WARAHAN RADIN JAMBAT

SUNGKAI BUNGA MAYANG

Warahan Ku Warahan …Nyak Haga Cawa Cawa..

Ram Lain Nyiksa Badan …Ram Damai Sara Dara
Titangguhi Mak Banggik Sai Ngayin Lagi Ralang
Ya Kintu Jadi Kuli’ Antani Bayang Bayang

Diwa Seribu Sawik Nyak Kilu Turun Gancang

Antani Bunyi Beti Cawa Mak Pandai Kurang
Tijang Rantau Palembang Lawok Kebor Bak Imbok
Kintu Cawa Tisimpang Mahap Ngalim Pura Pun
Ya……. Kintu Cawa Tisimpang Mahap Ngalim Pura Pun

Lain Haga Ngubimbing Cerita Jak Cerita Kawa Limban Bulimban

Jak Zaman Balin Zaman Ki Damun Buhung Hulun Kak Buhung Nyk Na Munih
Hun Batin Bangik Hati Mak Mangka Lagi Kurang

Mari Diturut Nua….

Bubungan Ni Selaksa Luh Limban Dikurusi Dilapang Agung Butala…
Peti Jajar Selawi Kiri Kanan Ni Meja Ranjang Jama Keresi
Lantai Seketa Keta Lebus Bak Permadani

Sekira Ni Debingi Pasal Lampu Mak Gahing

Inton Ku Balak Nyiwi Kubilang Bilang Putting
Mak Ikin Lampu Lagi Sinangni Tekeliling
Ya….. Mak Ikin Lampu Lagi Sinangni Tekeliling

Jaga Jaga Ni Rua Rangkop Dandan Pelisi Sai Nunggu Di Duara

Nuntun Hun Wala’ Wiri Adat Dikain Raja Mak Dacok Titangguhi

Kak Radu Pai Sai Sina Marai Turut Dikampung

Kampung Diliba Sina Negara Hun Bejudi Mak Haga Kanca Dagang
Muranai Nyelok Taji Mulini Nyangsang Bulang

Kampung Diunggak Sina Negara Hulun Nukun Juyu Nua Ni Kebun

Lada Becampur Kupi Tiyan Sanga Benulung Mak Mungkin Kurang Lagi
Biyas Pari Ni Nambun Tiyan Sanga Muari

Kak Ghadu Pai Sai Sina

Turut Rang Laya Di Wai Puari Ho Jajar Suay
Nyiwi Jajar Selawi Dilulup Hulun Helai Burak Beganti Ganti
Adat Tian Punakay Kiyay Sang Ratu Jambi
Ya…. Adat Tian Punakay Kiyay Sang Ratu Jambi

Kak Radu Pay Say Sina Marai Turut Pungkalan…

Pungkalan Sai Diunggak Pungkalan Sina Pungkalan Maju….
Batang Lanting Na Inton Batang Mas Tekerimat
Bulakat Ni Na… Peti, Panting Punduk Terapang Radu Dilapisi Sindi
Tempat KebayangMidang
Pungkalanni Sai Lagi Pungkalan Sina Buadok
Pungkalan Napal Rindi Tebing Helau Barisan
Patut Ngan Manying Muni Ngelupako Jinganan

Pungkalan Ni Sai Lagi Pungkalan Sina Buadok

Pungkalan Tangga Ghaja Perahu Hun Tepirik
Pok Hulun Baniaga Ngerija Untung Rugi

Kak Radu Pai Sai Sina Macom Rupa Pungkalan Marai Turut Pusiban
Pusiban Na Sai Mena Pusiban Hatok Sabuk Layang Layang Gelumpay
Samang Butua Jawoh Ngambahko Burung Murai
Jak Muloh Hambor Muloh Tindiran Na Tepampay

Pusiban Dipinggir Way.. Tempat Hun Cakak Mandi

Ngemik Suwal Pung Gakgay Minyak Buburih Kari
Muli Najin Muranai Ya Dapok Tisumpahi Damun Makwat Singgah Pay
Mejong Di Permadani Dijuk Hun Punakai Bunga Tanjung Serahi
Ubat Niat Mak Sampai Kenyin Na Rayu Muni
Ya…. Ubat Niat Mak Sampai Kenyin Na Rayu Muni

Kak Radu Pay Say Sina

Pusiban Hatok Sabuk Layang Layang Sepuhan Ngemik Mas Bangun Pungguk
Semanjang Rindu Bulan Sapa Sai Hati Kusuk Ya Hiring Hiring Disan
Pitu Bingi Mak Tungguk Teduh Wat Kulapangan

Pusiban Ni Sai Lagi Pusiban Ari Budi… Atung Kitaw Pikeran

Kayu Ni Andi Andi Layang Layang Sekiman
Pengaruk Betik Hati Hatok Ni Dang Pai Sungkan
Sina Sai Dapok Muni Mak Burak Nutuk Jaman
Ya…… Sina Sai Dapok Muni Mak Burak Nutuk Jaman

Kak Cawis Radu Habis Macom Rupa Pusiban Marai Turut Disesat
Sesat Panjang Selawi Mengkilas Kiri Kanan
Ari Mas Putting Besi Makai Uker Ukeran
Barong Tegi Harani Ragom Bukumpul Disan
Sai Nayah Kimbang Ngasi Nguwatangko Buhungan
Sai Pangka Halok Temon Kiyai Sang Ratu Sayan
Ya…. Sai Pangka Halok Temon Kiyai Sang Ratu Sayan

Kak Radu Pai Sai Sina Sai Macom Rupa Sesat Marai Turut Tengahbah
Tengahbah Pasar Turi Panjang Num Puluh Hista
Tenimbun Baka Heni Dantar Layin Sekira
Damon Kusi Tepanyon Ya Tanoh Layin Lagi Kak Inton Tengah Ruwa
Ya…. Ya Tanoh Layin Lagi Kak Inton Tengah Ruwa

Kak Ghadu Pai Sai Sina Maghai Turut Digawi

Gawi Selanggok Lawok Segagang Batang Ari
Pegat Pengasahan… Bak Hulun Ngiler Besi
Gawi Pak Likor Bulan Ampai Num Belas Rani
Ramik Layin Tayuhan Umat Sai Hulang Hali
Kambing Serta Kebiyan Mak Mesol Manuk lagi
Pagun Sidang Belawan Ngehayak Ko Puteri…
Kelintang Nabuh Sayan Gung Tala Ni Bebunyi
Bunyi Ho Tabuh Betik Selulunan Jama Kulintang
Sampai Negara Acih Temun Hudi Palembang
Ya…. Sampai Negara Acih Temun Hudi Palembang

Marai Diturut Raden Jambat

Kiyay Sang Ratu Jambi Bukilu Dibelah Hapak
Bekilu Dipenjuru Walu …
Iya Haga Nyusun Irak Turun Disarang Liyu

Raden Jambat Hangkirat Dewa Padang Mak Asa

Lom Langik Pitu Pangsat Nginjang Turun Dunia
Sai Betik Temu Batik Sai Jahat Temu Jahat
Purangay Ni Nyempela Diturut Puningkawan

Puningkawan Ni Rua ….
Puningkawan Mak Waya Jelema Halom Sikop
Iya Lain Jelma Dija Hulun Jak Tanoh Arob

Puningkawan Juk Muli…

Iya Halom Handak Mata Turun Jak Matarani
Mak Mangka Lawan Duda Mula Ngunut Dija Ji

Cawa Raden Jambat….

Radu Sah.. Puningkawan Kita Ja Turun Mandi
Unut Ko Nyak Limau Kunci Sai Nyuluk Ko Matarani
Kemiling Galung Pitu Tumbuh Digunung Telu

Puningkawan Juk Muli Rekop Mak Sapi Cawa Celepur Beterbangan

Nengah Jam Ya Kak Liyu Sejam Ya Makung Tigoh Ya Na Kak Muloh Disan
Hiji Dah Kidah Kiyay Sai Macom Alat Mandi Karena Haga Diway
Pungkalan Napal Rindi Regoh Diunggak Tiyuh

Jedo Ngeghok Kemenyan Ghaden Jambat Sa Jeno Mantau Kopagha Dewa

 Dewa Digunung Lintik
 Dewa Di Batu Midang
 Dewa Di Pintu Langgik
 Dewa Dibulan Bintang
 Dewa Unus Mandala Bulan

Nyak Haga Keantanan Damun Lagi Wat Bagi Nyak Kilu Tulung Cahya
Kak radu Suwai Tahun Ampai Mandi Minsan Sa
Rifatsah Namamu Air Durkodin Namanu Tubuh

Selom Ya Haguk Unggak Nimbul Ko Cahaya Pak

Selom ya haguk Liba Nimbul Cahaya Lima
Murifat na Tecakak Nyinang Alam Dunia
Cakak Tabor Di Langgik Jadi Bintang Ceraca
Beluah Lunik Lunik… Jarang Juk Kena Jangka
Pito Jajar Di Kiri.. Pitu Jajar Dikanan Pitu Jajar Ditundun
Pitu Jajar Di Depan….Cak Cawa Sina Jeno
Ya…Cak Cawa Puningkawan
Radu Do Kidah Kiyay Kita Mulang Dikampung
Tuju Sipa Da Kiyay Sai Sikop Ni Ram Pakai

Cawa Raden Jambat

Kedo Lamun Na Makwat Lagak Suwai Lebon Sai
Walu Pagun Ti Angguh
Api Cak Mak Timakai Dandan Sintop Dipunggu

Sakira Kayu Lunik Dapok Mukpuh Ko Serampang

Ditinjak Burung Ramik Nuntun Ya Madu Kimbang
Dibetak Ni Di Kiri Rayu Sebatang Ari
Di Betak Ni Dikanan Juk Kilap Maring Hujan

Mun Cacak Manda Lindu Walau Tukor Mak Mulang

Bila Hun Tiyan Telu Buk Iring Jama Lapah
Ya… Bila Hun Tiyan Telu Buk Iring Jama Lapah

Mak Cipak Kirana ni………. Kiyay Sang Ratu Jambi

Petegah Di Rang Laya Ya Haga Turun Mandi
Api Idor Mu Nakan Mula Tegesak Dija
Way Balak Disan Kudo Mula Tesinggah Dija

Cak Cawa Raden Jambat ….

radu Do Munih Tuah Mak Salah Batang Ari
Magun Pagun Juk Sangon Balak Mak Asat Makwak
Sengaja Hikam Hunja Ngitai Kuti Begawi

Cawa Sang Ratu Jambi

Radu Sah Munih Nak Ku Kah Banani Na Kuti
Sah Belah Malin Rupa Mak Dacok Kutinonggi
Ya…. Sah Belah Malin Rupa Mak Dacok Kutinonggi

Marai Setawitan Dipunggu

Tiyan Mulang Dikampung Radena Jambat Sa Jeno
Lagi Jak Luwah Kuta Ngehaw Kehaw
Ngeharuh Isi Nua Iya Haga Anak Kunci

Radu Sah Puningkawan Besalin Pay Da Kuti

Nyaman Meretok Midor Sekira Dibi Dibi
Muli Meranai Tabor Umat Ramik Tepirit
Iya Haga Ngenah Kampong Macam Balak Negara
Helau Nutuk Gerulung Kuti Munggak Meliba

Teriri Kuna Cutik Malik Manjau Dimuli

Dang Anjauwi Sai Ridik
Putri Sina Nyali Mas Manik Bunga Liya Mas Pandan Bunga Wangi
Muli Hulun Surega Ma K Dapok Ti Anjauwi
Ngemik Si Burung Minggok Kanti Sepuluk Lidi

Sapa Manjau Telekok Mak Nyinta Mulang Lagi

Lapah Asa Mak Minok Lebon Muluhan Bingi
Biduk Tian Telekok Dikulak Tabu Jawa