1.

) Ang alokasyon ay isang pamamaraan kung saan ang pinagkukunang-yaman ay

naglalaan at namamahagi ng ibat ibang uri ng yamang lokal (salapi, tao, produkto,
likas na yaman, at iba pa) upang tugunana ang pangangailangan ng isang lugar na
nasasakupan. Ang alokasyon ay ginagawa upang tugunan ang kung anumang
pangangailangan o suliranin ng mga tao sa isa o higit pang lugar.

2.) Noon ang bawat tao ay may iba't-ibang uri at paraan ng pamumuhay. Ang bawat
isa ay nagsusumikap upang gumaan man lamang o umunlad ang kanilang buhay.
Subalit sa ngayon, dahil sa laki ng ating populasyon ay marami ng kakulangan sa
pagkain, edukasyon, tirahan at trabaho. Ito ay naging isang malaking dahilan kung
bakit mababa ang ating ekonomiya bukod pa sa mga isyung panlipunan at katiwalian
sa pamahalaan.

Ang mga panunahing tanong pang ekonomiya:

a.) Ano ang iyong magagawa bilang isang estudyante para umunlad ang ating
ekonomiya?

b.) Bakit hindi umuunlad ang ekonomiya ng ating bansa?

c.)Paano nakakaapekto ang pagbaba at pagtaas ng ekonomiya sa mga tao?

d.)Saan ba dapat magsimula ang mamayan o gobyerno para malutas ang isyung
pang-ekonomiya?

3.) Ang sistemang pang-ekonomiya ay isang uri ng pamamaraan na kinabibilangan ng

produksyon, pamamahagi at paggamit ng mga serbisyo o produkto sa pagitan ng
mga tao na sakop ng isang lipunan. ito ay ang mga pamamaraang ginagamit ng isang
partikular na bansa upang makalikha at makapamahagi ng mga serbisyo at
produktong makakatulong sa nakararami lalo na kung ito ay may kinalaman sa mga
pang-araw-araw na pangangailangan. Saklaw nito ang mga institusyon, estraktura at
mekanismo na siyang batayan sa paglikha upang makakalap ng mga angkop na
kasagutan sa mga pangunahing katanungan na pang-ekonomiya. Katulad ng mga
ibang sistemang ginagamit sa iba’t-ibang sitwasyon, mayroon rin itong iba’t-ibang
uri.
4.) Iba’t-ibang uri ng sistemang ekonokiya:

a.) Merkantilismo – sumikat ito noong 16th century sa Western Europe. Ito ang
sistemang namayaning pang-ekonomiyang kaisipan na gumagabay pagdating sa mga
patakaran ng napakaraming bansa sa buong daigdig nuong mga naunang panahon.
Nagbibigay ito ng mga kaisipang nagsusulong na ang kapangyarihan ng isang
partikular na bansa ay nakadepende sa dami ng suplay ng mga ginto at pilak. Noong
unang panahon, nakadepende ang pagkakaroon ng kapangyarihan at pamumuno ng
isang pinuno sa dami ng ginto at pilak na mayroon ang isang tao. Maraming bansa sa
Europa ang nagtuon ng pansin sa pagkolekta ng napakaraming ginto at pilak na
kanilang ginawa sa pamamagitan ng pananakop sa mga bansang mahihina.
Karagdagan nito, ang sistemang Merkantilismo ay isang sistemang pang-ekonomiya
na ang isang bansa ay uunlad sa pamamagitan ng pagpigil sa pag-angkat at
pagsuporta sa pag-export ng mga kalakal. Sapagkat, ang pangunahing layunin ng
Merkantilismo ay ang pagkakaroon ng isang balanseng pangangalakal na magdadala
ng ginto at pilak sa bansa at pagpapanatili ng tinatawag ng domestic employment.

b.) Komunismo – ito ay ipinatupad sa Russia noong 1927 ni Vladimir Ilich Lenin na
mas popular sa pangalang Lenin. Samantala, pinalaganap ang komunismo sa Tsina
noong 1949 sa pamumuno ni Mao Zedong na mas kilala sa tawag na Mao Tse-tung.
Ito ay isang uri ng sistema kung saan lumilikha ng makataong lipunan na hindi
tumitingin sa kaurian o estado. Ito ay may layunin na manindigan sa panlahatang
pagmamay-ari at sa matibay na prinsipyong “Galing sa bawat isa base sa kanyang
kakayahan, para sa bawat isa base sa kanyang mga pangangailangan.” Mahigpit na
ipinagbabawal sa sistemang ito ang pagmamay-ari ng mga pribadong industriya. Ang
mga aklat na isinulat nina Karl Marx at Freidrich Engels ang itinuring na bibliya ng
mga komunismo.

c.) Sosyalismo – sa sistemang sosyalismo, pag-aari ng pamahalaan ang mga

primyerang industriya o gawain gayundin ang mga gamit sa produksyon.
Pinapayagan rin sa sistemang ito ang mga tao ng magmay-ari ng mga maliliit na
negosyo ngunit mga uri ng negosyo na maari pa ring kontrolin ng pamahalaan.
Gayundin ang mga pribadong sektor na magmay-ari ng mga negosyo at pagkakaroon
ng mga pribadong pag-aari. Ang pangunahing layunin nito ay ang pagkakaroon ng
patas o magkakapantay-pantay na mga tao sa isang bansa. Ang pagkakamit ng
tinatag na “welfare state” ay isang daan upang maibigay ang mga pangangailangan
ng lahat ng tao. Ito rin ay masasabing pinaghalong ekonomiya dahil sa pagpapairal ng
“command” at “market “ na ekonomiya.
d.) Pasismo – sinimulan ito ni Benito Mussolini sa bansang Italya noong 1922.
Samantalang si Adolf Hitler naman ang nagpakilala nito sa Alemanya. Ito ay
makalumang pamamaraan ng pamumuno na pinangungunahan ng isang diktador na
mayroon namang absolutong kapangyarihan. Ito ay isang uri ng pinuno na may
istriktong paraan ng pamumuno at ang kanyang mga nasasakupan ay may tiyak na
disiplina. Isang magandang halimbawa ng isang diktador na may istriktong
pamumuno ay si Adolf Hitler. Ipinagbabawal sa sistemang ito ang pag-angkat ng
produkto galing sa ibang bansa. Samantala, ang mga tao ay walang karapatang
sumuway at magreklamo sa itinatadhana ng batas ng pamahalaan.

e.) Kolonyalismo – ito ay isang sistema ng ugnayan sa pagitan ng mga bansa sa buong
mundo kung saan sinasakop ng mga bansang malalakas ang mga bansang mahihina
upang direktang mapakinabangan. Ito ay isang uri ng sistema kung saan
makakaramdam ng panliliit ang mga mahihinang bansa at makakaramdam naman ng
sobrang kapangyarihan ang mga malalakas na mga bansa.

5.) Ang pagsasaayos ng badyet, mga kalakal at patutunguhan nito, pati oras ay
mabuting bigyan ng sapat na pagplaplano para maabot ang nais na resulta.
Kailangang maintindihan ang Kaugnayan ng alokasyon sa
kakapusan,pangangailangan, at kagustuhan.

Ang Alokasyon ay ang pagpapakalat ng anumang bagay maging ito man ay

kalakal o pera. Ito ay nagmumungkahi ng tamang pagpaparti. Kung paano ito
hahatiin ay nakasalalay sa prioridad ng nagsasagawa. Isang magandang halimbawa
ito ay ang pagsasaayos ng pera para sa mga gastusin sa bahay, karaniwang ginagamit
ang alokasyon para mapaghandaan ang pagbabayad ng mga pangunahing gastusin
ng pamilya tulad ng kuryente, tubig, pagkain at kung may mga nagaaral na anak,
mahalagang isama ito. Ang mga nasabing bayarin ay kasama sa mga
Pangangailangan. Matapos gawin ito, ikaw ay nakagawa ng isang badyet, dito ay
pinagtutuunan ang mga bagay na kailangan ng lahat. Isinasantabi muna ang mga
masasabing gastusing hindi importante gaya ng panonood ng sine, bagong damit at
marami pang bagay na maaaring nakapaloob sa kung tawagin ay kagustuhan lamang.
Bagamat ang mga ito ay nagbibigay saya sa atin, importante na sila ay ilagay sa
kahulihulihan ng listahan mga pagkakagastusan. Ang Kakapusan ay ang pagiging
hindi sapat ng isang bagay. Mahalaga na ito ay matugunan . At ang kakulangan sa
ibang bagay tulad ng kagustuhan ay maaaring maghintay.

Ang Kaugnayan ng alokasyon sa kakapusan,pangangailangan, at kagustuhan ay

magagamit sa maraming kalagayan tulad ng pagsasagawa ng mga proyekto ng
gubyerno, pagpapamahagi ng relief goods para sa mga nasalanta ng kalamidad at iba
pa. Ang tagumpay ng gawain ay nakasalalay sa pagsunod sa ginintuang patakaran
(golden rule) nito.