ANG DIDACHE: Katunayan na Katoliko ang mga naunang Cristiano
By: Juan Catolico
Ang Didache (pronounced as di-da-kei) o kilala rin noon sa tawag na "Ang Turo ng Labindalawang Apostol", ay isang maiksing dokumento na inilalagay ng mga iskolar sa unang siglo (1st century). Sinasabi ng ilang iskolar ng mga Protestante na ang mga “tradisyon” ng mga Katoliko ang siyang sumira sa Iglesyang Cristiano simula noong unang bahagi ng ikalawang siglo (2nd century). Sinasabi nila na ang tanging mapagkakatiwalaan lang na dokumento na nagpapatunay ng pananampalatayang Cristiano ay ang aklat ng Bagong Tipan, na isinulat noong unang siglo. Gayunman, ipinapakita ng mga makabagong pagsasaliksik na ang Didache ay naisulat na noong 65- 80 A.D, at pasok ito sa panahon na isinusulat pa ang mga aklat ng Bagong Tipan at buhay pa ang ilang Apostol. Bagama’t hindi isang “inspired document” ang "Didache", ito ay isa pa ding napakamahalagang kasulatang Cristiano, sapagkat ipinapakita nito na maging 65-80 AD pa lamang, ang mga itinuturo ng Simbahang Katolika ay malalaman na siyang itinuturo sa mga naunang Cristiano. Ang Didache ay may bahagi tungkol sa pagdarasal ng “Ama Namin”, Pag-aayuno, Pagbibinyag sa pamamagitan ng pagbubuhos, at ang Eukaristiya. Tunay na ang dokumentong ito ang nagpapatunay na ang turong Cristiano sa simula pa lamang ay kahalintulad ng patuloy na itinuturo sa Simbahang Katolika sa loob ng 2000 taon! Ang salin ng Didache sa ingles ay matatagpuan dito:http://www.newadvent.org/fathers/0714.htm ANG PAGDARASAL NG “AMA NAMIN” Sa kabanata 8, makikita natin na ang “Ama Namin” o ang “the Lord’s Prayer.” Itinutuligsa ng mga Protestante at ng INC na dapat ang panalangin ay hindi isinasaulo o inuulit-ulit. Bagama’t walang tutol dito ang mga Katoliko, magandang paraan din ng panalangin ang “formula” na itinuturo ni Jesus at ng mga Apostol sa atin, kagaya ng “Ama Namin.” Ipinapakita ng Didache na ang pagsasaulo ng “Ama Namin” bilang isang panalangin (na ang mga salita din naman ay nanggaling sa Biblia) ay isang kaugaliang Cristiano sa simula pa lamang. PAGBINYAG SA PAMAMAMAGITAN NG PAGBUBUHOS Ang Didache ay may bahagi na nagtuturo ng pagbibinyag gamit ang pagbuhos. Itinuturo ng mga kaibayo natin sa pananampalataya na ang tanging paraan ng pagbuhos. Ngunit malinaw ang turo ng Didache dito: sa ikalawang bahagi (Kabanata 7 hanggang 10) ay makikita ang pagtuturo kung paano isagawa ang pagbibinyag o pagbabautismo. Ang pagbibinyag ay dapat isagawa sa "ngalan ng Ama, at ng Anak, at ng Espiritu Santo" na may tatlong beses na paglulubog sa tubig. Subalit kung hindi maisasagawa sa buhay na tubig (halimbawa, ilog), maaari din naman itong isagawa sa mainit o malamig na tubig. Kung hindi sapat ang tubig sa paglulubog ng binibinyagan, ito ay maaari din namang ibuhos sa ulo nang tatlong beses. EUKARISTIYA PARA SA MGA NASA “FULL COMMUNION” LAMANG Alam ba ninyo na ang Didache ang unang dokumento na nagtuturing sa sakramentong ito bilang “Eukaristiya”? Nakasulat sa Kabanata 9: “Tungkol sa Eukaristiya, magpasalamat kayo sa ganitong paraan. Una, tungkol sa kopa: Pinapasalamatan ka namin, aming Ama, para sa banal na ubas ng iyong lingkod, na ipinahayag mo sa amin sa pamamagitan ng iyong lingkod na si Jesus; sumaiyo ang kaluwalhatian magpakailanman.” At tungkol sa pagpuputol-putol ng tinapay: “Pinapasalamatan ka namin, aming Ama, para sa buhay at karunungan na ipinahayag mo sa amin sa pamamagitan ng iyong lingkod na si Jesus; sumaiyo ang kaluwalhatian magpakailanman. Yamang ang pinagputol-putol na tinapay na ito ay maikalat sa mga burol, at muling matipon at maging isa, kaya’t nawa’y matipon din ang iyong Simbahan mula sa dulo ng lupa papunta sa iyong kaharian; sumaiyo ang kaluwalhatian at kapangyarihan sa pamamagitan ni Jesu-Cristo magpakailanman. Ngunit huwag hayaan na ang sinuman na kumain o uminom ng Eukaristiya, maliban na sila ay nabinyagan sa pangalan ng Panginoon; sapagkat sinabi ng Panginoon tungkol dito: "Huwag ninyong ibigay ang mga banal sa mga aso." Sa pamamagitan ng mga nakasulat dito sa dokumentong ito, mapapatunayan natin na maging sa simula pa lamang, Katoliko na ang mga unang Cristiano. Subscribe to our YouTube Channel:http://www.youtube.com/c/DefendtheCatholicFaithVanguardsofT… Follow us on Instagram @defendcatholicfaith