Professional Documents
Culture Documents
Trilogy
Trilogy
LIGHTS OFF
ULAN
Unang Tagpuan: Sa loob ng eskuwelahan, sabay na naglalakad si Ron at Liza,
makikita ni Liza sa malapit si Karlo, mabibigla.
Liza: (hahatakin patalikod si Ron) Ay bakla! (pabulong) Yung bebe mo nandiyan!
Ron: Ha! (gulat pero pabulong) saan? saan? (natataranta) Ano gagawin natin? wala
kong nakahandang na eme ngayon!
Karlo: (mapapansin ang dalawa, malulungkot sasaglit, ngingiti) Huy lovebirds! (tatakbo
papunta kina Liza at Ron)
Liza: (gulat na gulat na haharap) Uuy! (pekeng tatawa)
Ron: (halatang kinakabahan) Uy pre! nandyan ka pala (pekeng tatawa)
Karlo: Uhmm (magtataka) Okay lang ba kayong dalawa? mukha kasing tense na tense
kayo (patagong kakabahan)
KORO: Ayokong magsinungaling sa harap mo... Ayoko.
(Saglit na tatahimik ang lahat, Biglang seseryoso ang paligid)
Ron: (seryosong boses) Sa totoo lang kinakabahan kami
Liza: (patagong magtataka)
Karlo: Bakit naman? ano bang problema? Ano ba kaseng nangyare? (malumanay)
Ron: (Dahan-dahang uupo) may nangyari kase... sa amin
Liza: (gulat na gulat, lalakihan ng mata si Ron, hindi ipapakita kay Karlo ang reaksyon)
Karlo: (Magugulat saglit, malulungkot ng sobra) Ga-ganun ba? (Tititigan ang dalawa)
May nabuo ba?
Liza: (napilitang mapasagot, mahinahon) hindi pa kami sigurado
Karlo: Ganun ba? (Mananahimik) Ay oo nga pala may pupuntahan pa ako. Sige ah
kaya nyo yan! At kung may problema kayo lapitan niyo lang ako (ngingiti) Sige bro (Kay
Ron) Sige Liza (Kay Liza)
Ron: Salamat bro (Hahawakan sa kamay ni Karlo)
Liza: Salamat Karlo (ngingiti) ingat.
(Tuluyang aalis si Karlo, mistulang magmamadali)
Liza: (Itutulak si Ron ng pagkalakas lakas) My gosh bakla! (galit na galit) Anong
pumasok dyan sa kokote mo? (babatukan si Ron, gulong gulo sa sarili, hahawakan ang
noo at lalaliman ang pag-iisip)
Ron: (Tatayo mula sa pagkakabagsak dahil sa pagtulak ni Liza) Sorry na bes!
(hahawakan ang kamay ni Liza) Hindi ko kase alam kung anong gagawin ko (Tatalikod)
bigla na lang lumabas iyon sa bibig ko! Maski ako nga bes nagulat! (haharap uli kay
Liza)
Liza: Pa’no na yan? Ron naman, kaibigan kita kaya tinutulangan kita,pero ayoko
namang pati yung dignidad ko mawala! Ayokong magsinungaling ng ganito! Si Karlo,
pano kung bigla niyang ikwento sa iba yun? Edi masisira ang future nating dalawa
pareho. (Uupo)
Ron: Sorry na nga bes (lalapit kay Liza) papakiusapan ko si Karlo, mabait naman yun!
hindi naman yun chismoso atsaka hindi ka naman talaga buntis at wala naman talagang
nangyari sa atin kaya wala kang dapat intindihin
Liza: Ewan ko sayo! (tatalikuran si Ron)
Ron: Bes naman (nagmamakaawang hahawakan ang braso ni Liza) Ganto na lang.
Uhmm iliibre kita bukas, lalabas tayo, ilalabas kita, at sa oras na ito gagawin natin yun
hindi para paniwalain si Karlo na jowa kita kundi para magbonding tayo.
KORO: Ano itong nararamdaman ko? Bakit?...
Liza: Talaga ba? talagang ilalabas mo ako at hindi para paniwalain si Karlo kundi para
magbonding tayo?
Ron: Oo pramis (itataas ang kanang kamay)
Liza: Oh sige (pabebe)
Ron: Talaga! (Yayakapin si Liza) Thank you bes! I love you talaga sobraaaa!
KORO: Mahal...din....kita...sobra
LIGHTS OFF
BAGYO
Unang Tagpuan: Eskuwelahan, silid-aralan.
Liza: (Nakasimangot na nakaupo sa loob ng silid-aralan)
Karlo: (Gugulatin si Liza) Huy!
Liza: (Hindi masyadong nagulat) Uy! (Ngingiti ng kaunti at muling sisimangot)
Karlo: (Matatahimik, lilinawin ang boses) Ehem ehem, mabuti pa mag fishball na lang
tayo, libre kita! (Ngingiti) May alam akong masarap na tinitindahan nun!
Liza: Hmm… sige.
KORO: Huwag ka ng malungkot, nandito naman ako. Kung hindi ka niya kayang
pasayahin, ako ang gagawa.
Karlo: Oh ano? Tara na!
Liza: (Aayusin ang gamit) Tara. (Bibitbitin ang bag)
(EXIT)
LIGHTS OFF