Pakikipag Talastasan at Pagpapahayag NG Emosyon at Damdamin NG Mga Binatilyo, Sa Edad Na 18 Pababa, Sa Pamamagitan NG Paggamit NG Modernong Teknolohiya
Sa pananaliksik na ito, ang isinaalang-alang ang mga teoryang pinaniniwalaan ng mga mananaliksik na
may kaugnayan sa pag-aaral at nakatutulong ng mas malalim sa pag-unawa sa pag-aaral.
Ang batayang teoretikal ng kasalukuyang pag-aaral ay ibinatay sa communication
accommodation Theory na nilinang ni Howard Giles, isang propesor ng sikolohiya at lingwistika sa University of California, Santa Barbara sa Estados Unidos. Si Giles ay isa sa mga eksperto na naglalayong ipaliwanag ang mga nagbibigay malay, mga dahilan sa paggamit ng code-switching, at iba pang pagbabago sa istilo ng pananalita. Ipinapaliwanag sa teoryang ito na nagkakaroon ng inklinasyon na gumaya o bumagay sa pagsasalita ng kausap ang isang indibidwal para bigyang halaga ang pakikiisa, pakikilahok pakikipagkalagayang loob, pakikisama o kayay pagmamalaki ng pagiging kabilang sa grupo. Inaalam nito ang ibat-ibang kadahilanan kung bakit ang isang idibidwal ay pinalalaki o pinaliliit ang kaibahang sosyal sa pagitan nya at ng kanyang interlokyutor o kausap sa pamamagitan ng sistemang berbal at di-berbal na pakikipagkomuniskayon.
Mula sa isang artikulo na isinulat ni Rico, tinatalakay din sa communication accommodation
Theory ang mga terminong interference phenomenon, at interlanguage. Ang interference phenomenon ay tumatalakay sa impluwensya ng nakagisnang wika o mother-tongue sa pangalawang wika. Dito nabubuo ang Taglish at iba pang uri ng code-switching dahil sa di maiiwasang pagpasok ng mga katutubong wika ng mga bansang naging kolonya ng mga bansa na ang katutubong wika ay Ingles. At interlanguage naman ang tinatawag na mental grammar na nabubuo ng tao pagdating ng proseso ng kanyang pagkatuto sa pangalawang wika. Halimbawa nito ang mga salitang madalas na ginagamit ng mga Pilipino, na dahil sa sobrang dalas ay nadadagdagan ito ng gamit (nominalisasyon
Pakikipag Talastasan at Pagpapahayag NG Emosyon at Damdamin NG Mga Binatilyo, Sa Edad Na 18 Pababa, Sa Pamamagitan NG Paggamit NG Modernong Teknolohiya