Ang pangangatwiran ay isang uri ng pahayag hingil sa kaalaman at paniniwala sa bagay,
pangyayari o ediya na binibigyan ng katarungan sa pamamagitan ng pagpapaliwanag upang makahikayat. Ang pangangatwiran ay isang uri ng pagpapahayag na ang pangunahing layunin ay magpatunay ng katotohanan at pinaniniwalaan at ipatanggap ang katotohanang iyon sa nakikinig o bumabasa. Ang isang nangangatwiran ay dapat magtaglay ng sapat na kaalaman tungkol sa paksang pinangangatwiran. Kailangang ang katwiran ay nakabatay sa katotohanan upang ito ay makahikayat at makaakit nang hindi namimilit.
5.1.1 Uri/ Pagsulat ng Pangangatwiran
MGA URI NG PANGANGATWIRAN
1. Induktibo o Pabuod na pangangatwiran
Ito ay nagsisimula sa maliit na katotohanan ta nagwawakas sa panlahat na simulain o isang pangkalahatang obserbasyon.
Ang ganitong pangangatwiran ay nasasangay sa tatlong paraan:
a. Ang pagkakaroon ng sampol sa pamamagitan ng surbey na siyang nagiging batayan ng
mga konklusyon. Kailangang tiyak ang kinatawan sampol. Dito kalailangan ang kaalaman sa estadiskita o ang gabay ng isang propesyunal na estadistisyan. b. Ang Pagtutulad Binibigyang diin ang mga pagkakahawig ng katangian, sinusuri ang mga ito at mula dito mababatid ang isang katotohanan. c. Paggamit ng sanhi at bunga Sa makabagong panahon, madalas itong ginagamit dahil sa paniniwalang walang bunga o epektong mangyayari nang walang sanhi.
2. Deduktibo o Pasaklaw na Pangangatwiran
Ang pamamaraang ito ay nagsisimula sa pangkalahatang obserbasyon at gumagalaw tungo sa mga partikular na kaso. Ang ganitong pangangatwiran ay tinatawag na silohismo. Ito ay binubuo ng isang pang-unang batayan at isang konklusyon. Ang silohismo ay isang payak na balangkas ng pangangatwiran. 5.1.2 Bahagi ng Pangangatwiran
SIMULA - inihahayag ang paksang pagtatalunan at ang kahalagahan nito sa kasalukuyan.
Ginagawa rin dito ang pagbibigay-katuturan sa mga termino at pagpapahayag sa isyu. KATAWAN - inilalahad ang mga isyung dapat na sagutin. Bawat isyu ay binubuo ng mga patunay, mga katibayan o mga katwirang magpapatotoo sa manig na ipinagtatanggol. Nagsisilbing daan para sa mambabasa upang manatiling tapat sapagkat malinaw na naiparating ang nais na katwiran. Ito ay nagagampanan sa pamamagitan ng mga patunay o ebidensya. WAKAS - ang buod ng isyung binigyang-patunay.