TUITION CENTER

This sad love story in urdu is about unsuccessful Love.

Aaj bhee Woh meri farmayesh par apna black suit pehen kar ayi thee,

Lambay lambay ghanay bal jab us kay goray or surkh rukhsar par girtay thay tau mere dil
kay goshay goshay mein aik qayamat see chaa jatee thee,

Us ka nam Faiza thaa Woh hamaray tuition centre mein 2 din pehle hee dakhil huwi thee,

Ham dono us waqt Second year kay talib e ilm thay,

Achi personality kee waja se Woh bhee meri muskarahat par zaror muskrati

Or jab bhee mein hamari madam kay samnay apnee pasand kay rang kaa izhar karta, Faiza
us kay aglay din use rang ya us se milte julte rang kay kapre pehenti.

Woh intiha ki khoobsurat honay kay sath sath achee seerat kee bhee malik thee, mein ne 3
mahinon mein aik bar bhee usay kisi larkay se bat karte nahi daikha tha,

Woh muj se bhee nazrain na mila pati, jab bhee hamari nazrain miltin Woh Sharma kar apna
sar jhukati or class khatam hone tak muskrat rehti,

Mein us ke dil dilfariab adaon ke waja se us kaaa puree tarah dewana ho chuka thaa,
Rauz ghar se ye soch kar nikalta kay aaj us se apni muhabbat ka izhar kar dunga lekin
tuition centre pohanchte hee, meri himmat jawab dai jati,

6 maah guzarne kay bad aik din mene tuition kee aik choti bachi ko parchee likh kar dee jis
mein mene apni muhabbat ka izhar kar dala thaa,

Or us bachi ko ye choti parchi numa love Letter faiza kay hawale karne ko kaha thaa,

Aglay din dharaktay huwe dil se mein tuition pohancha tau Faiza ka rawaya biklul mukhtalif
thaa,

Woh na tau meri taraf daikh rahee thee naa hee mujh mein koi dilchaspi lee rahee thee,

Jese hee class khatam huwi Woh mere paas ayi or sakht lehjay mein kehne lagi

“Mein iss type kee larkee nahi hon jis tarah kaa aap mujhay samjh rahay hain, mere bohat
se khuwab hain jinhain mujhay pura karna hai”

“Ayenda is qism ki koi bhee harkat kee tau mein madam ko bata dungi, ye muhabbat ka
natak kisi or kay sath karna”

Ye Jumlay teer ban kar mere seenay mein pewast hogaye or mene Woh tuition Center aglay
din hee chor dia,

Kuon kay meri muhabbat ko Faiza ne ghalat rang dai dia thaa,
Mein faiza se sachi muhabbat karta thaa or apnay peron par khara honay kay bad us se
nikah karna chahta tha,

Lekin shayad Woh mere naseeb mein nahi thee,

Abhi kuch 3 din pehle mein facebook istamal kar raha tha tau People you may know mein
Mujhay Faiza Ahsan naam kee aik ID nazar ayi,

Mene wese hee gair iradi taur par is ID ko visit kia tau pata chala kay yeh tau wahi faiza hai
jis se 6 saal pehle mein muhabbat karta thaa,

ID mein kuch khas nahi aik bachay kay sath or mard kay sath Faiza kee 8 ya 9 photos theen
jo galiban us kay betay or husband Ahsan kee theen,

About section mein jaa kar daikha tau Likha huwa tha “Perfect House wife”

Mene na chahte huwe bhee usay aik message type kia “Kia Perfect house wife banna hee
taumaharay khuwab thay or yahi khuwab thaa tau Perfect House wife mere sath banne mein
kia burayi thee?”

Aglay din koi jawab tau na aya lekin Faiza ne mujhay block kar dia thaa. Us din kay bad se
mene Faiza kay bare phir kabhi na socha or baray buzurgon kee bat par yaqeen kar lia kay
“Woh ishq hee kia jo kamyab hojaye”

—————————THE END—————————–