I.

PANIMULA:
Ang aming paksang tatalakayin ngayon ay tungkol sa Developing
Instructional Materials in Language Teaching o Paghahanda ng Kagamitang Pampagtuturo sa
Wika. Tatalakayin namin ang mga pananaw ng pagtuturo ng wika ayon sa mga Behaviorist at
sa mga makabagong pananaw , mga modelo ng pagtuturo ng wika. ang kahalagahan ng
Kagamitang Pampagtuturo, mga salik sa paghahanda ng kagamitan , mga modelong disenyo
ng kagamitang pampagtuturo ng wika, at mga isyu tungkol sa paghahanda ng kagamitang
pampagtuturo.
Sa mga nakaraang dekada, nagsimulang nagkaroon ng ibayong pansin sa
pangangailangan ng mga kagamitang panturo bilang pagsasaalang-alang sa kapakanan ng
mga mag-aaral at upang magkaroon ng makahulugan at mabisang pagtuturo at pagkatuto.
Sa punto ng mga tradisyunal na pag-iisip, ang kagamitang panturo ay binubuo ayon sa
paniniwala na sa pagtuturo dapat magsimula sa malinaw na layunin at
pagtataya upang mataya kung balido ang layunin, nilalaman, at pagkatuto ng mga mag-aaral.
Samakatuwid, ang pagtuturo noon ay nakatuon lamang sa ANO ang ituturo at PAANO ituturo.
Nakatuon pa rin ang pagtuturo sa mga tuntuning pangwika. Ito ay umaayon sa teorya ng mga
“Behaviorist Psychology of Learning,” na ang paniniwala sa pagtuturo at pagkatuto ng wika ay
“habit formation” na binubuo ng stimulus at response.
Sa bagong pananaw sa pagtuturo ng wika, nakatuong higit ang pansin sa
pagkalinang ng kakayahang komunikatibo kaysa sa kabatiran tungkol sa wika.
Ang kakayahang komunikatibo ay nauukol sa kakayahan sa aktwal na paggamit ng wika sa
mga tiyak na pagkakataon.
Sa puntong ito, hindi natin makalilimutan ang ipinaliwanag ni Chomsky na
pagkakaiba ng COMPETENCE at PERFORMANCE. Ayon sa kanya, ang COMPETENCE ay
nauukol sa kaalaman sa wika ng isang tao, samantalang ang PERFORMANCE ay
ang kakayahang gamitin ang wika sa angkop na paggagamitan.
Samantala, pinaunlad naman nina Canale at Swain (1980) ang kakayahang
komunikatibo ni Chomsky. Para raw masabi na ang isang tao ay may kakayahang
komunikatibo sa isang wika kailangang tinataglay niya ang apat na elemento; linguistic o
grammatical competence, socio-linguistic competence, discourse competence, at strategic
competence. Ang linguistic competence ay kakayahang umunawa at makabuo ng mga
istruktura sa wika na sang-ayon sa tuntunin ng gramatika. Sa batayang ito, ipinakikita ng isang
tao ang kanyang kahusayan sa paglalapat ng tuntunin ng wika. Ikalawa, ang sociolinguistic
competence ay isang batayang interdisciplinary. Isinasaalang-alang ng isang tao ang ugnayan
ng mga nag-uusap, ang impormasyong pinag-uusapan, at ang lugar ng kanilang pinag-
uusapan. Isinasaalang-alang dito ang kontekstong sosyal ng isang wika. Ang ikatlo,
ang discourse competence ay kakayahang bigyan ng interpretasyon ang isang serye ng mga
napakinggang pangungusap upang makagawa ng isang makabuluhang kahulugan. Ang
tagumpay ng pag-unawa sa isang diskurso ay sang-ayon sa kaalamang taglay kapwa ng nag-
uusap, “world knowledge” ng mga nag-uusap at maging ng kaalamang lingwistika, istruktura at
diskurso, at kaalaman sa social setting. Ang panghuling elemento na strategic competence ay
tumutukoy sa mga estratehiya na ginagawa ng isang tao upang matakpan ang mga
imperpektong kaalaman natin sa wika.
Ipinakita rin ni Dell Hymes (Sining ng
Komunikasyong Filipino:Ikatlong Edisyon,2010) sa binuo niyang akronim na
SPEAKING ang kakayahang komunikatibo at ang mahalagang salik na sosyokultural at iba’t
ibang sangkap na dapat isaalang-alang sa pagkakaroon ng epektibong pagpapahayag.

S-ettings (Saan-Lunan kung saan nag-uusap)

P-articipants (Sinu-sino ang mga kausap o nag-uusap)
E-nds (Ano ang layunin sa pag-uusap)
A-ct Sequence (Paano ang takbo ng usapin)
K-eys (Pormal o di-pormal ang takbo ng usapan)
I-nstrumentalities ( Pasalita ba o di-pasalita)
N-ouns ( Ano ang paksa ng pinag-uusapan)
G-enre (Nagsasalaysay, nakikipagtalo o nagmamatuwid)

Ano ngayon ang kaugnayan ng mga pananaw na nabanggit sa paghahanda

ng kagamitang pampagtuturo sa wika?
Sa pagtuturo ng wika, dapat nating isaalang-alang ang mga apat na
mahahalagang elemento o komponent: (1) mag-aaral, (2) guro, (3) metodo sa pagtuturo, (4) at
pagtataya o ebalwasyon. Samakatuwid , ganun din dapat sa paghahanda ng kagamitang
pampagtuturo. Ano ba ang papel ng kagamitang pampagtuturo sa ating pagtuturo at pagkatuto
ng wika?
Ayon kay Alwright (1990), ang mga kagamitan ay komokontrol sa pagtuturo
at pagkatuto. Ang mga ito”y dapat na katulong sa pagkatuto ng mga mag-aaral, ito
ay magsisilbing pagmumulan ng mga ideya at mga gawain para sa pagtuturo at pagkatuto
(resource of ideas and activities for instruction and learning), at magsisilbing batayan o gabay
ng guro sa mga gawain.Ayon naman kay Kitao, K. (1995) sa kanyang papel na binuo tungkol
sa paghahanda ng mga kagamitang pampagtuturo, iginuhit niya ang ilustrasyon na ganito:
“Ang Pamaraang Komunikatib sa Pagtuturo ng Wika”  Pamaraang Komunikatib = Nag-ugat ang
pamaraang ito sa national-functional approach na pinaunlad ni David Wilkins ng Britanya. Matatandaan
na sa panahong ito,ang binibigyan pokus o diin ay ang mensahe kaysa porma o istructura ng wika. Ang
kinalabasan ng halos purong diin sa mensahe ay hindi maganda para sa aspektong gramatika. Lalong
humina sa gramatika ang mag-aaral, kasi alam nilang higit na importante ang mensahe at hindi halos
pinupuna kung mali ang istrukturang gamit nila. = Sanhi sa kalungkot-lungkot na kinalabasan dahil
nasakripisyo ang gramatika, si Wilkins mismo ang pumansin o nagpabago sa kanyang sariling pagtuturo
ng wika. = Mula sa diin sa mensahe, ang pagtuturo ng wika sa panahong ito ay ang dalawang diin na
kapwa mahalaga: ang porma at mensahe. Ito nga ang tinatawag na layunin ng pamaraang komunikatib.
 Batayan ng Pamaraang Komunikatib = Sang-ayon sa modelo ni Michael Canale at Merill Swain, may
apat na aspekto o element ng communicative competence: linguistic o grammatical competence, socio-
linguistic competence, discourse competence at strategic competence. 1. Linguistic o Grammatical
Competence: = kakayahang umunawa at makagawa ng mga istruktura sa wika na sang-ayon sa mga
tuntunin sa gramatika. = estado ng isang taong masasabi nating may control o masteri sa porma o
istruktura ng isang wika. = dito ipinapakita ng isang tao ang kanyang kahusayang gumamit ng tuntunin sa
wika. = ito ay nasasakop ng pag-aaral sa linggwistik. 2. Socio-linguistic competence: = isang batayang
interdisciplinary. = nakauunawa at nakagagamit ng kontekstong sosyal ng isang wika na may kinalaman
sa: *Kaugnayan ng mga nag-uusap sa isa’t isa (role relationship) *Impormasyong pinag-uusapan (topic)
*At ang lugar na pinag-uusapan (place) = sa ibabaw ng kaalaman sa tatlong salik na ito, alam ng mga
kasanib sa usapan ang layon (function) ng kanilang pag-uusap. 3. Discourse competence: = may
kinalaman sa pag-unawa, hindi ng isa-isang pangungusap kundi ng buong diskurso. = ang isang
nakikipag-usap daw ay kailangan alam niyang halawin ang paksa, ang layon (function), at iba pa ng isang
discourse. = hindi niya inuunawa lamang ang kahulugan ng isang yugto ng utterance kundi ang kabuuang
yugto ng isang discourse. 4. Strategic competence: = ito ay ang mga estratehiyang ginagamit natin upang
maka-compensate sa mga imperpektong kaalaman natin sa wika. = kahalintulad ito ng coping o survival
strategies.  Ang mga Dapat Tandaan sa Paggamit ng Pamaraang Komunikatib: 1. Sa paggamit ng wika,
malinaw sa mga makikipagtalastasan kung ano ang konteksto ng talastasan. Ang mga salik
sosyolinggwistik ang nagdidikta ng gagawing pag-uusap ng mga nakikipagtalastasan. 2. Ang wika ay isang
kasangkapan sa pakikipagtalastasan, di katulad noong araw na ang Gawain ng guro ay ituro ang mga
istruktura ng wika na gumagamit ng mg pagsasanay tulad ng substitution drills, pattern practice at iba
pa. 3. Higit na mahalaga sa gumagamit ng pamaraang komunikatib kung gaano kahusay sa
pakikipagtalastasan sa wika ang isang tao, hindi kung gaano ang nalalaman niya sa gramatika ng isang
wika. 4. Mahalagang gamitin sa loob ng klase ang mga sitwasyong tunay na tumatawag sa
pakikipagtalastasan. 5. May iba’t ibang antas ng communicative competence, lalo na, hindi maaasahan
na ang isang hindi negative speaker ay magiging mahusay sa bawat uri ng pakikipagtalastasan. FRANCA