Ang Kagawaran ng Edukasyon sa Sangay ng Aklan ay may
adhikaing mapataas at mapaunlad ang kakayahan ng mag- aaral sa pagbasa. Dahil dito ay nagkaroon ng kolaboratibong pagsusulat ng mga kasanayan para sa Pagtatasa gamit ang Batayang Talasalitaan na binubuo ng 60 salita sa Unang Baitang at 108 salita sa Ikalawang Baitang na kumakatawan sa 80 bahagdan ng lahat ng mga babasahing pampaaralan. Ang mga ito ay magsisilbing panukat sa pagbasa.
HANGARIN
1. Matukoy ang bilang ng mga salita na di-mabasa sa unang
tingin pa lamang gamit ang Batayang Talasalitaan sa Panlunas na Pagbasa (Remedial Reading). 2. Malaman ang kakulangan at kahinaan sa pagkilala ng mga salita. 3. Makilala ang Antas ng Pagbasa sa kakayahang kumilala ng mga salitang angkop sa baitang na kinabibilangan. 4. Mapag-aralan, makapagplano, at makapagbigay ng nararapat na panlunas sa pangangailangan at kakayahan ng mag-aaral. 5. Magsisilbing Kagamitang Panukat sa kaalaman at kakayahang mabasa ang mga salita sa Panlunas na Pagbasa. INTERPRETASYON AT EBALWASYON
Para sa Unang Baitang
Ang mag-aaral na nakakuha ng iskor na 31 pataas ay
napabilang sa Unang Baitang na kakayahan sa pagbasa.
Ang mag-aaral na nakakuha ng iskor na 11-30 ay
napabilang sa Preschool na kakayahan sa pagbasa or Primer.
Ang mag-aaral na nakakuha ng iskor na 1-10 ay
napabilang sa Pre-primer na kakayahan sa pagbasa.
Ang mag-aaral na nakakuha ng 0 ay batang hindi-
makabasa
Para sa Ikalawang Baitang
Ang mag-aaral na nakakuha ng iskor na 61 pataas ay
napabilang sa Ikalawang Baitang na kakayahan sa Pagbasa.
Ang mag-aaral na nakakuha ng iskor na 31-60 ay
napabilang sa Unang Baitang na kakayahan sa pagbasa.
Ang mag-aaral na nakakuha ng iskor na 11-30 ay
napabilang sa Preschool na kakayahan sa pagbasa or Primer.
Ang mag-aaral na nakakuha ng iskor na 1-10 ay
napabilang sa Pre-primer na kakayahan sa pagbasa.
Ang mag-aaral na nakakuha ng 0 ay batang hindi-
makabasa.
Pagsasagawa ng Pagsusulit sa Pagbasa
A. Pangkatang Pakikinig-Paninging Pagsusulit
Ito ang unang pagtataya na ibibigay sa mga mag-aaral.
Para sa Unang Baitang
1. Ang gabay na gagamitin ng guro para rito ay ang Susi
sa Pagwawasto samantalang sa mga mag-aaral naman ay ang Batayang Talasalitaan sa Unang Baitang ang siyang magsisilbing sagutan papel nila.
2. Gamit ang Susi ng Pagwawasto, ididikta ng guro ang
mga salita na makikita sa Unang Pagsusulit mula bilang 1-20, bibilugan ng mag-aaral ang kanilang kasagutan pagkatapos naman nito ay ipapasagawa rin sa mga mag-aaral ang Ikalawa at Ikatlong Pagsusulit.
3. Kokolektahin ng guro ang mga sagutang papel. Siya rin
ang magwawasto para rito para makuha ang kabuuang tamang sagot ng mga mag-aaral.
4. Ang mag-aaral na makakakuha ng iskor na mababa sa
80 na bahagdan ang siyang bibigyan ng Isahang Pasalitang Pagbasa.
Para sa Ikalawang Baitang
1. Ang gabay na gagamitin ng guro para rito ay ang Susi
sa Pagwawasto samantalang sa mga mag-aaral naman ay ang Batayang Talasalitaan sa Ikalawang Baitang Set A na magsisilbing sagutan papel nila.
2. Gamit ang Susi ng Pagwawasto, ididikta ng guro ang
mga salita na makikita sa Unang Pagsusulit mula bilang 1-27, bibilugan ng mag-aaral ang kanilang kasagutan pagkatapos naman nito ay ipapasagawa rin sa mga mag-aaral ang Ikalawa, Ikatlo at Ikaapat na Pagsusulit.
3. Kokolektahin ng guro ang mga sagutang papel. Siya rin
ang magwawasto para rito para makuha ang kabuuang tamang sagot ng mga mag-aaral. 4. Ang mag-aaral na makakakuha ng iskor na mababa sa 80 na bahagdan ang siyang bibigyan ng Isahang Pasalitang Pagbasa.
B. Isahang Pasalitang Pagbasa
Para sa Unang Baitang
1. Ibibigay ito sa mga mag-aaral na nakakuha ng
kabuuang iskor na mababa sa 80 na bahagdan.
2. Isahang pagbasa ang pagsasagawa nito.
3. Gagamitin ng guro ang Batayang Talasalitaan para sa
Unang Baitang.
4. Para sa pagkuha ng lebel ng pagbasa ng mga mag-aaral
ay gamiting gabay ang alituntunin na mababasa sa interpretasyon at ebalwasyon.
Para sa Ikalawang Baitang
1. Ibibigay ito sa mga mag-aaral na nakakuha ng
kabuuang iskor na mababa sa 80 na bahagdan.
2. Isahang pagbasa ang pagsasagawa nito.
3. Gagamitin ng guro ang Batayang Talasalitaan para sa
Ikalawang Baitang na Set B.
4. Para sa pagkuha ng lebel ng pagbasa ng mga mag-aaral
ay gamiting gabay ang alituntunin na mababasa sa interpretasyon at ebalwasyon.