LARAWAN NG KASIPAGAN

Mga magsasaka sa munti kong nayon,

madilim-dilim pa’y agad bumabangon
dagling tinutungo ang bukid sa layong
baya’y mailigtas sa hirap at gutom.

Sa linang na pitak – bukid ng pag-asa

sila’y lumulusong na maliligaya
habang umaawit ang mga dalaga,
ang binata naman ay gumigitara.

Bawat isang tundos ng kamay sa putik

ay isang ligaya ang dulot ng langit,
paurong na hakbang habang lumilimit
lalong kumakapal ang tanim sa bukid.

Sa inurong-urong at hinakbang-hakbang
nitong magsasaka sa lupang putikan
ang lawak ng bukid ay nangatatamnan
ng maraming punlang handog ng Maykapal.

Sila’y umuuwi pagdating ng hapon

na taglay sa puso ang dakilang layon,
hindi alintana ang pagod at gutom,
and init at lamig sa buong maghapon.
_____ 46. Ano ang damdaming gustong ipahiwatig ng tula?

A. lungkot. B. panghanga. C. pagkamuhi. D. pagsusumamo.

_____ 47. Sino ang pinararangalan ng tula?

A. mga magsasaka. C. mga binata
B. mga dalaga. D. Maykapal

.
_____ 48. Anong panauhan ang ginamit na pananaw ng nagsasalita sa tula?
A. unang panauhan. C. ikatlong panauhan
B. ikalawang panauhan. D. walang tamang sagot
_____ 49. Ano ang kasingkahulugan ng salitang hindi alintana?
A. binibigyan-pansin. C. hindi angkop
B. hindi pinapansin. D. hindi nirereklamo
_____ 50. Alin sa mga sumusunod ang kaisipang maaaring makuha sa tula?
A. Malulungkot ang mga magsasaka.
B. Kinaiinisan ng mga magsasaka ang mga putikang kanilang taniman.
C. Ang nais lamang ng mga magsasaka ay kumita ng salapi.
D. Tunay na kapuri-puri ang mga magsasaka.