Buod

“The Call”

Nagsimula ang lahat sa isang babaeng pulis na nakatanggap ng tawag mula sa isang
batang babae na humihingi ng tulong. Ang batang babae na si Leah Templeton ay nag-iisa sa
kaniyang bahay, nang may nagtangkang pumasok dito. Isang masamang lalaki ang
nagpupumiliit na pumasok sa loob ng bahay upang kuhanin si Leah. Ang babaeng pulis na si
Jordan Turner ay ginawa ang lahat upang matulungan makatakas si Leah, ngunit sa isang
pagkakamali ay nagresulta ito ng kamatayan ni Leah. Naputol ang linya ng dalawa kung kaya’t
tinawagan muli ni Jordan si Leah, subalit sa pagtawag niyang iyon ay tumunog ang telepono at
narinig ito ng lalaki, at dahil dito natagpuan niya si Leah na nagtatago sa ilalim ng kama. Ang
pangyayaring iyon ay nagbigay ng masamang epekto kay Jordan na nagtulak sa kaniya upang
magpahinga muna sa pagiging pulis.

Anim na buwan ang nakalipas, si Jordan ay bumalik sa trabaho bilang isang

tagapagsanay ng mga nais magtrabaho bilang pulis. Sa araw na iyon, ay nakatanggap sila ng
tawag na mula sa isang batang babae na sumisigaw at nagwawala. Si Casey Welson, na
namamasyal sa isang mall ay nakidnap ng isang lalaki. Nilagay siya sa trunk ng sasakyan. Si
Jordan na kababalik lamang sa trabaho ay tinanggap ang tawag at kaniya itong tinulungan.