PAMANTASAN NG LUNGSOD NG PASIG

Alcalde Jose Street, Kapasigan, Lungsod ng Pasig

KOLEHIYO NG EDUKASYON

PAGTUTURO AT PAGTATAYA

NG MAKRONG KASANAYANG PANGWIKA

BANGHAY ARALIN SA FILIPINO

Pangangailangan sa Asignaturang FIL 206

Bilang Gawaing Pangpagtatapos

Inihanda ni:

Guimba, Jeremy V.

BSED 1 FILIPINO

Ipinasa kay

Rodelio, Tuazon Ison Jr.

Propesor

Mayo 04, 2019

1
I.MGA INAASAHANG BUNGA
A. Naiaangkop sa sariling katauhan ang kilos, damdamin at saloobin ng
tauhan (F7PD-IIIh-i-15)
1. Nakapagpapakita ng isang tableau tungkol sa bullying
2. Nakapagbibigay ng pananaw tungkol sa sitwasyon ng kahirapan
at kasalatan sa buhay.
B. Napaghahambing ang mga katangian ng mga tauhan sa napakinggang
maikling kuwento (F7PN-IIIh-i-16)
C. Nahihinuha ang kahihinatnan ng mga pangyayari sa kuwento (F7PB-IIIh-
i-18)

II.PAKSANG-ARALIN

A. Paksa: Panitikan - Sandaang Damit ni Fanny Garcia

Maikling Kuwento mula sa Bulacan
B. Kaisipan: “Hindi masusukat ng katayuan sa buhay ang karapatan mo
bilang isang taong nabubuhay sa iisang mundo.”
C. Kagamitan: Mga larawan, kagamitang biswal, speaker, laptop, at
projector.
D. Sanggunian:https://filipinoeinsteinirakhads.blogspot.com/2013/02/sand
aang-damit-ni-fanny-garcia.html

III. PROSESO NG PAGKATUTO (LINANGIN-Panitikan)

A. Panimulang Gawain
1. Rutinang Pansilid-aralan
1.1 Panalangin
1.2 Pagbati
1.3 Pagsasaayos ng silid-aralan
1.4 Pagtatala ng liban sa klase

B. Pagganyak
Pamagat: “BUOING MULI NATIN!”
Ang silid- aralan ay napapaligiran ng mga larawan na pawang
putol- putol. Sa loob ng tatlong minuto ay kinakailangang mahanap ng mga mag-
aaral ang tatlong lawaran, pagkatapos ay magsasama- sama ang mga may
kaparehas na parte at bubuoin ito parakita ang kabuubuoan.

2
 Gabay na tanong:
1. Ano ang makikita ninyo sa mga larawan?
2. Ano ang masasabi ninyong kaugnayan ng mga larawan sa mga
nakikita sa paligid?
3. Kung ikaw ay magkakaroon ng ganiyang mga bagay, ano ang iyong
mararamdaman? (pag-uugnay sa araling tatalakayin)

C. Paglinang ng Talasalitaan

Pamagat: “Si Ginoong BookWorm”

Panuto: Gamit ang mga magkakahalong mga letra ay bubuo ng salita na kasingkahulugan
ng nakasalungguhit na salita sa pangungusap. Tulungan si Ginoong BookWorm para
matalo niya ang halimaw at magtagumpay sa kanyang misyon.

3
 D. Paglalahad

Tatalakayin ang kwento ng Sandaang Damit ni Fanny Garcia sa

pamamagitan ng Celebrity Bluff na isang game show. Aalamin ng
mga mag- aaral ang totoong nangyari na naganap o magaganap sa
kuwento sa paraan ng paghula kung FACT or BLUFF (Tama o
Mali) ang bawat pahayag.
“CELEBRITY BLUFF SANDAANG DAMIT EDITION”

1. May isang batang mahirap na laging nasa isang sulok at walang

imik.
FACT OR BLUFF?
2. Ang baon ng batang babae ay isa lamang pirasong tinapay na
karaniwang walang palaman.
FACT OR BLUFF?
3. Ang panunukso ng mga kaklase niya ay hindi alam ng kaniyang
ina.
FACT OR BLUFF? (Hindi lingid sa kaniyang ina)
4. Pinangakuan ang bata ng kaniyang ina na makakabili sila ng
magandang damit at masarap na pagkain kapag nakakuha na
ng pera ang kaniyang ama.
FACT OR BLUFF?
5. Sinabi ng bata ng buong tindig na mayroon siyang sandaang
damit na iniingatan sa bahay.
FACT OR BLUFF?

4
 6. Isa sa kaniyang inilarawang damit ay ang damit na may mga
gumamelang makikislap.
FACT OR BLUFF? (Rosas)
7. Ang bata’y bigla na lamang lumiban sa klase matapos
makuwento ang tungkol sa kaniyang sandaang damit.
FACT OR BLUFF?
8. Ang kanilang bahay ay gawa lamang sa mga trapal na ipinag
tagpi- tagpi.
FACT OR BLUFF? (Lumang luma na tila masisira na)
9. And sandaang damit na kaniyang inilalarawan sa kamag- aral
ay hindi totoong mga damit.
FACT OR BLUFF?

FACT BLUFF

E. Pagpapalalim

1. Pangkatang Gawain
Mapapalawig ang kaalaman ng mag- aaral sa pamamagitan
ng mga gawain.

PANGKAT 1: IS THAT (TAT) WA?

Sa pamamagitan ng Tableau
ipakita ang uri ng bullying na
nararanasan ng isang batang mahirap
na makikita sa ating paligid.

5
 PANGKAT 2: TANGHALAN NG PAG ARTE
Gumawa ng isang dula sa maaaring maging wakas ng
kwento ng Sandaang Damit. (Maaaring ibatay sa gustong
kalabasan ng kuwento.)

PANGKAT 3: VENN DIAGRAM

Gamit ang venn diagram, ilahad ang pagkakaiba ng ugali
ng tauhan sa kuwento sa ugali ng mga tao sa totoong
buhay.

6
 2. Rubrics

INTERPRETASYON
RUBRICS SA PANGKATANG
GAWAIN
A. ORGANISASIYON. Naisagawa 5= Pinakamahusay
ba ng maayos ang Gawain?
B. PAGKAMALIKHAIN. Gumamit 4= Mahusay
ba ng estratehiya sa
pagpresenta ng Gawain?
C. PAGKAKAISA. Nakiisa ba ang 3= Katamtaman
bawat miyembro ng pangkat
sa paggawa ng Gawain?
D. PANGKALAHATANG 2= May kahinaan at kailang
REAKSYON. Nasiyahan ba ang pang paunlarin.
mga manonood at napukaw ba 1= Napakahina at
ang kanilang atensyon ng kailangan ng lubos na
klase? pagpapaunlad.

F. Sintesis

“KAHON SA BILOG NA BUTAS”

ANO ANG DAHILAN NG TAO (NATIN)

KUNG BAKIT MINSAN AY PINIPILIT
NATING MAKIBAGAY SA TAKBO NG
MUNDONG ITO DAHILAN NG PAG-
IIBA NATIN SA ATING PANLABAS NA
KAANYUAN?

7
 G. Pagtataya
Masusukat ang kakayahan ng mag- aaral sa nabasa o
napakinggang teksto.

Panuto: Basahing mabuti ang bawat bilang at bilugan ang titik ng tamang sagot.

“Nagkatinginan ang kaniyang mga kaklase,

hindi sila makapaniwala, ‘Kung totoo ya’y
ba’t lagi na lang luma ang suot mo?’”

1. Anong damdamin ang ipinakita sa pahayag na may salungguhit?

A. Pagtataka
B. Pagmamalaki
C. Paninigurado
D. Pagkainggit

2. Ano ang bagay na tinutukoy sa pahayag na may salungguhit?

A. Tsinelas
B. Bag
C. Damit
D. Sapatos

Mula noo’y naging kaibigan niya ang mga kaklase.

Ngayo’y siya ang nagging tagapagsalita at sila naman ang
kaniyang tagapakinig. Lahat sila’y natutuwa sa kaniyang
kuwento tungkol sa sandaang damit. Nawala ang kaniyang
pagkamahiyain.

3. Ibigay ang pinakamainam na damdamin na namutawi sa pahayag.

A. Pagtanggap
B. Katuparan
C. Kasiyahan
D. Pagmamahal

8
 4. Ano ang ginawa ng batang babae upang maging kaibigan niya ang
kaniyang mga kaklase?

A. Nagbahagi ng kanyang mga baong pagkain.

B. Nagkuwento ng mga kawili- wiling pangyayari sa kanyang buhay.
C. Inilarawan ang mga detalye ng kanyang sandaang damit nang
malikhain.
D. Tinuruan niya ang buong klase tungkol sa aralin.

Natutuhan niyang sarilinin ang pagdaramdam sa panunukso ng

mga kaklase. Hindi na siya umuuwing umiiyak. Hindi na siya
nagsusumbong sa kaniyang ina. Sa kaniyang pagiging tahimik
ay ipinalalagay ng kaniyang mga kaklase na siya’y kanilang
talun-talunan kaya lalong sumidhi ang kanilang pambubuska.

5. Ano ang mahihinuha mo sa pahayag na nasa itaas?

A. Siya’y hindi na muling magpapatukso sa kaniyang mga kaklase.

B. Hindi na siya muling dedepende sa ibang tao, at ito’y sasarilihin na
lamang.
C. Wala ng puwang ang mga taong may masamang hangarin sa
kapwa para sa may mga mabubuting kalooban.
D. Nangingibabaw sa pahayag ang pagkatakot.

IV. KASUNDUAN

Bilang isang mag- aaral, paano mo tinutulungan ang iyong kamag- aral na
nahihirapan o salat sa buhay? Magbahagi ng isang karanasan bilang patunay.
Isulat sa isang buong bahagi ng papel.

9
SANDAANG DAMIT ni Fanny Garcia
May isang batang mahirap. Nag-aaral siya. Sa paaralan ay kapansin-pansin
ang
kaniyang pagiging walang-imik. Malimit siyang nag-iisa. Laging nasa isang
sulok. Kapag
nakaupo na’y tila ipinagkit. Laging nakayuko, mailap ang mga mata, sasagot
lamang
kapag tinatawag ng guro. Halos paanas pa kung magsalita.
Naging mahiyain siya sapagkat maaga niyang natuklasang kaiba ang
kaniyang
kalagayan sa mga kaklase. Ipinakita at ipinabatid nila iyon sa kaniya.
Mayayaman
sila. Magaganda at iba-iba ang kanilang damit na pamasok sa paaralan.
Malimit nila
siyang tuksuhin sapagkat ang kaniyang damit, kahit nga malinis, ay halatang
luma na,
palibhasa’y kupasin at punung-puno ng sulsi.
Ilarawan ang pisikal at emosyunal na kalagayan ng batang babae.
Kapag oras na ng kainan at labasan na ng kani-kanilang pagkain, halos ayaw
niyang
ilitaw ang kaniyang baon. Itatago niya sa kandungan ang kaniyang pagkain,
pipiraso ng
pakonti-konti, tuloy subo sa bibig, mabilis upang hindi malaman ng mga
kaklase ang
kaniyang dalang pagkain. Sa sulok ng kaniyang mata ay masusulyapan niya
ang mga
pagkaing nakadispley sa ibabaw ng pupitre ng mga kaklase: mansanas,
sandwiches,
kending may iba-ibang hugis at kulay na pambalot na palara.
Ang panunukso ng mga kaklase ay hindi nagwawakas sa kaniyang mga
damit.
Tatangkain nilang silipin kung ano ang kaniyang pagkain at sila’y
magtatawanan kapag
nakita nilang ang kaniyang baon ay isa lamang pirasong tinapay na
karaniwa’y walang
palaman.
Kaya lumayo siya sa kanila. Naging walang kibo. Mapag-isa.
Ang nangyayaring ito’y hindi naman lingid sa kaniyang ina. Sa bahay ay di
minsan
o makalawa siyang umuuwing umiiyak dahil sa panunukso ng mga kaklase,
at siya’y
magsusumbong. Mapapakagat-labi ang kaniyang ina, matagal itong hindi

10
makakakibo,
at sabay haplos nito sa kaniyang buhok at paalong sasabihin sa kaniya,
hayaan mo
sila anak, huwag mo silang pansinin, hamo, kapag nakakuha ng maraming
pera ang
iyong ama, makakapagbaon ka na rin ng masasarap na pagkain, mabibili na
rin kita ng
maraming damit.
At lumipas pa ang maraming araw. Ngunit ang ama’y hindi pa rin nakapag-
uwi ng
maraming pera kaya ganoon pa rin ang kanilang buhay. Ngunit ang bata’y
unti-unting nakaunawa sa kanilang kalagayan. Natutuhan niyang makibahagi
sa malaking suliranin
ng kanilang pamilya. Natutuhan niyang sarilinin ang pagdaramdam sa
panunukso ng mga
kaklase. Hindi na siya umuuwing umiiyak. Hindi na siya nagsusumbong sa
kaniyang ina.
Sa kaniyang pagiging tahimik ay ipinalalagay ng kaniyang mga kaklase na
siya’y
kanilang talun-talunan kaya lalong sumidhi ang kanilang pambubuska.
Lumang damit. Di
masarap na pagkain. Mahirap. Isinalaksak nila sa kaniyang isip.
Hanggang isang araw ay natuto siyang lumaban.
Sa buong pagtataka nila’y bigla na lamang nagkatinig ang mahirap na batang
babaeng laging kupasin, puno ng sulsi, at luma ang damit, ang batang laging
kakaunti
ang baong pagkain. Yao’y isa na naman sanang pagkakataong walang
magawa ang
kaniyang mga kaklase at siya na naman ang kanilang tinutukso.
“Alam n’yo,” aniya sa malakas at nagmamalaking tinig, “ako’y may sandaang
damit sa
bahay.”
Nagkatinginan ang kaniyang mga kaklase, hindi sila makapaniwala.
“Kung totoo ya’y ba’t lagi na lang luma ang suot mo?”
Mabilis ang naging tugon niya, “Dahil iniingatan ko ang aking sandaang
damit.
Ayokong maluma agad.”
“Sinungaling ka! Ipakita mo muna sa’min para kami maniwala!” Iisang tinig
na sabi
nila sa batang mahirap.
“Hindi ko madadala rito. Baka makagalitan ako ni Nanay. Kung gusto n’yo’y
sasabihin
ko na lang kung ano ang tabas, kung ano ang tela, kung ano ang kulay, kung
may laso o

11
bulaklak.”
At nagsimula na nga siyang maglarawan ng kaniyang mga damit. Ayon sa
kaniya’y
may damit siya para sa iba-ibang okasyon. May damit siyang pambahay,
pantulog,
pampaaralan, pansimbahan, at iba pa.
Naging mahaba ang kaniyang pagkukuwento. Paano’y inilarawan niya
hanggang
kaliit-liitang detalye ang bawat isa sa kaniyang sandaang damit. Tulad
halimbawa ng
isang damit na pandalo niya sa pagtitipon. Makintab na rosas ang tela nito na
sinabugan ng pinaggupit-gupit na mumunting bulaklak at makikislap na
rosas at puting abaloryo.
Bolga ang manggas. May tig-isang malaking laso sa magkabilang balikat.
Hanggang
sakong ang haba ng damit.
O kaya’y ang kaniyang dilaw na pantulog na may prutas sa kuwelyo,
manggas, at
laylayan. O ang kaniyang puting pansimba na may malapad na sinturon at
malalaking
bulsa.
Mula noo’y naging kaibigan niya ang mga kaklase. Ngayo’y siya ang naging
tagapagsalita at sila naman ang kaniyang tagapakinig. Lahat sila’y natutuwa
sa kaniyang
kuwento tungkol sa sandaang damit. Nawala ang kaniyang pagkamahiyain.
Naging
masayahin siya bagaman patuloy pa rin ang kaniyang pamamayat kahit
ngayo’y
nabibigyan nila siya ng kapiraso ng kanilang baong mansanas o sandwich, isa
o dalawang
kendi.
Ngunit isang araw ay hindi pumasok sa klase ang mahirap na batang
babaeng may
sandaang damit. Saka ng sumunod na araw. At nang sumunod pa. At
pagkaraan ng isang
linggong hindi niya pagpasok ay nabahala ang kaniyang mga kaklase at guro.
Isang araw ay nagpasya silang dalawin ang batang matagal na lumiban sa
klase. Ang
natagpuan nilang bahay ay sira-sira at nakagiray na sa kalumaan.
Sumungaw ang isang babaeng payat, iyon ang ina ng batang mahirap.
Pinatuloy
sila at nakita nila ang maliit na kabuuan ng kabahayan na salat na salat sa
anumang
marangyang kasangkapan. At sa isang sulok ay isang lumang teheras at

12
doon nakaratay
ang batang babaeng may sakit pala. Ngunit sa mga dumalaw ay di agad ang
maysakit
ang napagtuunang-pansin kundi ang mga papel na maayos na maayos na
nakahanay
at nakadikit sa dingding na kinasasandigan ng teheras. Lumapit sila sa sulok
na yaon
at nakita nilang ang mga papel na nakadikit sa dingding ay ang drowing ng
bawat isa
sa kaniyang sandaang damit. Magaganda, makukulay. Naroong lahat ang
kaniyang
naikuwento. Totoo’t naroon ang sinasabi niyang rosas na damit na pandalo
sa pagtitipon.
Naroon din ang drowing ng kaniyang pantulog, ang kaniyang pansimba, ang
sinasabi
niyang pamasok sa paaralan na kailanma’y hindi nasilayan ng mga kaklase
dahil ayon sa
kaniya’y nakatago’t iniingatan niya sa bahay.
Sandaang damit na pawang iginuhit lamang.

13