Ang epektibong pagkatuto sa asignaturang Filipino ay hindi nakukuha sa
isang upuan lamang, nangangailangan ito ng epektibong istratehiya. Ang mga mananaliksik ay may napakalaking papel na dapat gampanan pagdating sa pagpapaunlad ng kasalukuyang estado ng suliranin sa pamamagitan ng inobasyon, interbensyon at istratehiya na may layuning mapataas ang kalidad ng edukasyon na matatamasa ng mga magaaral mula baitang pito hanggang siyam sa Mataas na paaralang nasyonal ng Alitagtag sa asignaturang Filipino. Ang pagiging mananaliksik ay hindi nagtatapos sa pagtaya lamang ng mga salik na nakakaapekto sa epektibng pagkatuto sa asignaturang Filipino at pagbuo ng mga ideya na pawang mga epektibong istratehiya, kundi sa pagsasakatuparan ng mga ideya na makakatulong upang masolusyunan ang suliranin. Sa kabilang banda, ang mga mananaliksik ay naninindigang sa mga guro marapat na magsimula ang inobasyon. Bilang mga guro kina kailangang hikayatin nila ang mga magaaral sa talakayan sa pamamagitan ng ibat-ubang mga istratehiya gaya na lamang ng paggamit ng modernong teknolohiya. Upang mabawasan pa ang mga salik na nakaaapekto sa epektibong pagkatuto ng mga mag-aaral, sa guro pa rin nakaatang ang respnsibilidad na tutukan ang mga magaaral na hindi nakakasabay sa talakayan sa pamamagitan ng interbensyon kung saan maayos na maipapaliwanag ng guro ang mga gawain sa pinakapayak nitong anyo.