BANGHAY ARALIN SA FILIPINO 7

Huwebes/ Nobyembre 28, 2019

I. LAYUNIN

A. Pamantayang Pangnilalaman
Naipapamalas ng mga mag-aaral ang pag-unawa sa mga akdang pampanitikan ng Luzon.
B. Pamantayan sa Pagganap
Naisasagawa ng mag-aaral ang komprehensibong pagbabalita (news casting) tungkol sa
kanilang sariling lugar..
C. Mga Kasanayan sa Pagkatuto

a. Nabibigyang-kahulugan ang mga salita batay sa konteksto ng pangungusap,

b. Napaghahambing ang mga katangian ng mga tauhan sa napakinggang maikling kuwento, at
c. Nahihinuha ang kahihinatnan ng mga pangyayari sa kuwento.

II. PAKSANG ARALIN

A. Paksa: Maikling Kuwento ( Walong Taong Gulang )

B. Sanggunian: pp. 28 Batikan Ikatlong Markahan
C. Kagamitan: Kagamitang Biswal at Kwestyuner

III. PAMARAAN

YUGTO: TUKLASIN

A. Panimulang Gawain

-Panalangin
-Pagbati
-Pag-sasaayos ng Silid
-Pagtala ng Liban

B. Balik-aral
Panuto: Sagutin ang mga sumusunod na katanungan.
1.Ano ang paghihinuha o pagpapalagay?
2.Ibigay ang pagkakaiba ng hinuha o palagay at implikasyon.
3.Ano ang pamagat ng ating tinalakay na sanaysay?
4.Anong uri ng sanaysay ito? Ipaliwanag.

C. Motibasyon

Larawan Ko, Ikuwento Mo!

Magkakaroon ng 3 mag-aaral na maghahawak at magpapakita ng larawan kung saan sila
ay kasali, magbibigay hinuha naman ang kanyang mga kamag-aral patungkol sa totoong nangyari
sa mga larawang ipapakita.

D. Talasalitaan

Panuto: Bigyang kahulugan ang mga salita/parirala batay sa konteksto ng pangungusap.

1. Isang babaeng nasa katanghalian na ng buhay ang sumagot sa aking pagtatao po.
a. may edad na 16 b. may edad na 50
c. may edad na trenta d. may edad na 100
2. Lubog na ang araw nang aking ipukol ang mga paningin sa gawing durungawan.
a. takipsilim b. tanghali
c. gabi d. medaling araw
3. Madaling tinungo ang isang pulutong ng nagsisipaglaro nang ako’y Makita.
a. tagpuan ng mga bata b. grupo ng mga nagsisipaglaro
c. pangkat ng mga guro d. magkakaklase
 4. Baka kaya siya’y walang kabatian.
a. walang nagmamahal b. walang kaibigan
c. walang magulang d. walang kabaitan

5. Si Lencio ay tila isang matandang may aalahanin sa buhay.

a. may suliranin b. may matandang alagain
c. may inaalalang gamit d. may dalang matanda

E. Paglalahad (Pagtalakay sa Aralin)

Pangkatang Gawain: Magkakaroon ng anim na grupo.

Bawat grupo ay bubunot at gagawa ng tableu patungkol sa isang mahalagang pangyayari

mula sa maikling kwento na Walong Taong Gulang.

1. Napansin ni Bb. Dela Rosa sa loob ng silid aralan, si Leoncio na may maitim na mukha, sarat
na ilong, may bibig na makipot at makapal na labi ngunit may maamong mukha na mahilig
mapag isa.
2. Si Leoncio na matatagpuang tulala o nakasandal lamang sa ilalim ng puno at di nakikipaglaro
sa mga kaklase.
3. Si leoncio na nakatingin sa pagkain ng kanyang kamag-aral habang siya ay pinag-uusapan
patungkol sa kawalan ng baon.Si Bb. Dela Rosa na di nakatiis sa kanyang nakita ay tinawag at
binigyan ng pagkain ang bata.
4. Dahil sa limang araw na pagliban ni Leoncio sa klase ay nagpasyang si Bb. Dela Rosa na
sumabay sa dalawang batang umuuwi sa dako ng tahan ni leoncio.
5. Isang babaeng may katandaan nasa katanghalian na ng buhay ang sumagot sa kanyang
pagpapatao po. Sa isang banig na nakalatag sa sahig ay naroon ang munting katawan ni
Leoncio.
6. Si Bb. Dela Rosa na umupo sa tabi at kinamusta ang bata, binilinan na kainin ang dala niyang
hane at magpagaling na. Ang pag-uusap ng ina at ng guro kasabay ng pag aabot ng
makakain ng mag-ina bago tuluyang umalis.

Gabay na tanong:

1. Sino ang mga pangunahing tauhan sa kwento?

2. Ano ang pinagkaiba ni Leoncio sa ibang bata?
3. Bakit naisip muli ni Bb. Dela Rosa ang kanyang katanungan kay Leoncio na “ Bakit ayaw mo
ba ng itlog? Hindi ka ba kumakain ng bungangkahoy na sinabi ko sa iyo? At ang gatas na
sariwa? “ nang siya ay papauwi na?
4. Ano ang iyong nagging damdamin sa wakas ng kuwento?bakit mo ito naramdaman?
5. Ano ang mahihinuha mo patungkol sa gustong iparating ng maikling kwento na Walong
Taong Gulang?

E.Paglalapat:

Pangkatang Gawain: Ipapangkat ang mga mag-aaral sa anim na grupo

Kung kayo ang gagawa ng katapusan ng kwento, ano ang gusto ninyong mangyari?

PAMANTAYAN:

Pagkamalikhain- 4

Katuturan ng sagot at pag-uulat ng grupo- 3

Pagtutulungan/ Partisipasyon ng Grupo- 3

KABUUAN: 10

D. Paglalahat/Sintesis

Dugtungan mo!

Natutunan ko na ang maikling kwento na Walong Taong Gulang ay ________________.

IV. EBALWASYON

Panuto: Sagutin ang sumusunod na mga katanungan.

1. Ilarawan ang pisikal at emosyonal na kalagayan ni Leoncio.

2. Kanino ikinumpara ni Bb. Dela Rosa ang batang si Leoncio?
3. Ano ang dahilan ng pagliban ni leoncio sa klase?
4. Ano sa iyong palagay ang estado sa buhay ng pamilya ni leoncio?
5. Kung ikaw ang kaklase ni Leoncio, paano mo siya matutulungan?

V.KASUNDUAN
Basahin ang Kuwento ni Mabuti sa pahina 35 ng Batikan.

Inihanda ni: Bb. Roshielmay O. San Diego

Guro sa Filipino 7