ANG PEKE

SALIN SA FILIPINO NI DON PAGUSARA NG ORIHINAL

NA AKDA SA WIKANG CEBUANO NA “MINI” NI
BUENAVENTURA RODRIGUES.

MGA TAUHAN:
*DON FELIX – ANG “PEKE”
*MAYANG – DALAGA
*Dr. CASAS – MANGGAGAMOT
*INGKA – INA NI MAYANG
*ALIPIO – AMA NI MAYANG
*GORYO – MAGIGING ASAWA SANA NI MAYANG
*QUINTIN – KAPATID NI MAYANG
*PILAR – NARS NI Dr. CASAS

PAMBUNGAD
Klinika ni Dr.Casas. pagbukas ng tabing, makikita si Pilar na nakaupo sa
mesa bilang nars na tagapaglingkod nang araw na iyon.

EKSENA 1
(PILAR at Dr. CASAS)
PILAR: kay tagal nang nakalabas ng doctor. Siguro’y mahirap ang
operasyon. (magpapatuloy sa kanyang Gawain si Dr. Casas mula sa
Operating Room) O, natapos na pala, Doktor? Successful ba?
CASAS: Oo. Pastilan, napakahirap na operasyon. Parang dalawang
operasyon. (Ang nars ay magdunol ng tuwalya at kukunin ang guwantes
matapos itong hubarin ng Doktor)
PILAR: Anong orders, doctor?
CASAS: Liquid diet, ha!
PILAR: kung sakaling lagnatin, ipaalam ko na lang dito!
CASAS: Oo, at kung hindi lalagnatin, huwag bibigyan ng gamot. ( sa
sandaling ito, mauunang aalis ang nars ngunit babalik, din.)
PILAR: Meron pa pala akong gusting sabihin sa inyo, Doktor. Naghihintay
ho sa labas si Don Felix Gomez.