Problema sa Droga

Ang suliranin tungkol sa droga ay hindi lamamg para sa aitng bansa, ito ay
laganap rin sa ating mga karatig na bansa sa Asya at maging sa mga ibang mauunlad na
bahagi ng mundo.

Ang droga ay kakambal na ng sistema ng bawat lipunan, mahirap man ito o

mayaman. Isa ang droga sa mga suliraning pangglobal na kahit anong gawin ay mahirap
sugpuin.

Dito sa ating bansa noong sinauna pa, ang problema sa droga ay masasabi nating
simple lamang na uri ng suliranin. Marijuana, solvent at mga gamot sa ubo, hika ang
karaniwang gamit ng mga taong lulong noong panahon na iyon. Ngunit sa pagdaaan ng
taon at mas dumami pa ang bilang ng tao, bumaba na rin ang antas ng kanilang
pamumuhay, lumaganap ang gutom, taghirap at naging mahilig sa material na bagay ang
karamihan sa mentalidad ng tao sa lipunan. Dahil dito ay natuto ang mga tao na kumita
ng mas malaki sa mabilis na pamamaraan at isa na ditto ang pagbebenta ng droga.

Ang iba ay sumusubok lamang, ang iba naman ay gustong makalimot ng

pansamantala sa kinakaharap sa buhay. Naging kaliwa’t kanan ang bentahan at kasabay
nito ang walang humpay na patayan na nangyayari sa iba’t ibang sulok ng bansa.
Mayroong mga nanlalaban at napapatay at mayroon naman na kusa nang sumusuko. Ang
pinakamasaklap pa ay maraming inosenteng mga tao ang nadadamay.

Ilan sa ating mga tao ay kung ano pa ang ipinagbabawal ay siya pa din ang
patuloy na ginagawa. Tinawag na ngang “bawal na gamot”, ngunit bakit patuloy pa ring
lumalaganap ang nasabing bawal na ito ? na kung iisiping mabuti ay di dapat
problemahin sapagkat napakadali lamang ng solusyon kung sadyang bawat isa ay mulat
ang isipan.

Ginagawan nga ng solusyon ng mga ahensya ng ating gobyerno, ngunit ilang

buhay pa ba ang masisira ? Tama nga ang kanilang hangarin upang malutas ang usaping
ito, ngunit mali ang kanilang proseso upang masugpo ang suliraning ito.

Sa aking opinion at pananaw, wala nang solusyon ang suliranin ng ating

pamahalaan tungkol sa droga. Masasabi ko itong kanser na habang buhay nang kikitil sa
sistema ng ating bansa. Napakarami ang namamatay dahil sa isyu o usaping ito, mga
maliliit at komon na tao, pero ang mga ugat ng suliranin ay hindi kayang puksain ng ating
gobyerno. O siguro, sadyang maraming butas ang ating batas. Nakapiring man nating
tingnan pero mahahalata mong mayroon itong kinikilingan.