IKAW AT AKO

by Arthur Jay Caseres

Ang tulang ito ay tungkol sa ating dalawa

Puno ng masasaya at masasakit na alaala
Mga alaalang mahirap kalimutan at mabura
Mga alaalang nakatatak sa isip, puso at sa diwa
Sa tuwing nag-iisa, ikaw ang naaalala

Sa kwentong ito, ikaw at ako ang bida

Ikaw at ako na ipinagtagpo ng tadhana
Hanggang sa ang ikaw at ako ay naging tayo na
Nangagakong pagsuyo ay di guguho
Sumpaang habambuhay nakatatak na sa bato

Naging masaya ang ating panimula

Pagmamahalan ay tunay, wagas, at dakila
Ang ating pagsasama ay puno ng saya
Ayaw na lumubay sa aking pandama
Ang tuwa sa dibdib na dulot mo sinta

Ang kwento natin ay biglang huminto

Parang malakas na ulan na biglang tumila
Parang tsokolate na patuloy ng natunaw at nasira
Ang mga pangako na ngayon ay napapako
Ang pagmamahalan na wagas ay unti-unting lumalabo

Dumating na nga ang araw na kinakatakutan ko

 Sa puntong ang tayo na binubuo ng ikaw at ako
Ay patuloy na ngang maglalaho
Bawat ngiti pala ay may katumbas na luha
Nabulag ang mga mata sa kinang ng ligaya

Ito na, buo na ang aking pasya

Patawad mahal kung wawakasan ko na
Kung may pagkakataon man na baguhin ang ating kwento
Mas pipiliin kong magkaroon lamang ng ikaw at ako
Keysa may mabuong tayo sa pagitan nating dalawa