Banghay-Aralin sa Filipino

Baitang 8, Seksyon Jacinto

Gng. Lesly Ann L. Plando III-BSED/Filipino
Ika- 5 ng Marso 2019

I. Layunin
Pagkatapos ng talakayan ang mga mag-aaral ay inaasahang:
a. Nabibigyang-kahulugan ang mga piling salita na di-lantad ang kahulugan
batay sa pagkakagamit sa pangungusap. [F8PT-Ivi-g-36]
b. Nailalahad ang damdaming namamayani sa mga tauhan batay sa
napakinggan. [ F8PN-Ivg-h-37]
II. Panimula
A. Panimulang Gawain
a. Panalangin
b. Pagbati
c. Pagtala ng liban sa klase
d. Pangungulekta ng Takdang- Aralin
e. Pagbabalik-aral
Itatanong 1 ( Ano ang tinalakay ninyo noong nakaraan?)
Itatanong 2 (Ano ang inyong natutunan sa araling tinalakay?)
B. Pagganyak
Magpapakita ng mga larawang may kaugnay sa araling tatalakayin.
C. Paghahawan ng Balakid (Talasalitaan)
Panuto: Piliin sa kahon ang kasing-kahulugan ng salitang may salungguhit.

Lungkot Galit
Uunawa Ninanais
Marangal Nakikita
Mapagtitiisan Natutulog
Tumulo Mabagsik
1. Mababata ang hirap 6. Dakilang gawain
2. Malupit na amo 7. Nadaramang lumbay
3. Itinatagong poot 8. Tatarok sa salita
4. Ninanasa ng marami 9. Nahihimbing sa silid
5. Natatanaw ang dumarating 10. Luhang bumalisbis

D. Presentasyon ng Aralin (Talakayan)

Babasahin ang akda at tatanungin ang mga mag-aaral tungkol sa kani-
kanilang opinyon o nauunawaan sa binasang akda.
E. Pagpapayaman (Magtanong sa klase)
1. Sino sa tingin ninyo ang tinutukoy sa binasang akda?
2. Ano ba ang naging damdamin ng pangunahing tauhan sa akda?
3. Bakit kaya siya malungkot?
4. Ano ba ang ginagawa ng nagsasalita?
 F. Pagpapalawig (Pangkatang Gawain)
Hahatiin ang klase sa tatlong pangkat. Bawat pangkat ay bibigyang-
interpretasyon ang tulang binasa sa pamamagitan ng iba’t-ibang
pamamaraan sa pagpresenta (pagguhit,pagsulat ng kanta,pagsasadula).

PAMANTAYAN
NILALAMAN - 20
PAGKAMALIKHAIN - 20
PAGKAKAISA - 10
KABUUAN = 50
G. Pagsusuri
1. Ano ba ang inyong natutunan sa akdang binasa?
2. Bakit “Sawing Kapalaran” ang pamagat ng tula?
3. Kanino ba tayo dapat lumapit kapag may mga mabibigat na problema
tayong kinakaharap?
4. Kung ikaw ay papipiliin, ang masaktan ka para makasama mo ang
iyong minamahal o ang magiging masaya ka ngunit hindi mo naman
siya kasama?
H. Paghahalaw
1. Ano ang kaibahan ng sawim-palad at bigo?
I. Paglalapat
1. Kung magkakaroon ng matinding suliranin sa iyong buhay at
pamilya,makatarungan bang sisihin mo ang Panginoon sa bawat
problemang dumarating?Bakit?
III. Ebalwasyon
Panuto: Piliin at ilagay sa patlang ang damdaming nailalahad ng bawat saknong.

( Umibig ) (Bigo) (Malungkot) (Masaya) (Galit) (Tumatawag)

____________1. Sa saknong 21, “Ang lahat ng ito ,maawaing Langit

iyong tinutunghay, ano’t natititis?
Mula ka ng buong katuwira’t bait,
Pinayagan mong ilubog ng lupit.
____________2. Sa saknong 26, “Kung apuhapin ko sa sariling isip,
Ang suyuan namin ng pili kong ibig,
Ang pagluha niya kung ako’y may hapis,
Nagiging ligaya yaring madlang sakit.
____________3. Saknong 31, “ Ngunit sa aba ko, sawing kapalaran!
Ano pang halaga ng gayong suyuan,
Kung ang sing-ibig ko’y sa katahimikan
Ay humilig sa ibang kandungan?
_____________4. Saknong 32 , “ Sa sinapupunan ng Konde Adolfo
Aking natatanaw si Laurang Sinta ko,
Kamataya’y nahan ang dating bangis mo
Nang di ko damdamin ang hirap na ito?
____________5. Saknong 33, “ Dito hinimatay sa paghihinagpis,
Sumuko ang puso sa dahas ng sakit,
Ulo’y nalungayngay, luha’y bumalisbis,
Kinagagapusang kahoy ay nadilig.
IV. Kasunduan
Basahin ang susunod na aralin sa pahina 46-49 “ Mga hinaing ng kaawa-awa” at
pag-aralan ito.