Kasaysayan at mga Suliranin sa Pagsasalin ng mga Tekstong Klasiko
Ayon kay Javellana mula sa kanyang sanaysay, sa kasaysayan ng pagsasaling-wika,
ang Bibliya ay maituturing ng isa sa mga klasikong akdang sumabay sa kalakaran ng pagsasaling-wika sa daigdig. Klasikong akda ito kung ituring, sapagkat laman nito ang kasaysayan ng pinagmulan ng tao, ng daigdig, at ng mga bagay-bagay tungkol sa tao at daigdig mismo. Ito lamang ang akdang sinasabing “salita ng Diyos”. Sinasabing klasika rin ito sa dahilang ito ay likha na may kataas-taasang pagkilala at ‘ika nga ay walang kinikilalang panahon. Ang pagsasalin ng mga bagay-bagay na napapaloob sa konteksto nito ay isa na marahil sa hindi maitatatwang kalinangang dumaan at maging sa kasalukuyan ay nasa hilahil pa rin ng pagdaan sa napakamasalimot na suliranin sa pagsasaling-wika, na siya namang ugat ng masalimuot na kalakaran ng buhay-relihiyon ng tao sa mundo. Sa dinami-rami ng mga salin ng bibliya, sindami na rin ng mga nag-uumpugang paniniwala ang nagsilabasan noon pa man. Subalit kahit na ganito, ang lansakang pagsasaling-wika ng bibliya ay nagsisilbing gabay at mapananaligang tuklas ng tao upang hanapin ang rurok ng pag-unawa sa kanyang kalikasan bilang nilalang at ng Diyos na sinasabing gumawa sa kanya. Kamakailan lang, tumulong siya sa paglathala ng dalawang koleksyon ng mga sermon tagalog na nagmula pa sa ika-16 at ika-17 siglo. “Namangha siya sa kayamanan ng katutubong wika, ayon pa sa kanya ito ang nagpapatibay sa kanyang paniniwala na angkop at sapat sila sa pagsasalin ng mga tekstong klasiko na hindi kailangang lumikha ng mga artipisyal na mga salita o wika: yaong tinatawag na “theology.” Isang mahusay na halimbawa ang mula sa Aklat ng Pagmimisa sa Roma (1961) ang kapistahang ipinagdiriwang sa ikatlong lingo ng Enero ay isinalin sa “Kapistahan ni Jesus Batang Sanggol” maaring magdulot ito ng kalituhan para sa mga taong taga Tondo o Cebu, mas lalong naiintindihan nila ang “Santo Nino”
Dalawang Layunin ang sanaysay ni Javellana:
1. Ilarawan ang pangkalahatang sitwasyon sa pagsasaling klasiko. 2. Talakayin ang ilang suliraning hinaharap ng pagsasalin sa pagbuo ng pagsasaling angkop at mabisa.