Isang Masusing Banghay Aralin

Sa Edukasyon sa Pagpapakatao 10

Mga Yugto ng Makataong Kilos

September 26 - 27, 2019

Pamantayang Pangnilalaman
Naipamamalas ng mga-aaral ang pang-unawa sa mga konsepto tungkol sa yugto ng makataong kilos

Pamantayang Pagganap:
Nakasusuri ang mag-aaral ng sariling at pasya batay sa mga yugto ng makataong kilos at nakagagawa ng plano upang maitama ang kilos
o pasya.

Pamantayang Pagkatuto:

1. Naipaliliwanag ang bawat yugto ng makataong kilos ( EsP10MK-IIe-7.1 )

2. Natutukoy ang mga kilos at pasiyang nagawa na umaayon sa bawat yugto ng makataong kilos ( Es10MK-II7.2 )

I. MGA LAYUNIN SA PAGKATUTO:

Sa pagtatapos ng araling ito, inaasahang maipamamalas ng mga mag-aaral ang mga sumusunod:
1. Naipaliliwanag ang bawat yugto ng makataong kilos at mga hakbang sa moral na pagpapasiya;
2. Natutukoy ang mga kilos at pasiyang nagawa na umaayon sa bawat yugto ng makataong kilos;
3. Naipaliliwanag ang batayang konsepto sa pamamagitan ng paggawa ng isang graphic organizer.
II ARALIN :
1. Paksa: Mga Yugto ng Makataong Kilos at mga Hakbang sa Moral na
Pagpapasiya
2. Metodo: Interaktib, Kolaboratib
3. Kagamitan: Laptop, LED TV
4. Sanggunian: Edukasyon sa Pagpapakatao : Modyul Para sa Mag-aaral pahina 143-179
5. Pagpapahalaga: Pagkaunawa at pagpapahalaga sa makataong kilos at moral na
Pagpapasiya

III. PAMAMARAAN
Gawain ng Guro Gawain ng Mag-aaral
A. Panimulang Gawain

A1. PANALANGIN Tayo ay manalangin…

A2. PAGBATI
Magandang umaga sa inyo…. Magandang umaga din po Ma’am Blas…

A3. PAG TSEK NG ATENDANS

B. PAGBABALIK-ARAL

Noong nakaraan ay natalakay natin ang tungkol sa Gintong Aral,

Paninindigan at Pagpapahalaga. Sino ang makapagbibigay ng
maiksing paglalahad tungkol sa ating napag aralan sa paksang ito?
 Napag-aralan natin ang gintong aral ni Confucius, isang pantas mula sa
Silangang Asya at nagmula sa kanya ang kasabihang, “Huwag mong
gawin sa iba ang ayaw mong gawin nila sa iyo”
Ano ang ibig ipahiwatig ni Confucius sa pahayag niyang ito?
Ayon sa kanya, mahalagang isaalang-alang ang mabuting pakikisama at
kapakanan ng kapwa sa bawat kilos ng tao.

Tama, bakit kailangan nating isaalang alang ang ating kapwa sa

bawat kilos na ating gagawin?

Kinakailangang pag-isipan ng malalim ang bawat kilos bago ito isagawa

at ang magiging epekto nito sa iba. Dito higit na mapapatunayan kung
mabuti o masama ang isang partikular na kilos.

Magaling! Ipinapaliwanag nito na obligado ang taong gumawa ng

kabutihan sa iba at tiyak na makakatanggap din siya ng kabutihan.
Kaninong aral maihahalintulad ang aral na ito ni Confucius?
Sa pangaral ni Hesukristo Ma’am!

Tama, paano naman ito inilahad ng ating Panginoon?

Nabanggit ni Hesukristo nang minsang mangaral siya, na “Kung ano ang
ibig ninyong gawin sa inyo ng mga tao, gayon din ang gawin ninyo sa
kanila”.
Tama, at ito ay matatagpuan sa ebanghelyo ni Lukas 6:31 sa ating
bibliya.

Sino sa inyo ang may katanungan pa o nais idagdag sa ating

tinalakay na ito? Wala na po Ma’am

Kung ganon, ako ay umaasa na maliwanag sa bawat isa ang ating

napag-aralan sa paksang ito.
C. PAGLALAHAD NG ARALIN
C1. PAGGANYAK/MOTIBASYON

Bago natin umpisahan ang ating talakayan ngayong araw na ito ay

may ipapakita akong video sa inyo. Unawain ninyong mabuti ang
inyong panonoorin sapagkat mamaya ay may mga katanungan
akong ibibigay sa inyo.

Video-viewing
( Masusing panonoorin ang video )

D. PAGLUNSAD SA ARALIN

Ang tatalakayin natin ngayong araw ay may kinalaman sa inyong

napanood.

Base sa inyong napanood, ano ang nais nitong ipahiwatig sa atin?

Ma’am ipinakita sa aming napanood ang kahalagahan ng makataong
kilos
Tama! Ano nga ba ang tinatawag nating makataong kilos?
Ang makataong kilos ay tumutukoy sa kilos na isinasagawa ng tao nang
may kaalaman, malaya at kusa. Ito ay malayang pinili mula sa
paghuhusga at pagsusuri ng konsensiya.
Magaling, kung mabuti ang kilos, ito ay katanggap-tanggap at
kung ang kilos naman masama, ito ay dapat pagsisihan.

Ngayong araw ay pag-aaralan natin ang mga yugto ng makataong

kilos at mga hakbang sa moral na pagpapasiya. Bakit mahalaga sa
atin ang magpasiya?
Ma’am bahagi ng buhay ng tao ang magsagawa ng pasiya. Ito ay
madalas nating ginagawa sa ating pang-araw-araw na buhay

Tama! Ayon kay Sto. Tomas de Aquino, may 12 yugto ang

pagsasagawa ng makataong kilos. Tingnan ninyong mabuti ito;

ISIP KILOS-LOOB
1.Pagkaunanawa sa 2.Nais ng layunin
layunin
3.Paghuhusga sa nais 4.Intensiyon ng layunin
makamtan
5.Masusing pagsusuri ng 6.Paghuhusga sa paraan
paraan
7.Praktikal na 8.Pagpili
paghuhusga sa pinili
9.Utos 10.Paggamit
11.Pangkaisipang 12.Bunga
kakayahan ng layunin

Paano ipinaliwanag ni Sto. Tomas ang yugtong ito?

Kung ang tao ay nagsasagawa ng madaliang pagpapasiya, hindi siya
nagiging mapanagutan; bagkus nagiging pabaya siya sa anumang
kalalabasan nito. Ngunit kung daraan sya sa mga yugtong ito, tiyak na
magiging mabuti ang kalalabasan ng kaniyang isasagawang kilos.
Magaling! Ang bawat kilos at pasiya ng tao na kaniyang gagawin
ay ay may epekto sa kaniyang sarili at kapwa kung kaya kailangan
na ito isagawa nang maingat gamit ang talino na ibinigay ng
Diyos.

Sa paanong paraan naman natin magagampanan ang moral na

pagpapasiya?
Ma’am ang bwat kilos ng isang tao ay may dahilan, batayan at
pananagutan. Sa anumang isasagawang pasiya, kinakailangang isaisip at
timbangin ang mabuti at masamang idudulot nito.

Tama, sa anumang isasagawang proseso ng pagpapasiya,

mahalaga na mabigyan ito ng sapat na panahon. Malaki ang
maitutulong nito sapagkat mula rito ay mapagninilayan ang bawat
panig ng isasagawang pagpili.

Mayroon tayong mga hakbang sa moral na pagpapasiya. Ano-ano

ang mga hakbang na ito? Ipaliwang ang bawat isa.
Magkalap ng patunay – mahalaga na sa unang hakbang pa lamang ay
tanungin na agad ang iyong sarili.

Isang halimbawa ng tanong sa hakbang na ito ay, “bakit ito

nangyari o bakit nangyari ang bagay na ito”. Ano naman ang
sumunod na hakbang?
Isaisip ang mga posibilidad – kailangang makita kung ano ang mabuti at
masamang kalalabasan ng pagpapasiya.
Bakit kailangang tingnang mabuti ang posibilidad?
Ma’am upang makita kung ano ang mabuti at masamang epekto nito
hindi lamang sa sarili kundi para sa ibang tao.
Magaling! lagi nating isasaalang-alang ang ating kapwa sa ating
gagawing pagpapasiya. Ano naman ang sumunod na hakbang?
Maghanap ng ibang kaalaman – kailangang maghanap ng mga
magagandang kaalaman na maaaring makapagnigay ng inspirasyong
makagawa ng tamang pagpapasiya

Tama, hindi sa lahat ng oras o pagkakataon ay alam natin ang

mabuti, maaari nating tanungin ang ating sarili kung ito ba ang
nararapat nating gawin.

Tingnan ang kalooban – ang lahat ng katanungan ay kailangang may

kasagutan sapagkat sa lahat ng pagpapasiya kailangan ikaw ay maging
masaya.
Bakit kailangang maging masaya ang isang tao sa kaniyang
pagpapasiyang gagawin?

Ma’am kapag masaya ka sa iyong ginawa, wala kang pagsisihan o

tanggap mo kung ano ang maaring mangyari.
Tama, ano naman ang sumunod na hakbang?

Umasa at magtiwala sa tulong Diyos – tanging ang Diyos lamang ang

nakakaalam ng pinakamabuti para sa atin, kaya’t mahalaga na tumawag
sa Kaniya sa pamamagitan ng panalangin.
Magaling, ito ang pinakamabisang paraan upang malaman kung
ano ang magandang plano Nya sa atin. At ano naman ang huling
hakbang ng moral na pagpapasiya?

Magsagawa ng pasiya – kailangang pagnilay-nilayan ang pagpapasiya

upang mawala ang pagkalito o agam-agam
Magaling. Lagi nating tatandaan na sa lahat ng nilikha ng Diyos,
ang tao lamang ang binigyan Niya ng isip at kilos-loob.

Bakit mahalaga ang isip at kilos-loob? Ano ang kahalagahan nito

sa atin?
Ma’am dahil may isip at kilos-loobg tao, magagamit niya ito sa
pagsasagawa ng mabuting kilos na nagpapakita ng pagmamahal hindi
lamang sa kapuwa kundi higit lalo sa Diyos.

Magaling! Makatutulong para sa atin na kung tayo ay

magpapasiya, damhin natin ang presensiya ng Diyos upang tayo
ay makapag-isip mabuti at matimbang ang mga bagay-bagay.
Nauunawaan nyo ba, class?
Yes Ma’am!

Naiintindihan ba ninyo ang ating pinag-aralan ngayong araw?

Yes Ma’am!

Sino sa inyo ang may katanungan o may karagdagan?

Wala na po Ma’am

E. PAGBUBUOD/PAGLALAHAT

Kung wala na kayong mga katanungan, sino sa inyo ang

makapaglalahad ng maikli ngunit nauunawaang buod nga ating
tinalakay ngayong araw?

( Magbabahagi ng buod sa napag-aralan sa araw na ito patungkol mga

yugto ng makataong kilos at mga hakbang sa moral na pagpapasiya)
Magaling! Ako ay umaasa na inyong nauwaan at naintindihan ang
ating tinalakay sa araw na ito.

F. EBALWASYON/PAGTATAYA

Group Activity

Ngayon naman ay igugrupo ko kayo sa lima at kayo ay gagawa

ng isang graphic organizer patungkol sa paksang tinalakay natin
ngayong araw.
( magpapangkat-pangkat ang mga estudyante )

Bibigyan ko ng puntos ang inyong ginawa base sa mga

sumusunod.

Rubric para sa mga gawain sa Pang-unawa

Kraytirya Iskala Iskor
Wasto 1-5
Kalidad ng 1-5
Impormasyon
Kaakit-akit 1-5
Presentasyon 1-5
Kabuuan 20

Maaari na kayong mag-umpisa.

Sagot:

Makataong kilos

Isip Kilos-loob

1.Pagkaunawa sa layunin 2.nais

3. Paghusga sa nais makamtan 4. intensiyon

5. Masusuing pagsusuri ng paraan 6. paghuhusga

7. Praktikal na paghuhusga 8. pagpili

9. Utos 10. paggamit

11. Pangkaisipang kakayahan ng layunin 12. bunga

 IV. KASUNDUAN
Basahin at unawaain ninyo ang ating susunod na aralin, pahina
184 sa inyong aklat.

Inihanda ni:

DOROTHY ROSE L. BLAS

Guro

Sinuri ni: Itinala ni: Pinagtibay ni:

PERLITA M. TINIO MERILYN C. MANANGO RANDY B. MINA

EsP Koordinaytor Ulong Guro V Punong Guro II