Halamang may likas na ugat sa lupa,

Sugpu-sugpuin ma’y hindi nawawala;

Ang puhunang dugo’t ang puhunang luha,

Pag napagtubua’y sambahay na tuwa.

Kasarinlan natin ay isang halamang

Pinutol ng lakas ng mga kalaban,

Halamang sa dugo hinasik ni Tatang!

Halamang sa luha dinilig ni Inang!

Ngayong narito na’t sa ati’y nagbalik

Alagaan naman ng ating tangkilik,

Iya’y bungang-hinog ng paghihimagsik

Na napitas natin sa pananahimik