Ikatlong Markahan Baitang 3 Araling Panlipunan SY 2019 – 2020
Aralin #3: Uri ng Panahanan
Mga Panahanan sa Pamayanang Rural na Nagpapakita ng
Pag-aangkop sa Uri ng Kapaligiran: a. Tahanan ng mga Ivatan na handa sa malalakas na bagyo. b. Tahanan ng mga taga-Ifugao na iniangkop sa malamig na klima sa lugar. c. Tahanan ng karaniwang magsasaka sa bukid na maginhawa kahit mainit ang panahon. d. Tahanan ng mga Badjao na angkop sa hanapbuhay na pangingisda. e. Karaniwang bahay na gawa sa semento, kahoy, yero na angkop sa klima ng bansa.
Mga Panahanan sa Pamayanang Urban na Nagpapakita ng
Pag-aangkop sa Uri ng Kapaligiran: a. Apartment o mga yunit na magkakadikit na angkop sa lugar ng maraming taong naninirahan para sa mas marami ang makatira sa isang espasyo. b. Malaking tahanan na angkop sa malawak na pribadong subdibisyon. c. Condominium na angkop sa mga pamilyang naghahanapbuhay sa kalapit na lugar. d. Mga barong-barong na gawa sa mga karton, mga piraso ng yero at iba pang materyales na pansamantalang tirahan lamang ng mga walang sariling lupa. Basahin ang pahina 252-268 ng Bagong Lakbay ng Lahing Pilipino 3 (BLLP3) para sa karagdagang kaalaman.
Gumupit o gumuhit ng larawan na nagpapakita ng komunidad sa
rural at urban idikit ito sa kwaderno. Sa bawat larawan ng komunidad sumulat ng dalawa hanggang tatlong pangungusap para sa paglalarawan ng bawat komunidad.