BANGHAY ARALIN

SA
FILIPINO

IPINASA NINA:
Laila Gabriel
Reylyn Mallabo
Michael Real

IPINASA KAY:
Bb. Elizabeth Talosig
I. Layunin
Sa loob ng animnapung (60) minuto na aralin, ang mga mag-aaral ay inaasahang:
a. matukoy ang tatlong (3) antas ng pang-uri sa mga pangungusap;
b. makagawa ng mga sariling pangungusap gamit ang tatlong (3) antas ng pang-uri;
c. mapanatili ang interes sa asignaturang Filipino, partikular sa pag-aaral ng pang-uri.

II. Paksang Aralin

Paksa: Antas ng Pang-uri
Sanggunian: Libro sa Filipino V
Kagamitan: Kartolina, pentel pen, mga larawan, projector.

III. Pamamaraan

Gawain ng Guro Gawain ng Bata

1. Pagbati
-Magandang hapon mga bata! Magandang hapon din po guro!

2. Panalangin
-Magsitayo ang lahat para sa
panalangin.

3. Pagsasa-ayos ng silid-aralan.
4. Paglilista ng mga lumiban.
5. Balik-aral
-Sino sa inyo ang nakakaalala ng Mga pang-uri po Ma’am.
ating aralin kahapon?

Tama!
Ano na ulit ang mga pang-uri? Ito po ang mga salitang nagbibigay
turing sa mga pangngalan at mga
panghalip maliban po sa panghalip
pananong Ma’am.

Mahusay!

A. Pagganyak
Mga bata, mayroon akong
ipapabasang maikling diyalogo
ng mga magkakaibigan. ito ay
may kinalaman sa ating aralin.

Geremie, maaari bang ikaw ang

gumanap na Jhake anak.
Henley, ikaw naman si Ryan.
Harold, ikaw muna ang tatayong
Kobie.

Opo Ma’am!
Maaari niyo nang simulant ang
pagbabasa.
(babasahin ang diyalogong nakadikit
sa pisara)

B. Presentasyon
Ano ang napansin niyo sa
diyalogong binasa ng inyong
mga kaklase mga bata?
Mayroon pong mga pang-uring ginamit
 Ma’am. May pagtutulad at
paghahambing po.
Mahusay!

Ano sa tingin ninyo ang

tatalakayin natin sa araw na ito?
Mga antas po ng pag-uri!

Magaling!

Ang mga pang-uring ginamit sa

paglalarawan ng tatlong lalaki ay
naaayon sa kanilang antas.

C. Pagtatalakay
Sino sa inyo ang may ideya sa
mga antas ng pang-uri?
Lantay, pahambing,at pasukdol po
Ma’am.
Napakahusay!
Sadyang nagbasa nga kayo
tungkol sa mga ito.

Ang tatlong antas ng pang-uri ay

ang lantay, pahambing at
pasukdol.
Simulan natin ito sa lantay.

Lantay – ito ay nasa lantay na

kaantasan kapag walang
ipinaghahambing na dalawa o
maraming bagay.
Ito ay naglalarawan ng isang
katangian ng pangngalan.
Ang mga halimbawa nito ay
maganda, mataas, mabigat, at
mahinahon.

Maari mo bang gamitin sa

pangungusap ang salitang
mabigat Alyssa?
Ang baldeng binuhat ko kanina ay
mabigat po Ma’am.
Magaling!

Pahambing – ito ay nasa

pahambing na antas kapag may
pinaghahambing na dalawang
pangngalan – tao, bagay, hayop,
lugar, at pangyayari.
Ito ay ang paghahambing o
pagtutulad ng dalawang
pangngalan.
Ang mga halimbawa nito ay mas
maliit, magkasing-lapad, at mas
mahaba.

Maari mo bang gamitin sa

pangungusap ang salitang mas
mahaba Kevin?

Mas mahaba ang buhok ni Alyssa

 kaysa kay Jessavelle po Ma’am.
Mahusay!

Pasukdol – ito ay nasa pasukdol

na antas o kaantasan kapag ito
ay nagpapakita ng
pangingibabaw sa lahat.

Ang mga halimbawa nito ay

pinakamatalino,
pinakamatapang, at
pinakamalaki.

Maari mo bang gamitin sa

pangungusap ang salitang
pinakamatapang Vanessa?

Ako po ang pinakamatapang sa aming

magkakapatid Ma’am.

Magaling!

D. Paglalahat
Ano na ulit ang tatlong antas ng
pang-uri? Lantay, pahambing,at pasukdol po
Ma’am.

Pano nasasabi na ang pang-uri

ay nasa antas na lantay mga
bata?
ito ay nasa lantay na kaantasan kapag
walang ipinaghahambing na dalawa o
maraming bagay.
Magaling!

Pano naman nasasabi na ang

pang-uri ay nasa antas na
pahambing mga bata?

ito ay nasa pahambing na antas kapag

may pinaghahambing na dalawang
pangngalan – tao, bagay, hayop,
lugar, at pangyayari.
Ito ay ang paghahambing o pagtutulad
ng dalawang pangngalan.

Paano naman sa pasukdol?

ito ay nasa pasukdol na antas o

kaantasan kapag ito ay nagpapakita
ng pangingibabaw sa lahat.

Magaling!

E. Paglalapat
Pangkatang gawain

Mayroon tayong laro, ngayon ay

papangkatin ko kayo sa
dalawang pangkat.
Sa kanan ang pangkat A at sa
kaliwa naman ang pangkat B.
 Ang salita ay nasa kaantasan ng
pang-uri, tukuyin ang nilalarawan
nito base sa antas na napili.
Mayroon kayong tatlong larawan
na pagpipilian.
Pabilisang magtaas ng sagot ang
mga grupo. Ang grupong may
pinakamaraming puntos ang
magwawagi.

IV. Pagtataya
PANUTO: Tukuyin ang kaantasan ng pang-uring ginamit sa bawat pangungusap. Isulat sa isang-
kapat na papel kung ito ay LANTAY, PAHAMBING, O PASUKDOL.

1. Maganda si Loisa.
2. Pinakamaganda si Ana sa kanilang magkakaibigan.
3. Mas maagang umuwi si Patrick kagabi kaysa noong isang araw.
4. Malakas ang ulan kaya hindi kami agad nakaalis.
5. Pinakabago sa kanilang lugar ang bahay ng Pamilya Ramirez.

IV. Takdang Aralin

I. PANUTO: Bilugan ang pang-uring ginamit at tukuyin ang kaantasan nito.

1. Magkasing-lakas ang ulan ngayon sa ulan kahapon.

2. Higit na mas bago ang bahay ng Pamilya Ramirez kaysa Pamilya Cruz.
3. Masarap ang nilutong ulam ni kuya kanina.
4. Mas mabilis akong tumakbo kaysa kay Ken.
5. Pinakamasarap parin ang luto ni aling Tanya.

II. Magbasa tungkol sa mga pang-abay.