Ang Balikbayan

(Dula-dulaan Tungkol sa Magagalang na Pananalita)

Keith:
Magandang umaga po Ma’am Madel at magandang umaga sa inyong
lahat mga kapwa ko mag-aaral. Ang inyong matutunghayan ngayon ay isang
dula-dulaan tungkol sa pagsasabi ng magagalang na pananalita gaya ng
po at opo na aming pinamagatang “Ang Balikbayan”.

Isang araw, sa Barangay ng Larion Alto ay may isang balikbayan na

kumakatok sa isang pintuan ng bahay. (Kakatok sa pintuan)

Isniehaya : Magandang umaga. Dito ba nakatira si

(balikbayan) Ginang Claricess?

Aldrich Xephyr : Opo. Siya po ang aking ina.

Isniehaya : Maaari bang makausap ko siya? Ako si Binibining

Isniehaya. Pinsan ako ng iyong ina.

(Patuluyin/papasukin ang bisita sa loob ng bahay.)

Aldrich Xephyr : Tuloy po kayo. Maupo po kayo. Sandali po lamang at

tatawagin ko si Inay. (nasa sala si Richmund)

Richmund : Heto po ang dyaryo. Magbasa muna kayo.

Isniehaya : Maraming salamat sa inyo.

Richmund : Wala pong anuman.

(Lalabas ang 2 batang lalaki upang tawagin ang

kanilang ina na nasa kusina at naghahanda ng
tanghalian.)

Aldrich Xephyr: Inay, may tao po na naghahanap sa inyo. Isniehaya

raw po ang pangalan niya. Pinsan daw po ninyo siya.
Claricess : Aba! Pinsan ko nga siya. Isa siyang balikbayan.

(Inay) Pinatuloy mo ba siya?

Aldrich Xephyr: Opo, nasa salas po siya.

(Tuwang-tuwang lumabas ang mag-iina at nang

magkita ang magpinsan ay nabigla silang pareho at
nagkumustahan)

Claricess : Isniehaya! Mabuti at dumalaw ka. Kailan ka pa

dumating?

Isniehaya : Noon pang isang buwan. Mayroon akong dalang

kaunting pasalubong sa inyo, o heto.

(Sabay abot ng dala-dalang nakabalot).

Siyanga pala. Nasaan ba si Kuya Cardo? Wala yata

siya.

Claricess : Wala nga siya. Pumunta siya sa ilog para mangisda.

Mamaya pa ang dating niya.

(Pagkatapos babalingan/titignan niya ang dalawang

anak na nakikinig.)

Isniehaya, sila ang aking mga anak. Ito si Aldrich

Xephyr, at Richmund.

Mga anak, siya si Tiya Isniehaya ninyo. Pinsan ko siya

at isang balikbayan mula sa Saudi.

Aldrich Xephyr/ Richmund : Mano po, Tiya Isniehaya.

Isniehaya : Kaawaan kayo ng Diyos.

(Habang sila ay nag-uusap, siya namang pagdating ni

Rommel, kamag-aral ni Aldrich.)

Aldrich Xephyr: Aba! Si Rommel. Tuloy ka.

Rommel : Magandang umaga po sa kanila.

Mawalang galang po. Kung maaari po sana ay

isasama ko si Aldrich sa paaralan. Magpapraktis po
kami ng aming sayaw na ipalalabas sa Araw ng mga
Bayani sa susunod na buwan.

Claricess : O, sige, kaya lamang, bumalik kayo agad pagkatapos

ng inyong pagsasanay. Aldrich, aanyayahan kong dito
na mananghalian ang iyong Tiya Isniehaya.

Aldrich Xephyr: Opo, sandali lamang Rommel. Antayin mo ako at

magbibihis lamang ako.

(Umalis si Aldrich upang magbihis at pumasok sa

kanyang kwarto. Mayamaya pa’y darating na si
Aldrich galing sa kanyang kwarto.)

Rommel : Paalam na po sa inyo.

Aldrich Xephyr: Aalis na po kami

Claricess : O sige. Mag-ingat kayo sa daan at umuwi kayo agad.

Aldrich Xephyr: Tiya Isniehaya, maiwan po muna namin kayo.

Nagagalak po akong kayo’y makita at makausap. Sige
po, aalis na kami.

Wakas…

Keith:
Ang mga gumanap sa aming dula-dulaan ay sina:

(ang tatawagin ay isa isang pupunta sa harapan at manatiling nakatayo)

1. Aldrich Xephyr, at
2. Richmund - bilang magkapatid
3. Claricess – bilang Inay nila Aldrich at Richmund
 4. Isniehaya – ang balikbayan na Tiya nila Aldrich at Richmund
5. Rommel - bilang kamag-aral ni Aldrich
6. Keith – ang inyong lingkod bilang tagapagsalaysay

Maraming salamat sa inyong panonood at pakikinig at sana ay may napulot

kayong magandang aral sa ginawa namin.

(lahat ay maghawakan ng kamay pataas at sabay sabay magbow)