Banghay – Aralin sa Filipino 4

Pamantayang Pangnilalaman:
Naipamamalas ang kakayahan at tatas sa mapanuring pakikinig at
pag-unawa sa napakinggan.
Pamantayan sa Pagganap:
Nakapagtala ng impormasyong napakinggan upang makabuo ng
balangkas at makasulat ng buod o lagom.
Tatas at kowd:
Napagsusunod – sunod ang mga detalye ayon sa tekstong
napakinggan F4PN-Iva-8.4

Naipagmamalaki ang sariling wika sa pamamagitan ng paggamit nito.

F4PL-Oa-j-1

Markahan: 4 Linggo: 1 Araw: 1

I. Layunin
Pagkatapos ng talakayan, 100% ng mga mag-aaral ay inaasahang
1. Napagsusunod – sunod ang mga detalye ayon sa tekstong
napakinggan.
2. Naipagmamalaki ang sariling wika sa pamamagitan ng paggamit nito.

II. Nilalaman:
Paksang Aralin: Pagsunod-sunod ng mga detalye ayon sa tekstong
napakinggan.
Integrasyon : EsP, Pagiging mapanuri at malikhain
Estratehiya: Eksplisit , experimental learning
Kagamitan: plaskard
Sanggunian: Yaman ng Lahi Wika at Pagbasa sa Filipino pahina 154-155

III. Pamamaraan
A. Panimulang Gawain
Batiin ang mga bata
Magandang araw mga bata!

Handa na ba kayo?

B. Pagganyak
Itanong:

Ano – anong mga kagamitan sa pagbabasa ang makikita sa silid –aklatan?

Sagot: Diksyunaryo , aklat , pahayagan

C. Pag-alis ng sagabal
 Ipabasa ang mga salitang nakadikit sa pocket tsart at ibigay ang
kahulugan

pinakbet nakahiligan
Masustansiyang pagkain

putahe kawali

D. Paglalahad
Pagbabasa ng guro sa isang kuwento.
Ibigay ang pamantayan bago magkuwento.
Handa naba ang lahat sa pakikinig?

Ang Luto ni Nanay

Ni : Charito C. Opiso

Noong bata po ako nakahiligan na ng aking nanay ang pagluto ng iba’t

ibang pagkain. Isa sa mga paborito ko na putahe na palaging iluluto ni nanay
ay ang pinakbet.

Sabi niya, Charity , kailangan mong kumain ng masustansiyang pagkain at

isa na rito ang pinakbet. Bakit po tinatawag itong pinakbet? Pinakbet sapagkat
ito ay pinagsama-sama na gulay kagaya ng kalabasa, talong, sitaw at sayote.
Naku! kaya pala napakasarap nito nanay. Aba! siyempre , hindi lang iyan
sagana pa ito sa bitamina.

Gusto ko pong matuto sa pagluluto nito nanay, papaano po ba ang

pagluluto nito? tanong ni Charity. Una ,ihanda mo ang mga kakailanganin at
kagamitan sa pagluluto. Pangalawa, hugasan ang gulay at tadtarin ang
panakot ng katamtaman lang ang laki; kagaya ng sibuyas dahon at bombay,
atsal. Pangatlo maghanda ng kaunting karne hiwain ito ng katamtaman
lamang.Pang-apat ihanda ang kawali para sa pagluluto, lagyan ng kaunting
mantika.

Panglima gisahin ang panakot, ilagay ang karne at gulay. Pang-anim, haluin
ito nang mabuti. Panghuli , isa sa sekreto ni nanay ay kinakailangan daw ang
pagmamahal sa pagluluto para mas lalo itong sumarap.

Aba! kaya pala napakasarap ng mga luto ninyo ang sabi ni Charity.
Tatandaan ko po lahat nanay ang mga hakbang sa pagluluto ng pinakbet para
bukas ako na naman ang magluluto para sa ating hapunan. Okey , magaling !
ang sabi ni nanay.

2
 E. Pagtatalakay
Pagtatanong:

Ano ang pamagat ng kuwento?

Anong putahe ang nakahihiligan ni Nanay na iluluto?

Ano-ano ang mga hakbang sa pagluluto ng pinakbet?

Ano ang sekreto ni nanay sa pagluluto?

Bakit gustong matuto ni Charity na pagluluto ng pinakbet?

F. Paglalapat

Pangkatang Gawain:

Itala ang mga impormasyon sa balangkas upang makabuo ng buod

tungkol sa kuwentong napakinggan.

I-Pamagat – Dito nakasaad ang pinakapaksa ng kuwento.

II- Tauhan – Bahaging ito, iniisa-isa ang mga magsisiganap sa

kuwento.

III- Tagpuan – Pinapakita kung saan ang pinangyarihan ng mga

kaganapan sa kuwento.

IV- Galaw ng Pangyayari- Dito ibinibigay ang sunod- sunod na

pangyayari sa kuwento.

V-Pangwakas – Dito nakasaad ang huling kaganapan sa kuwento.

Pag-uulat sa mga natala o nakalap na impormasyon sa

napakinggang kuwento.

G. . Paglalahat

Ano ang natutunan ninyo sa kuwento?

IV. Pagtataya

Pagsunod-sunurin ang mga sumusunod na detalye ayon sa kuwentong inyong

napakinggan. Titik lamang ang isulat sa sagutang papel.

3
 a. Tatandaan ko po lahat nanay ang mga hakbang sa pagluluto ng pinakbet.
b. Isa sa pinakapaborito kong putahe ni nanay ay pinakbet.
c. Ang sikreto ni nanay sa pagluluto ay kinakailangan ang pagmamahal para
mas lalo pang sumarap ang iluluto na pagkain.
d. Charity kailangan mong kumain ng gulay at isa na rito ang pinakbet.
e. Ang pinakbet ay pinagsama-samang gulay kagaya ng kalabasa, talong , sitaw
at sayote.

V. Kasunduan
Isulat sa malinis na papel para sa putaheng kinahihiligang lutuin ng inyong
nanay at babasahin ito sa klase.

Pagninilay:
A. Bilang ng mag-aaral na nakakuha ng 80% sa pagtataya______
B. Bilang ng mag-aaral na nangangailangan ng iba pang gawaing
remediation.
C. Nakatulong ba ang remedial? Bilang ng mag-aaral na nakaunawa sa
aralin.
D. Bilang ng mag-aaral na magpapatuloy sa remediation.________
E. Alin sa mga istratehiya ang nakatulong nang lubos sa pagkatuto ng
mga mag-aaral? Paano ito nakatulong?_____
F. Anong suliranin ang aking naranasan sulusyunan sa tuloy ng aking
punong guro at supervisor?_____
G. Anong kagamitang panturo ang nais kong ibahagi sa mga kapwa
ko guro?______