Wikang Katutubo: Tungo Sa Bansang Pagbabago

Lolo Lola Saranghae po….

Pepito ano ga itong apo mo, pagsabihan mo nga salbahe daw tayo bibihira na ngang dumalaw sa atin eh nakakasakit ang
mga namumutawi sa bibig…
Saranghae po Lola Juanita I love you po big sabihin nun…
Aba Amanda ito bang anak mo’y hindi ba marunong lumingon sa pinanggalingan…

Magsasalita pa sana ako pero ako’y napaisip oo nga pala Pilipino ako pero In na in sa akin ang wikang dayuhan.

Apo “Ang di marunong magmahal sa sariling wika ay higit pa sa mabahong isda” yan ang sabi ni Gat Jose Rizal, at huwag
mo ding kalimutan ang turan ni Supremo Andres Bonfacio - Aling pag-ibig pa ang hihigit kaya sa pagkadalisay at
pagkadakila gaya ng pag-ibig sa sariling lupa, aling pag-ibig pa wala na nga wala!!

Sa aking pag-iisa aking minuni-muni bakit nga ba nasabi ito ni Lolo sa akin hmmmm… ang bango naman ng kanilang
niluluto sa ibaba… parang wikang katutubo pasok sa panlasa nila Lolo, Lola, Inay, Itay, Tito, Tita mga kapatid ko. Saan
man panig sa Pilipinas natitiyak kong ito ang paborito. Wikang katutubo tradisyunal na atin, kaya hindi maipinta sa ang
saloobin nina Lolo at Lola.

Kay raming hugot ng mga kabataan ngayon,(MAGBIGAY NG HUGOT NA ALAM MO AT NAKAKATAWA) mapapatawa ka
nang malakas lalo pa’t nauunawaan mo kung anong pinagmulan at naranasan mo. Iba talaga kapag sariling atin,
Mamaya yayakapin ko silang ramdam kong may matayog na pagmamahal sa Inang wika, wikang kaluluwa ng lahing
Pilipino.

Ano ba naman kasi itong mga nababasa ko at nakikita ko sa Social Media,lumalawak ang kaalaman ko sa banyagang
salita pati mga gawi nila’y patok sa taste ko pati ng mga kaibigan ko, kaklase at kakilala, ang puso ko ba’y kasing tigas na
ng bato pagdating sa wikang katutubo, natatawa ako sa bisaya kong kaklase napagkakaisahan pa nga namin minsan at
ginagaya ng pabiro, ang tigas ng “e” at nakakatakot ung kaklase naming Batanggeño ang tapang ng salita parang
manunugod sa tuwina. Habang pilit na kinakain kakaibang lasa nung ibang wika, wikang katutubo ay pinagtatawanan,
sinusupil, ikinahihiya.

Tuwang- tuwa sa bansang Korea, Hapon at Amerika, hindi maitago ang kilig, ung iniidulo hindi marunong ng salitang
bayaga, kung marunong man konti lang(konting konti lang). Patuloy na umuunlad ang kanilang bansa. Bakit kaya? Dahil
sila ay mayaman? Sila’y mayayaman sa wikang katutubo.

Tayo’y mapagpanggap! Banyaga sa sariling lupa! Paano uunlad ang ating bayan kung mananatiling ganyan? Ang wikang
katutubo ay sandata ng pagkakaisa ng bansa? At ang pagkakaisa ay ang daan sa kaunlaran ng ating bayan!

Magbangon ka Juan!!iyong baya’y, bayang natatangi, wikang sambit mo ipagmalaking sulit, gamitin at ipahayag …

Apo… anong nangyayari sa iyo? Ikaw ba’y may kaaway dyan sa kwarto mo? Lolo Pepito ako po’y nageensayo para po sa
Monologo sa San Pablo City Integrated High School. Salamat po Lolo….

O wika ko, wika kong tangan, Wikang Katutubo, itoy hindi basta lamang wika o salita. Ito’y tila hangin na kailangan ng
bawat Pilipino san dako man ng mundo. Ito ang lakas at liwanag sa gitna ng kaguluhan. Ito ang wika ng kapamilya ko
kapamilya mo. Wika ng sambayanang Pilipino…

Napakahusay apo.

PIYESA NG MONOLOGO
CHERIELEE A FABRO
Wikang Katutubo: Tungo Sa Bansang Pagbabago 2019