ng kanyang angkan at doon niya ako ipapakilala sa kanila. II. Pagpapakilala sa Kabanata Sa kabanatang ito ay nakapaloob ang mga nangyari pagkatapos ng pagsusulit sa unibersidad, kung paano nagkaroon ng kamalayan sa mga nangyayari si Basilio kahit na ito ay nasa bilangguan, ang reaksyon ng mga tao sap ag-iisang dibdib ni Juanito Pelaez at Paulita Gomez, at kung bakit hiniwalayan ng dalaga si Isagani. III. Tagpuan Sa lungsod ng Maynila IV. Tauhan Simoun -nagkasakit ngunit gumaling na -naghanda ng piging -nag-asikaso sa kasal nina Juanito Pelaez at Paulita Gomez Paulita Gomez -dating kasintahan ni Isagani -ikakasal kay Juanito Pelaez Basilio -hindi nakakuha ng pagsusulit sapagkat siya ay nasa bilangguan Tadeo -hindi nakapasa sa pagsusulit -sinunog ang kanyang mga aklat Pecson -hindi nakapasa sa pagsusulit -magiging kawani ng hukuman Macaraig -hindi nakapasa sa pagsusulit -nagmadaling pumunta sa Europa Juanito Pelaez -hindi nakapasa sa pagsusulit -ikakasal kay Paulita Gomez -may dugong kastila at anak ni Don Timoteo Pelaez Isagani -nakapasa sa pagsusulit -pumasa sa asignatura ni Padre Fernandez Sandoval -nakapasa sa pagsusulit -hinusayan ang pagtatalumpati Sinong -kotserong dumadalaw kay Basilio sa bilangguan at ibinabalita sa kanya ang tungkol sa nangyayari sa labas ng bilangguan. Ben Zayb -nagbalita na magaling na si Simoun Don Timoteo Pelaez -ama ni Juanito Pelaez -isang mayamang negosyante Kapitan Heneral -ninong sa kasal nina Juanito Pelaez at Paulita Gomez V. Banghay Dahil sa mga pangyayari, maraming magulang ang nagpatigil ng pag-aaral sa kanilang mga anak at nag-utos na harapin na lamang ang paglilimayon. Maraming hindi nakapasa sa unibersidad lalo na doon sa mga naging kasapi sa kapisanan. Hindi nakapasa sina Tadeo, Macaraig, Pecson, at Juanito ngunit nakapasok naman sina Isagani at Sandoval. Si Tadeo ay sinunog niya ang mga aklat, nagmadaling pumunta si Macaraig sa Europa, naging kawani si Pecson sa hukuman, at si Juanito naman ay nagpatali sa negosyo ng ama. Nakapasa sina Isagani sapagkat pumasa siya sa asignatura ni Padre Fernandez samantalang si Sandoval naman ay hinusayan niya ang pagtatalumpati. Si Basilio naman ay hindi pa nakakakuha ng pagsusulit dahil nasa bilangguan pa. Nalaman niya ang pagkawala ni Tandang Selo at ang pagkamatay ni Juli sa tulong ng kotserong si Sinong na tanging dumadalaw sa kanya at ibinabalita ang mga nangyayari sa labas ng bilangguan. Samantala, ayon kay Ben Zayb ay mabuti na ang lagay ni Simoun. Mamamahala umano ito ng isang piging sa bahay ni Kapitang Tiago na nakuha ni Don Timoteo Pelaez sa murang halaga. Mamamahala siya ng isang piging sapagkat paraan niya ito ng pasasalamat sa kaniyang paggaling at bilang pamamaraan sa baying nagdagdag ng kaniyang kayamanan. Mula noon ay madalas si Simoun sa tindahan ng mga Pelaez na usap-usapan ng iba na pinakisamahan na niya ito. Makaraan ang ilang Linggo ay napabalitang ikakasal si Juanito kay Paulita. Marami ang nainggit sa kapalaran ng mga Pelaez sapagkat nakabili sila ng bahay sa murang halaga, nagtubo ng magaling sa kanilang paninda, nakasama sa pangangalakal si Simoun, at makakasal si Juanito kay Paulita na mayamang tagapagmana at mayroong angking kagandahan. Nang matapos na ang Abril, ang Maynila ay walang pinagkaabalahang gawin kundi iisang bagay: ang maghanda upang sila ay maanyayahan sa pistang gagawin ni Don Timoteo Pelaez dahil sa kasal ng anak. Ang Kapitan Heneral ang magiging inaama at si Simoun ang mamamahala sa lahat. Ang pag-iisang dibdib ay idaraos dalawang araw bago umalis ang heneral. VI. Mensahe/Aral Mag-aaral ng mabuti upang makapasa. Huwag masilaw sa kayamanan dahil ito ay nauubos at nawawala din ng halaga sa paglipas ng panahon. VII. Simbolismo/Pahiwatig Si Basilio ay hindi nakakuha ng pagsusulit dahil nasa bilangguan siya. -Sumisimbolo ito sa pagtanggal ng kalayaan ng mga mapang-abuso sa mga naaapi. VII1. Kulturang Pilipino Ikinatuwa ni Tadeo ang kanyang pagbagsak at sinunog pa ang kaniyang mga aklat. -Kapag nagkaroon ang mga Pilipino ng problema ay paminsang idinadaan na lang sa mga bagay na makakapaglibang o stress reliever. Pagmamadali ni Macaraig na pumuntang Europa. -Kapag malungkot o nabigo ang mga Pilipino ay paminsan ay pumupunta sa mga lugar kung saan pwedeng makalimot o magsimula ng panibagong buhay. Pagpapatali ni Pelaez sa negosyo ng ama. -Kaugalian ng mga Pilipino na kapag nabigo ay unang lalapitan ang pamilya upang makatulong na iahon ang sarili. Pagbibigay ng impormasyon ni Sinong kay Basilio na nasa bilangguan. -Karaniwan na ang mga kaibigan ay laging nakakausap saan mang lugar naroroon. Pupunta sila sa mga kaibigang gusto nilang makausap lalo na kapag mahalaga ito. Paghahanda ng piging ni Simoun. -Kapag may natagumpayan ang isang Pilipino ay paminsang naghahanda ng mga pagkain o salu-salo. Pagpili ni Paulita kay Juanito na mayaman kaysa sa kay Isagani na walang kakayahan. -Masamang ugali ng ibang mga Pilipino na mas pinpili pa ang makapangyarihan kaysa sa anong bagay na mas makakabuti. Paghahanda ng mga tao upang maimbitahan sa pistang gagawin ni Don Timoteo Pelaez. -Kapag may gustong makuha ang mga Pilipino ay gagawa sila ng paraan para makuha nila ito. Ang pagkuha kay Kapitan Heneral bilang ninong sa kasal. -Gusto ng ibang mga Pilipino na kunin ang mga mayayaman bilang ninang o ninong sa kasal sapagkat nakatatak na ito sa isipan nila na malaking halaga ang mga ibibigay nila. 1X. Suliraning Panlipunan (Solusyon) Bago manghusga ng isang tao ay dapat itong bigyan ng malaking pang- unawa tungkol sa ginawa niya. X. Mga Katanungan 1. Ano-ano ang mga ginawa nina Tadeo, Macaraig, Pecson at Juanito pagkatapos nilang malaman na sila ay bagsak sa pagsusulit? SAGOT: Si Tadeo ay sinunog niya ang mga aklat, nagmadaling pumunta si Macaraig sa Europa, naging kawani si Pecson sa hukuman, at si Juanito naman ay nagpatali sa negosyo ng ama. 2. Bakit naman nakapasa sina Isagani at Sandoval sa pagsusulit? SAGOT: Nakapasa sina Isagani sapagkat pumasa siya sa asignatura ni Padre Fernandez samantalang si Sandoval naman ay hinusayan niya ang pagtatalumpati. 3. Bakit mamamahala si Simoun ng isang piging? SAGOT: Mamamahala si Simoun ng isang piging sapagkat paraan niya ito ng pasasalamat sa kaniyang paggaling at bilang pamamaraan sa baying nagdagdag ng kaniyang kayamanan. 4. Bakit masasabing mapalad ang mga Pelaez? SAGOT: Marami ang nainggit sa kapalaran ng mga Pelaez sapagkat nakabili sila ng bahay sa murang halaga, nagtubo ng magaling sa kanilang paninda, nakasama sa pangangalakal si Simoun, at makakasal si Juanito kay Paulita na mayamang tagapagmana at mayroong angking kagandahan. 5. Kung ikaw ang isa sa mga taong gustong maanyayahan sa pista, anong paghahanda ang gagawin mo? SAGOT: (Opsyonal) Reperensya: https://www.facebook.com/media/set/?set=a.766069980444470&type=3 https://l.facebook.com/l.php?u=https%3A%2F%2Fprezi.com%2Fm%2Fhs60q2zw zdip%2Fkabanata-32-ang-bunga-ng-mga-paskin-el- filibusterismo%2F%3Ffbclid%3DIwAR1o49R- snX8CN3LwVci8s2GB9uhYBtLlTWAtogwCh3Kd8oL- c9rHu6SkGM&h=AT0pOFDnH_gbmkrHnqDn- 8OKnTp2MsHr0IqXp4b44hk3KS_dmSUWsZOcedTHAHSb40GTmNFjQtvEX2S KEPA79veK5bMTOeWy97UnyTh7yZ8mMB8LUfGnLR9lefwywSnNx7tSbA