PAG-AARAL TUNGKOL SA MASAMANG EPEKTO NG JUNK

FOODS

Isang Pamanahong Papel na Iniharap sa Kaguruan ng

Departamento ng Filipino, Kolehiyo ng Arte at Syensya,
Unibersidad ng Xavier

Bilang Pagtupad sa Isa sa mga Pangangailangan ng Asignaturang

Filipino 33, Pagbasa at Pagsulat Tungo sa Pananaliksik

ng

Filipino 33 ACI

Pebrero 22, 2011

 DAHON NG PAGPAPTIBAY

Bilang pagtupad sa isa sa mga pangangailangan ng

asignaturang Filipino, Pagbasa at Pagsulat Tungo sa Pananaliksik,
ang pamanahong-papel na ito ay pinamagatang Pag-aaral sa
Masamang Epekto ng Junk Foods ay iniharap ng mga
mananaliksik mula sa ACI na binubuo nina:

Mary Joy N. Nalitan Francois Cabiladas

Tinangggap sa pangalan ng Kagawaran ng Filipino, Kolehiyo

ng Arte at Syensya, Unibersidad ng Xavier, bilang isa sa mga
pangangailangan sa asignaturang Filippino 33, Pagbasa at
Pagsulat Tungo sa Pananaliksik.

Sharon Emerita Cahiles, M.A.

Propesor
 PASASALAMAT

Taos pusong ipinapaabot namin ang aming walang

hanggang pasasalamat sa mga taong tumulong upang
matagumpay na matapos ang pamanahong papel na ito.

Unang-una sa lahat, sa aming masigasig na guro sa Filipino

33 na si Gng. Sharon Emerita Cahiles sa kanyang buong pasensya
at walang sawang pagsuporta sa pagwawasto at pagdadagdag ng
sapat na impormasyon hinggil sa aming paksa.

Pangalawa sa aming mga magulang sa kanilang pag-unawa

at pagsuporta sa amin lalong lao na sa pinansyal na bagay.

Pangatlo sa aming mga kaibigan at mga respondente na

tumulong sa pagbuo at pagtapos ng aming pag-aaral.

At higit sa lahat ang Puong-Maykapal na naggabay sa amin

araw-araw at nagbigay ng talino para makapag-isip ng ideya sa
aming pamanahong papel.

- Mananaliksik -
 KABANATA 1

ANG SULIRANIN AT KALIGIRAN NITO

1. Introduksyon

Chichirya, candy, French fries, chippy, at hamburger, ilan

lamang ito sa tinatawag nilang junk foods. Ano nga ba ang junk
foods? Bakit nga ba junk foods ang tawag sa mga pangalang ito?

Ayon kay Robert Barnhart(1995), ang junk foods ay mga

pagkaing ready made na at madaling ihanda katulad ng mga nasa
vending machines.

Hindi mapipagkakailang nakakahumaling ang junkfoods at

alam nating lahat na sa likod ng nakakaadik at napakasarap na
lasa ng mga ito ay may mga delikadong sakit na maaaring makuha
at makasira ng ating kalusugan at ang nakakatakot pa ay maaaring
wakasan nito ang ating buhay. Ang brain cancer at “high blood” ay
ilan lamang sa mga sakit sa sobrang pagkain ng junkfoods.

Kung ano pa ang delikado, yun pa ang paboritong kainin at

ibandira ng mga tindahan. At nakakalungkot mang isipin, kahit sa
eskwelahan ay talamak ang pagbibinta ng junkfoods. Imbis na
tumulong para sa ikabubuti sa estudyate, nang-eenganyo pa sa
mga kabataan na bumili at kumain nito.

Sa patuloy ninyong pagbasa sa aming pamanahong papel,

ay unti-unting mabibigyang linaw at kasagutan ang inyong mga
tanong ukol sa junk foods.
 2. Layunin ng Pag-aaral

Ang pamanahong papel na ito ay nagbibigay ng

impormasyon hinggil sa masamang epekto ng junkfoods sa ating
kalusugan at nalalayong matugunan ang mga sumusunod na
katanungan:

1. Ilang porsyento ng kabataan kumakain ng junk foods?

2. Alam ba ng mga kabataaan kung ano ang junk foods at
ang epekto nito?
3. Anu-ano mga sakit dulot ng junk foods na alam ng mga
kabataan?
4. Bakit nai-engganyo silang kumain ng “junk foods”?
5. Ano ang “junk foods” at anu-ano ang mga sangkap sa
paggawa nito?
6. Anu- ano ang mga masasamang epekto ng sobrang
pagkin ng “junk foods”?
7. Anu-ano ang mga aksyong ginawa ng Kagawaran ng
Kalusugan (DOH) hinggil sa problemang dulot ng “junk
foods”?

3. Kahalagahan ng Pag-aaral

Ang mga mananaliksik ay buong-pusong naniniwala na ang

pag-aaral na ito ay napakahalaga. Ito ay magsisilbing pamukaw,
hindi lamang sa mga kabataan, kundi lahat ng taong kumakain at
adik sa junk foods.

Mahalaga sa bawat indibidwal na malinawan sa maaring

maging epekto ng “junk foods” sa ating kalusugan sapagkat alam
naman nating lahat na kahit sino sa ating komunidad ngayon ay
kumakain ng “junk foods”, particular na ang kabataan. Kung
ignorante tayo sa mga pagkaing pinapasok natin sa ating katawan,
maaring kitilin nito ang ating buhay.

Sa pamamagitan ng pananaliksik na ito ay maaaring

mahikayat namin ang mga mambabasa na iwasan at tigilan na ang
pagkain ng “junk foods”.

4. Depinisyon ng mga Terminolohiya

Minarapat ng mga mananaliksik na bigyan ng depinisyon

ang mga sumusunod na terminolohiya batay sa kung paano
ginamit ang bawat isa sa pamanahong papel para sa ganap na
pagkaintindi ng mga mambabasa:

Ang cholesterol ay isang crystalline na sangkap na hinango

mula sa bile at kadalasang nasa utak, gallstones at blood cells.

Ang oils/taba aykahit anong uri ng madilaw, malangis na

likido o buong kalamnan na makikita samga animal at plant tissues;
binubuo ng fatty acids at glycerol, walang amoy at walang lasa

Ang blood-brain barrier, tinatawag ding blood-celebral

barrier, ay isang lugar kung saan hinihiwalay ang dugo mula sa
parenchyma ng central nervous system.

Ang Alzheimer’s disease ay isang sakit sa utak kung saan

unti-unting nabubura at nawawala ang iyong memorya at pag-iisip.

Ang saturated fatty acids ay taba na matatagpuan sa mga

hayop.

Ang heroin ay isang gamot na pampamanhid at itinuturing

na isang matinding bawal na gamot;isang gamot na may opyo.

Ang diyabetes ay isang sakit kung saan ang isang tao ay

may mataas na sugar level sa kanyang katawan, ito ay dahil hindi
nakapagpapalabas ang katawan ng sapat na insulin o di kaya’y ang
cells sa katawan ay hindi nagre-respond sa insulin na inilalabas ng
katawan.

Ang sclerosis ay isang sakit kung saan ang tissue sa utak

ay naninigas na dahil sa prosesong cyberazation.

Ang hypothalamus ay bahagi ng utak na nagkokontrol sa

ating emosyon.

Ang immune system ay isang sistema sa katawan na

nagpoprotekta nito laban sa mga sakit.
 KABANATA II
MGA KAUGNAY NA PAG-AARAL AT LITERATURA

Ayon sa makabagong pag-aaral, ang sobra-sobrang pagkain

ng junk foods ay kasing-addictive ng paninigarilyo o paggamit ng
bawal na gamot at maaaring sanhi ng compulsive eating at labis na
katabaan.

Ang pagkaadik sa junk foods ay mataas ang antas sapagkat

ito ay simple lamang. Madali itong ihanda at masarap pa. Naaakit
ang mga kabataan sa mga adbertisment sa telebisyon patungkol sa
junk foods. Kung ang sangkap ng junk foods ang nagpapasarap
nito, ito rin ang siyang rason kung bakit delikado ito sa ating
kalusugan.

Isang internasyonal na pangkat ng mga scientist, na

pinanguluhan ng Scripps Research Institute ng Florida, ang
gumuwa ng isang pag-aaral at natuklasan nila na ang burgers,
chips at pizzas ay pinoprograma ang utak ng labis na pananabik sa
higit pang asukal, asin at pagkaing kargado ng taba. Kinumpirma ni
Dr. Paul Henry, na siyang nanguna sa pag-aaral, ang junk foods
ay may addictive properties at ang pananabik nito ay mahirap
tigilan. (http://www.indianexpress.com/news/junk-food-as-addictive-
as-heroin-and%20smokin/596954)

Ang mga siyentipiko ay naniniwala na ang pagka-adik ng

junk foods ay kagaya na rin sa pagkaadik sa droga. Sa napag-
alaman ng mga mananaliksik sa Rockfeller University, ang mga
pagkain na mayaman sa taba at asukal ay nagdudulot sa utak na
maglabas ng mga kemikal na gumagawa ng drug addiction,
kasama na ang cortisol, dopamine, galanin at serotonin. Ang
regular na pagkain ng junk foods ay lumilikha ng imbalances sa
kemikal, na humahantong sa pagkain ng mas marami upang
maibalik ito sa normal na lebel.
(http:/www.naturalnews.com/030815 junk food addiction.html)

Sa artikulo ni Ching Alano (2000) sa Philippine Star,

inilarawan ni Kline ang junk foods bilang: patay, refined, at
adulterado. Babala pa nito ay “ ang pagkain ay nilikha upang
magbigay ng sustansya sa ating katawan ngunit ang synthetic
chemicals ay sadyang hindi ginaawa para dito”. Ang kemikal na
inihahalo sa junk foods ay delikado sa dalawang paraan, una,
ginagawa nitong magtrabaho ng mas komplikado ang organ ng
detoxification at eliminasyo. Pangalawa, ang mga inihahalong
kemikal ay direktang nilalason ang katawan na nagdudulot ng mga
sakit, halimbawa na lamang ang mga food colourings na butter
yellow at ang red dye #2 na nagdudulot ng kanser.

Ang junk foods ay nakakasama sa ating kalusugan. Ito ay

puno ng mga kemikal na makakasira sa ating katawan. Kabilang
dito ang mga pampakulay sa pagkain, mga preserbatib at mga
artipisyal na pampatamis. Lahat ng junk foods ay dumadaan sa
isang masusing proseso. Karamihan ay ipiniprito gamit ang
hydrogenated vegetables oils. Ang mga hydrogenated vegetable
oils ay dumaan sa prosesong tinatawag na hydrogenation. Ito ay
ang paghahalo ng hydrogen molecules sa unsaturated fatty acids
upang maging saturated fatty acids. Samantala, kapag ang
hydrogenated vegetable oil ay pinakulo na, ito ay nagiging trans
fatty acids. Ang trans fatty acids ay nakakasama sa katawan at
nagdudulot pa ng kanser. (http:/www.wisemomsays.com/junk-food-
bad-for-health.html)
 KABANATA III

DISENYO AT PARAAN NG PANANALIKSIK

1. Disenyo ng Pananaliksik

Isinagawa ang pag-aaral na ito sa disenyo ng pamamaraang

deskriptib-analitik na pananaliksik. Tinangkang ilarawan at suriin ng
mga mananaliksik sa pag-aaral na ito ang mga impormasyon
tungkol sa masasamang epekto ng junk foods na nakabatay sa
aklat at makabagon teknolohiya o internet.

2. Mga Respondente

Ang mga piniling respondent ng mga mananaliksik sa pag-

aaral na ito ay mga batang mag-aaral ng Paaralang Elementarya
ng Doña Pilar. Ang mga respodente ay hinati sa apat na grupo:
dalawampu’t lima (25) mula saiIkatlong baitang, dalawampu’t lima
(25) sa ikaapat na baitang, dalawampu’t lima (25) sa ika limang
baitang at dalawampu’t lima (25) sa ikaanim na baitang.

Talahanayan 1

Distribusyon ng estudyate sa Ikatlo Hanggang Ikaanim na Baitang

ng Paaralang Elementarya ng Doña Pilar

Ikatlong Ikaapat na Ikalimang Ikaanim na

Kabuuan
Baitang Baitang Baitang Baitang
25 25 25 25 100
 3. Instrumentong Pampananaliksik

Ang pag-aaral na ito ay isinagawa sa pamamagitan ng

pagsarbey sa mga bata o sa aming mga respondent. Ang mga
mananaliksik ay gumawa ng sarbey kwestyoner upang malaman
kung ilang porsyento sa aming mga respondente ang mahilig sa
junk foods at kung bakit ito kanilang kinahihiligan.

Upang lalong mapalawak at mapabuti ang pag-aaral, ang

mga mananaliksik ay nangalap ng impormasyon mula sa iba’t
ibang hanguan tulad ng mga libro, pahyagan at internet.

4. Tritment ng mga Datos

Ang pamanahong papel na ito ay isang panimulang pag-aaral

lamang at hindi isang panganngailangan sa pagtatamo ng isang
digri kaya walang ginawang pagtatangkang gumamit ng mataas at
kompleks na istatistika. Tanging pag tatally at pagkuha ng
porsyento lamang ang kinakailangang gawin ng mananaliksik. Ang
pag-aaral na ito ay isa lamang paglalahad kung anuman ang
maaaring epekto ng junk foods sa ating kalusugan.
 KABANATA IV

RESULTA NG PANANALIKSIK

Natuklasan ng mga mananaliksik ang mga sumusunod na

datos at impormasyon:

Ipinapakita sa grap 1 ang distribusyon ng mga respondent

ayon sa kanilang kasarian. Binubuo ng limampu’t lima (55) na
babae at apatnapu’t lima (45) na lalaki ang isandaaang (100)
respondent.

Grap 1
Distribusyon ng Respondente ayon sa Kasarian

45%
lalaki
55%
babae

Dalawampu’t lima (25) sa isandaang (100) respondent ay

may edad na 8. Dalawampu’t lima (25) naman ay may edad 9.
Dalawampu’t lima (25) rin ay may edad na 10. Samantalang
dalawampu’t lima (25) ang edad 11 pataas.
 Grap 2
Distribusyon ng mga Respondente Ayon sa Edad

30

25

20

15

10

0
8 9 10 11 pataas

Animapu’t tatlo (63) sa mga respondente ang kumakain ng

junk foods kahit alam nila na masama ang epekto nito sa
kalusugan, labintatlo (13) naman ang nagsabing kumakain sila pero
hindi nila alam ang eepekto nito, samantalang dalawampu’t apat
(24) naman sa kanila ang hindi kumakain ng junk foods.

Grap 3
Bahagdan ng kumakain ng Junk Foods

24% A. Oo, kahit alam ko na

masama ang epekto nito
B. oo, ngunit hindi alam
ang epekto nito
13% 63%
C. Hindi
 Sa isandaang (100) respondent, siyamnapu’t apat (94) ang
nagsabing alam nila kung ano ang junk foods at masama ang
epekto nito sa kalusugan, isa (1) naman ang nagsabing alam niya
kung ano ang junkfoods at mabuti ang epekto nito sa kalusugan,
apat (4) naman ang nagsabing alam nila kung ano an junkfoods
pero hindi nila alam kung ano ang epekto nito, samantalang isa (1)
naman ang nagsabing hindi nito alam kung ano ang junk foods.

Grap 4
Kaalam ng Kabataan tungkol sa Junk Foods at
ang Epekto nito
4%
1%
1%
A. Oo, masama ito sa
katawan

B. Oo, mabuti ito sa

katawann

C. Oo, ngunit hindi

alam kung ano ang
epekto nito
D. Hindi

94%

Naghanda kami ng mga katanungan para sa animnapu’t

tatlo (63) na respondente na kumakain ng junk foods kahit alam na
masama nila ang masamang epekto ng junk foods kung ano ang
nalalaman nilang sakit na dulot ng pagkain ng junk foods.
Limampu’t dalawa (52) ang may alam sa sakit na Urinary Tract
Infection (UTI) bilang epekto ng pagkain ng junk foods. Pito (7) ang
nagsabing ng Diyabetes. Walang alam namang epekto ng junk
foods ang anim (6) na respondente. Tatlo (3) ang may alam sa
sakit Brain Cancer. Tatlo (3) naman ang may alam sa sakit na
hypertension. Samantalang isa (1) ang nagsabing anemia.

Grap 5
Kaalam ng Kabataan hinggil sa mga Sakit na
Dulot ng Pagkain ng Junk Foods

walang alam

Anemia

Hypertension

Diyabetes

Brain Cancer

Urinary Tract Infection (UTI)

0 10 20 30 40 50 60

Sa pitumpu’t dalawang (72) respondent na kumakain ng junk

foods, animnapu’t dalawa (66)ang nagsabing nai-engganyo sila
dahil masarap ang junk foods. Dalawa (6) naman ang nagsabing
dahil sa impluwensya sa kapaligiran. Samantalang dalawa (4)
naman ang nagsabing dahil sa naakikitang adbertisment sa
telebisyon.
 Grap 6
Rason kung Bakit Naeengganyong Kumain ng
Junk Foods

masarap
3%
8%

dahil sa nakikitang
adbertisment sa
telebisyon
impluwensya sa
kapaligiran

89%
dahil sa makukulay na
wrappers ng junk foods

Si Michael Jacobson ang siyang lumikha sa salitang “junk

foods” noong 1972 bilang palayaw sa mga pagkaing walang silbi o
walang nutrisyonal na halaga. Ang kanilang nilalaman ay mayaman
sa sodium salts, asukal at taba na nagbibigay ng mataas na
calories ngunit walang silbi sa katawan.
(http://www.dietpolicy.com/diets-articles/junk-food-facts.htm)

Hindi lahat ng junk foods ay parehas, ngunit ang mga

sangkap ng mga ito ay madalas na magkatulad. Karaniwan, ang
junk foods, maging ito man ay pritong pagkain, tsokolate, o kendi,
ay may mataas calories at naglalaman ng masyadong maraming
unhealthy nutrients. Ang mga unhealthy nutrients na ito ay ang mga
sumusunod: taba, saturated fat, sodium, asukal,high-fructose corn
syrup, trans-fat, at artipisyal na pampalasa. Kadalasan ng mga
nabanggit na nutrients ay kinakailangan ng katawan, ngunit
masyadong mataas ang konsintrasyon nito sa junkfoods kaya
nakakasama.(http://www.brighthub.com/health/diet-
nutrition/articles/102785.aspx#xzz1DE9q3fvx)

Ang mga junk foods ay masasarap. Hinahaluan kasi ito ng

mga artipisyal na pampalasa at mga food enhancers upang mas
kaaya-aya ang lasa nito. Isa ito sa mga dahilan kung kaya’t ito ay
kinahihiligan ng mga bata at pati na rin mga matatanda. Isa sa
kilalang food enhancer ay ang monosodium glutamate o MSG. Ito
ay ibinibenta sa mga tindahan sa iba’t-ibang brand at isa sa
pinakasikat ay ang Ajinomoto o Vetsin. Ang sobrang MSG ay
nakakasama sa katawan. Ito ay pwedeng magdulot ng kanser sa
utak at iba pang mga sakit. Ito ay nanunuot sa ating blood-brain
barrier at umaapekto sa normal na daloy ng dugo sa ating
hypothalamus. Ito ay isang organ ng endocrine system na
kumukontrol ng lahat ng neuroendocrine regulation, pagtulog, wake
cycles, emosyunal na control, regulasyon sa immune system at
calorie intake.

Sa katunayan,ito ay pupwedeng maging dahilan ng

haypertensyon, diyabetes, istrok, tumor sa utak, lupus, impeksyon
sa utak, Alzheimer’s disease at sclerosis.

Ang sobrang pagkain ng junk foods na mayaman sa fats ay

nakasisira sa esensyal na gawain ng utak tulad ng konsentrasyon
at memorya. Samantala, ang sobrang asukal at mataas na lebel ng
calories ay nagiging dahilan ng obesity o ang sobrang katabaan.
Maidaragdag din natin dito ang pagkakaroon ng type 2 na
diyabetes. Ang mga pagkain na ito ay nagdudulot din ng sakit sa
puso, istrok, high blood pressure, unti-unting pagkasira ng atay at
impeksyon sa kidney dahil sa mataas na lebel ng Cholesterol at
sobrang asin.
 Ayon kay Ms. Zenaida Batal-e ng Department of Health-
Cordillera Administrative Region o DOH-CAR, ang junk foods na
mayroong MSG, fats, asukal, at asin ay kaugnay ng maraming
sakit. Kabilang dito ang renal at urinary tract infection o UTI
sapagkat sinisipsip nito ang mga esensyal na tubig sa ating
katawan. Ang mga tao raw na palaging kumakain ng junk foods ay
sumisira sa kanyang kalusugan lalong-lalo na kapag hindi sila
umiinom ng sapat na tubig na kailangan ng ating katawan.

Napakalungkot isipin na ang mga bata ay ang pangunahing

biktima sapagkat sila ang target na konsyumer ng mga
manupaktsurer. Ang nutrisyon ng mga bata ay nakokompromiso
dahil sa pagkasali ng junk foods sa kanilang diyeta.

Maraming mga bansa ngayon ang masusing umaaksyon

upang matugunan ang problemang kinakaharap natin na hatid ng
junk foods.

Ang Department of Health (DOH) kasama ang Kagawaran

ng Edukasyon ay tumutugon sa problemang hatid ng masasamang
epekto ng junk foods. And DepEd ay nagsumite noong Abril taong
2005 ng Department Order No.14 na sisiguro na malulusog at ligtas
ang mga pagkain na ibinibenta sa mga paaralan. Nakasaad dito na
ang mga estudyante ay hihikayatin na bumili ng pagkain at inumin
sa kanilang school canteen lamang kung saan ang ibinibenta ay
dapat yaong mga pagkain na mayaman sa protina, mga bitamina,
at mga mineral.

Ayon kay Dr. Juliet Pontino ng DepEd-CAR, kapag

mayroong paaralang lalabag sa kautusang ito, ag mga
superintendent ng distrito at ang awtoridad ang aaksyon hinggil
dito. Idinagdag pa niya, na ang pagbabawal sa pagbenta ng junk
foods, ay isang hakbang tungo sa mas malinis at maunlad na
paaralan.

Wika ni Secretary Bart Caudang ng DepEd sa Autonomous

Region of Muslim Mindanao, ang kanyang ahensya ay makikipag-
tulungan kasama ang DOH at National Nutrition Council (NNC) sa
pagpapatibay sa mga parusa sa mga pampublikong paaralan kung
saan pinapahintulutan ang pagbibenta ng junk foods sa kanilang
kampus. “Quality Education among youth starts from proper
nutrition and health care”, wika ni Caudang habang inilulunsad ang
programang “Neo-Nutri Choice” noong Nobyembre.Sa ilalim ng
programang ito, ang mga sumaling pampublikong paaralan ng
ARMM ay hinihikayat na ipagbawal ang junk foods sa kanilang mga
kantin. “We are looking into replicating this program in other regions
of the country”, wika ni NNC Assistant Secretary Bernadita Flores.
 KABANATA V

LAGOM, KONKLUSYON, AT REKOMENDASYON

1. Lagom
Ang pag-aaral na ito ay naglalayong malaman ang
impormasyon tungkol sa masasamang epekto ng junk foods sa
kalusugan. Maraming rason kung bakit nakakaadik ang junk foods,
at isa na rito ang masarap nitong lasa.
Ang junk foods ay nagtataglay ng mga food additives,
enhancers at colourings na direktang nilalason ang katawan at
pinapahirapan ang organ ng detoxification at eliminasyon na
nagdudulot upang humina ito.
Gamit ang disenyong deskriptib-analitik, ang mga
mananaliksik ay nagdisenyo ng sarbey kwestyoner na pinasagutan
sa isandaang (100) respondente o sa mga mag-aaral sa Paaralang
Elementarya ng Doña Pilar, dalawampu’t lima (25) sa ikatlong
baiting, dalawampu’t lima (25) sa ikaapat na baiting, dalawampu’t
lima (25) sa iaklimang baiting, at dalawampu’t lima (25) sa ikaanim
na baitang.

2. Konklusyon
Batay sa inilad na datos at resulta ng sarbey, ang mga
mananliksik ay humantong sa mga sumusunod na kongklusyon:
1. Mas mataas ang porsyento ng kabataan na kumakain ng
junk food kahit alam nila na nanakasama ito.
2. Karamihan sa mga kabataan ang may alam kung ano ang
junk foods at masama ang epekto nito.
3. Karamihan sa kabataan ang alam na ang urinary tract
infection ay isang sakit na dulot ng junk foods.
 4. Ang pangunahing dahilan kung bakit nahihilig ang mga
kabataan sa junk foods ay ang masarap nitong lasa.
5. Ang junkfoods ay mga pagkain na may kakaunti o walang
nutrisyona na halaga.
6. Ang mga junkfoods ay halos magkaparehas ang
pangunahing sangkap, tulad ng food enhancers, additives
at food colourings na nagdudulot ng mga sakit.
5. Ang mga ahensya ng gobyerno at pribadiong sector tulad
ng Kagawaran ng Kalusugan, National Nutrition Center
(NCC) at Kagawaran ng Edukasyon ay gumagawa ng mga
hakbang upang malutas o lutasin ang mga problema sa
junkfoods isa na rin ang Department Order no. 4 na
nagsasabing bawal magbinta ng junkfoods sa mga
paaralan.

3. Rekomendasyon
Batay sa konklusyong nabanggit, buong
pagpapakumbabang inirerekomenda ng mga mananaliksik ang
mga sumusunod:

a)Para sa mga kabataan, dapat bawasan ang pagkain ng

junkfoods upang maiwasan angmga masasamang dulot
nito.
b)Para sa mga magulang, gabayan nila ang kanilang mga
anak at huwag pakainin ng maraming junkfoods dahil ito ay
nakakasama ng ating kalusugan.
c)Para sa mga Government Agencies gaya ng DOH,
magbigay ng mga impormasyon sa mga kabataan kung
ano ang magiging epekto kapag kumain ng junkfoods.
e)Para sa mga mag-aaral, ipalawak ang inyong kaalaman sa
pag-aaral at sundin ang mgapayo ng inyong mga guro
f)Para naman sa kapwa mananaliksik, ipagpatuloy ang
pangangalap ng mga impormasyon ukol sa mga epekto ng
pagkain ng junkfood.
 LISTAHAN NG MGA SANGGUNIAN

Alano, Ching. 2000. Junking the Junk Food Habit. Philippine Star.
pg. 25
Barnhart, Robert. 1995. World Book Dictionary. United States of
America. Field Enterprises Corporation.
http://www. Manilabulletin.com
http://www.dietpolicy.com/diets-articles/junk-food-facts.htm
http://www.brighthub.com/health/diet-
nutrition/articles/102785.aspx#xzz1DE9q3fvx
http://www.discover-yoga-online.com
http://www.nordis.net/?p=773
Mahal naming Respondente,

Maalab na Pagbati!
Kami po ay mga mag-aaral ng Filipino 33 na kasalukuyang nagsusulat ng
isang pamanahong-papel tungkol sa Pag-aaral sa Masamang Epekto ng Junk
Foods.
Kaugnay nito, inihanda namin ang kwestyoner na ito upang makakalap
ng mga datos na kailangan namin sa aming pananaliksik.
Kung gayon, mangyari po lamang na sagutan ng buong katapatan ang
mga sumusunod na aytem. Tinitiyak po naming kumpidensyal na impormasyon
ang inyong mga kasagutan.
Maraming salamat po!
- Mga Mananaliksik

Direksyon: Punan ng angkop na impormasyon ang mga kasunod na patlang.

Kung may pagpipilian, lagyan ng tsek ang kahon na tumutugma sa
inyong sagot.

1. Kasarian: __ Lalaki __ Babae

Edad: __ 8 __ 9 __ 10 __ 11 pataas

2. Alam mo ba kung ano ang junk foods?kung oo, ano ang epekto nito?
__ a. oo, masama ito sa katawan
__ b. oo, mabuti ito sa katawan
__ c. oo, ngunit hindi alam ang epekto nito
__ d. hindi

3. Kumakain ka ba ng junk foods?

__ a. oo, kahit alam ko na masama ang epekto nito
__ b. oo, pero hindi ko alam ang epekto nito
__ c. hindi

5. Kung titik a ang sagot mo, ano ang masasamang epekto ng junk foods na alam
mo?kung wala sa pagpipilian ang alam, ilagay na lamang sa patlang ang
nalalamang sakit.
__ Urinary Tract Infection (UTI)
__ Brain Cancer
__ Diyabetes
__ hypertension
__ Iba pa_____________________________
__ walang alam

6. Bakit ka naeengganyong kumain ng junk foods?

__ Masarap
__ dahil sa nakikitang adbertisment sa telebisyon
__ impluwensya sa kapaligiran (mga kaibigang nakikitang kumakain ng
junkfoods)
__ dahil sa makukulay na wrappers ng junk foods