Halimbawa ng Tekstong Impormatibo:

Iba't ibang Epekto ng Teknolohiya

Teknolohiya, ano ang mga epekto nito sa atin? Sa ibang tao? At sa mga taong

hindi na kayang mabuhay kung wala ang mga kagamitan ng teknolohiya. Ang tekstong

ito'y naglalaman ng iba't ibang epekto ng teknolohiya sa ating buhay kung paano nabago

ang ating buhay ng dahil lamang sa teknolohiyang ito at kung paano naorganisa ang iba't

ibang uri ng teknolohiya maging sa mga applikasyon nito.

Ang teknolohiya ay isang sistematikong kaalaman sa sining ng industriya at

napapadali ang mga gawain ng isang tao. Nangangahulugang na ito'y isang kaalaman

na maililipat mo sa makinarya o anumang bagay na nagagamitan ng kuryente. Mas

malaking porsyento ang napapakinabangan ang teknolohiya sa araw-araw na gawain ng

tao. Nakatutulong din ito sa larangan ng edukasyon dahil napapadali lamang ang

pagsasaliksik ng mag- aaral sa kompyuter kaysa maghanap sa mga libro.

Ang teknolohiya ay isang kagamitan na kung saan nasa saiyong mga kamaykung

papaano ito gagamitin at paunlarin. At meron itong mga epekto na nahahati sa dalawang

parte :Ang Positibo at Negatibong Epekto. Sa Positibong epekto'y naglalaman ng: Pag

unlad ng antas ng libangan na kung saan nakawawala ng stress at nakakaenganyo pang

gamitin. Mas mapapadali ang pagresponde sa mga kaganapan gaya nito ay ang mga

CCTV na kung saan nagsisilbing ebidensya sa bawat krimeng nangyayari. Ikatlo ay

Global Networking na kung saan dito napag uusapan ang pakikipagkalakalan hindi

lamang dito sa bansa kundi sa buong mundo. Sa ikalima at ika anim na epekto naman

ay, Mas mapapalapit sa iba sa pamamagitan na komunikasyon gamit ang teknolohiya at

Mas makakamura sa ibang paraan, na aking nakapahulugan na ang tinatawag na Social

Medias gaya ng facebook, twitter, at anu pa mang bagay na magagamit sa

pakikipagkomunikasyon sa ibang tao, at mas nakatitipid pang gamitin kahit saang lugar.
 Sa negatibong epekto naman ay nahahati sa anim na magiging gabay at babala

sa paggamit ng teknolohiya. Una, nakakadulot ng pagiging tamad ng mga tao na

magiging sanhi ng pag iisip ng hindi tama. Ikalawa, ay Maaring gamitin sa karahasan na

magiging sanhi ng paggawa ng krimen buhat sa paggamit ng teknolohiya. At ang pang

huli ay ang teknolohiya sa larangan ng gaming at internet access na maaring makasira o

makaapekto sa pag- aaral ng kabataan gaya nito ay DOTA at COC.

Kung pagsama- samahin ang mga epekto ng teknolohiya, mayroong itong mabuti

at masamang epekto ang teknolohiya dahil sa marami sa kagamitan ng teknolohiya ay

malaki ang kapakinabangan sa lipunan, at higit sa lahat nakatutulong ito ng malaki sa

pag- aaral ng mga mag - aaral. Kung merong mabuti siyempre meron ding itong

masamang epekto nito dahil natututo ang tao na maging tamad sa kanilang gawain.
 Halimbawa ng Tekstong Persuweysib:

“Halina’t Sumali sa aming Kapatiran”

Inaanyayahan po ko kayong sumama o sumapi sa aming kapatirang Beta Sigma

Valencia National High School Chapter. Nangangailangan po kami ng mga estudyanteng

masipag mag-aral, walang bagsak, at matataas na grado. Iniinbentahan po kayo na

dumalo sa aming oryentasyon na magaganap sa senior high building. Ang aming

kapatiran ay makakatulong sa inyong pag-aaral lalo na’t kung ikaw ay mahina sa Math

dahil nag aalok kami ng libreng pagtuturo sa Math.

Tayo ay Pamilya at magkakapatid.

No Hazing just Indoctrination and Service.

Kaya sali na kayo sa aming kapatiran.

 Halimbawa ng Tekstong Naratibo:

“Ang galit ng Alon sa tinig ni Maria”

Noong unang panahon,sa isang isla sa gitnang pasipiko ay may isang uri ng hampas ng

alon ang nagbibigay ng takot at pangamba sa mga tao doon, tinawag nila itong si Haring

Alon dahil sa naglalakihang hampas ng alon nito. Si Maria ay isang anak ng isang

mangingisda na namatay sa gitna ng pasipiko dahil sa hampas ng mga alon, simula noon

ay lagi na siyang pumupunta sa dalampasigan ng mag-isa at kumakanta at sa tuwing

siya ay kumakanta ay tila tumatahimik ang paligid at nawawala ang mga hampas ng alon,

napansin ito ng matandang nakikinig sa kanya. Sinabi ng matanda, na may kapang

yarihan ang ginintuang tinig ni Maria. Nagalit ang Haring Alon sa kaniyang pagkahinto sa

paghampas sa lupain ng isla dahil sa tinig ni Maria.

Sa katahimikan ng gabi ay nagwasik ng napakalaking hampas ng alon ang Haring Alon

na kumain sa halos kalahating bahagi ng isla, napakaraming namatay pero hindi pa

nakuntento ang Haring Alon muli ay naghampas siya ng napakalaking alon, nagmadaling

tinawag ng isang matanda si Maria sinabi nitong kailangan ng buong mamamayan ng

buong isla ang kanyang makapangyarihang tinig upang tumigil ang Haring Alon.

Nakipag sagupaan ang tinig ni Maria sa hampas ng malalaking alon hindi niya ininda ang

hampas ng alon na bumubugbog sa kaniyang katawan, nang naglaon ay huminto rin ang

galit ng Haring Alon, at mula noon ay hindi na muling humampas ang alon sa

dalampasigan ng isla at namuhay ang mga tao ng walang takot at pangamba sa kanilang

puso.
 Halimbawa ng Tekstong Argumentatibo:

Smoking Kills, Di Nga Ba?

Parami na nang parami ang namamatay dahil sa bawat paghithit ng isang istik ng

sigarilyo. Sa kasalukuyan, 28.3 porsiyento ng mga Pilipino, edad kinse pataas ang

naninigarilyo. May malaking katanungan na nabuo sa isip ko dahil sa obserbasyong ito,

"Ano nga bang ikinaganda ng panininigarilyo?".

Lagi kang makakakita ng mga taong panay buga ng usok mula sa kani-kanilang

sigarilyo. Naging parte na ito ng pamumuhay ng lipunan. Ilan sa mga rason ng mga tao

kung bakit sila nahuhumaling sa paggamit ng sigarilyo ay ito raw ay nakakawala ng pagod

at nakapipigil sa antok kapag nasa gitna sila ng pagtatrabaho. Nakababahala na ang

patuloy na pagrami ng mga gumagamit ng sigarilyo kahit na hindi lingid sa kaalaman ng

lahat ang masamang epekto nito sa kalusugan. Pikit mata ang ilan na mga adik sa

sigarilyo tungkol sa maaaring kahinatnan ng kanilang kalusugan kapag patuloy silang

nagpakalulong sa paghithit sa mga ito. Ayon sa pag-aaral, naglalaman ng 4, 800 na

kemikals ang usok mula sa sigarilyo, 69 dito ay maaaring magdulot ng kanser. Isa ring

katotohanan na mas maagang namamatay ang mga naninigarilyo kaysa sa mga hindi

gumagamit nito pero maaari paring maapektohan ang mga taong ito kung

makakalanghap sila ng usok mula sa sigarilyo..

Walang anumang kapaki-pakinabang sa paggamit ng sigarilyo. Kailangan rin

siguro ang pagkilos at kooperasyon ng mamamayan at hindi lamang tuluyan na iasa sa

pamahalaan ang paghahanap ng solusyon sa palaki nang palaking isyu na ito. Mas

mapapabilis ang pagwakas sa masamang epekto ng paninigarilyo, kung sisimulan ng

mga "smokers" ang pagbabago at pag-eensayo ng kontrol sa sarili.

 Halimbawa ng Tekstong Prosidyural:

“PAANO GUMAWA NG BROWNIES”

Ang brownies ay kadalasang inahanda tuwing may okasyon. Kadalasan ito ay

kinakain gamit ang kamay, hindi ito ginagamitan ng kutsara at tinidor. Madalas itong

kasamang pagkain ay gatas o mainit na kape. Masarap din itong kainin kapag mainit pa

maslalo na kapag sinasamahan pa ito ng sorbetes. Ito rin ay kilala sa mga restaurant

kung saan hindi mawawala sa nakahelirang panghimagas sa Menu.

Mga Sangkap:

½ Tasa ng mantekilya o butter

1 Tasa ng asukal
1 kutasarita ng vanilla extract
2 Itlog
½ tasa ng harina
1/3 tasa ng cocoa
¼ kutasarita ng baking powder
¼ kutsarita ng asin
½ tasa na tinadtad na mani

PAGHAHANDA:

(1)Kumuha na malaking mangkok, haluin ang butter, asukal at vanilla.(2)Idagdag ang

itlog at haluin ng mabuti(3)Sa hiwalay na mangkok , haluin ang asin, harina at cocoa.

Pagkatapos haluin, ilagay sa butter mixture at haluing mabuti(4)Ilagay ang mani(5)Ilagay

sa oven.

PARAAN NG PAG BAKE:

(1)Painitan ang oven ng 350 degrees Fahrenheit(2)i-bake ng 20-25 na minute hanggang

maging kulay brown ito(3)Pagkatapos maluto, ilabas sa oven(4)Hiwain ng

parisukat(5)Enjoy.
MGA HALIMBAWA NG IBA’T-IBANG URI

NG TEKSTO

 INPORMATIBO

 DESKRIPTIBO

 PERSUWEYSIB

 NARATIBO

 ARGUMENTATIBO

 PROSIDYURAL

IPINASA NI:

MARK A. QUIROS

IPINASA KAY:

G. NOEL CATINGUB