KABANATA 1

INTRODUKSYON

Panimula

Ang dormitoryo ay isang gusali na pansamantalang nagsisilbing ng tirahan para sa

mga mag-aaral na naninirahan ng malayo sa kanilang paaralan. Maraming mag-aaral

ang nagdedesisyon na magrenta na lamang sa mga dormitoryo o kaya naman ay sa

iilang mga boarding house upang mas mapadali ang kanilang pamumuhay sapagkat

hindi na nila kinakailangan pang bumyahe ng matagal na makakadagdag pa lamang sa

kanilang stress. Nais alamin ng mga mananaliksik ang mga posibleng maging epekto ng

paninirahan sa dormitory ng isang mag-aaral. Maraming posibleng maging epekto amg

paninirahan sa dormitoryo sa mga mag-aaral sapagkat sila ay maninirahan malayo sa

kanilang mga magulang. Ang desisyon rin na manirahan ng pansamantala sa isang

dormitoryo na kung saan ay malayo sa kanilang permanenteng tirahan ay mayroon rin

na epekto maging sa kanilang pamumuhay sa pang araw araw. Maaaring maging

positibo o negatibo ang epekto nito. Ang pananaliksik na ito ay nag base rin sa ibang

mga pag-aaral at ang sa ibang mga pag-aaral ay nalaman ng mga mananaliksik na ang

isa sa mga positibong epekto nito ay ang pagkakaroon nila ng kaalaman kung paano

mamuhay mag-isa. Dito ay makikita na ang mga mag-aaral ay mayroong kakayanan at

diskarte upang maging independent at matutong tumayo sa kanilang mga sariling paa.

Masasabi rin na ang mga mag-aaral na naninirahan sa dormitoryo ay mas nagkakaroon

ng motibasyon at inspirasyon na lalong sikapin ang kanilang pag-aaral sapagkat iniisip

nila ang kanilang mga magulang. Sa kabila ng mga positibong epekto ito, umuusbong pa

rin ang mga bagay na nakaiimpluwensya sa mga mag-aaral na naninirahan sa

dormitoryo katulad na lamang ng pagiging walang disiplina ng mga mag-aaral sa pag

gastos ng kanilang allowance at patuloy ang pagbili ng mga bagay na hindi

kinakailangan. Maaari rin na maimpluwensyahan ang mga mag-aaral ng kanilang mga

kasama sa dormitoryo. Halimbawa nito ay ang paglabas tuwing gabi para lamang

makisaya at makihalubilo sa iba’t ibang kabataan. Ang mga ibang pag-aaral ay

naglalahad rin ng mga paniwala na ang isang mag=aaral na nainirahan sa dormitoryo ay

mayroong mas kakayahan na ibalanse ang kaniyang oras kung sila ay magiging

disiplinado. Dagdg pa rito, ang bawat dormitoryo rin ay mayroong tagapamahala na

nagsisilbing tagapangalaga ng dormitoryo at nagbibigay rin ng mga alituntunin na daapt

sundin ng mga naninirahan sa nasabing dormitoryo.

Ang mga mananaliksik ay nais na malaman kung ano ang iba’t iba mga epekto ng

paninirahan sa dormitoryo at kung ano-ano ang nakakaimpluwensya sa mge epekto na

ito. Sa pananaliksik na ito, aalamin ang epekto sa mga mag-aaral ang paninirahan ng

malayo sa kanilang mga magulang at kung paano ba sila nakaka-adjust sa kanilang mga

bagong kapaligiran.
Paglalahad ng Suliranin

Ang pag-aaral na ito ay naglalayong alamin ang epekto sa mga mag-aaral ng

paninirahan sa dormitoryo. Masasagot din ng pag-aaral na ito ang mga sumusunod na

mga katanungan:

1. Ano-ano ang mga positibo at negatibong epekto ng paninirahan sa

dormitoryo?

2. Paano nagagawa ng isang mag-aaral ang kaniyang sariling mga responsibildad

at obligasyon sa kabila ng paninirahan ng malayo sa kanilang mga magulang?

3. Ano ang pagkakaiba ng paninirahan sa dormitoryo mula sa paninirahan sa

kanilang sariling tahanan?

4. Ano-ano ang mga epekto ng paninirahan sa dormitoryo sa relasyon nila sa

kanilang pamilya?

Saklaw at Limitasyon ng Pag-aaral

Ang pag-aaral na ito ay nakapokus lamang sa mga epekto ng paninirahan ng

mag-aaral sa dormitoryo. Hindi ninanais ng mga mananaliksik malaman ang iba pang

aspekto ng paninirahan sa dormitoryo bagama’t nais na mabatid at matulaksan kung

ano ang iba’t ibang epekto nito sa apekto ng pag-aaral, pakikisama, at maging ang mga

maaaring epekto nito sa relasyon nila sa kanilang pamilya.

Kahalagahan ng Pag-aaral

Sa mga mambabasa. Mahalaga ang pag-aaral na ito sa mga mambabasa upang

maunawaan nila at mabatid kung ano ang mga posibleng maging epekto ng paninirahan
sa dormitoryo sa mga mag-aaral.

Sa mga mag-aaral. Ang pag-aaral na ito ay mahalaga rin na malaman ng mga mag-aaral
upang mas malaman nila ang mga posibleng epekto kung sila ay maninirahan man sa
isang dormitoryo. Maaari rin na sila ay mapaisip kung ang mga epektong ito ba ay
katulad lamang ng mga nagiging epekto sa kanilang pamumuhay at pakikisama sa ibang
tao.

Sa mga magulang. Mahalaga ang pag-aaral na ito sa mga magulang upang kanilang
malaman kung ano ang mga nangyayaring epekto ng paninirahan sa dormitoryo ng
kanilang mga anak. Dito ay mapapaisip rin ang mga magulang kung tama ba ang
desisyon na payagan nila ang kanilang mga anak na manirahan sa dormitoryo.

Sa mga mananaliksik. Upang ang mga mananaliksik ay mabigyan ng kaalaman sa kung

ano nga ba ang mg maaaring epekto sa mag-aaral ng paninirahan sa dormitoryo.

Sa mga susunod na mananaliksik. Mahalaga ang pag-aaral na ito sa mga susunod na

mga mananaliksik upang maging batayan rin ito sa kanilang susunod na pananaliksik.

Kahulugan ng mga Terminolohiyang Ginamit

Dormitoryo. Ayon sa Merriam Webster Dictionary (2017), ang dormitoryo ay

isang gusali kung saan maraming higaan at maaaring matulugan ng mga tao. Sa pag-aaral

na ito, ang dormitoryo ay ang lugar kung saan ang mga mag-aaral ay pansamantalang

naninirahan para sa kanilang pag-aaral

 Independent. Ayon sa Merriam Webster Dictionary (2017), ang pribilehiyo ay ang

isang oportunidad sa paggawa ng isang bagay na nakakabuti para sa isang tao. Sa

pag-aaral na ito ang pribilehiyo ay tumutukoy sa ibinigay na oportunidad ng paaralan sa

mga iskolar na nakatira sa dormitoryo.

Allowance. Ayon sa Merriam Webster Dictionary (2017), ang allowance ay ang

kabuoan na pera na ibinibigay sa estudyante upang pambayad ng kanilang mga gastusin
o pambili ng kanilang mga pangangailangan

Stress. Ayon sa Merriam Webster Dictionary (2017), ang stress ay isang physikal,
mental o emosyonal na karamdaman ng isang tao sa kadahilanang ang katawan o
mental na isip ng tao ay nag kakaroon ng tensyon. Ang stress ay maaring makuha sa
kapaligiran o psychologikal or social na paraan.

Boarding House. Ayon sa Merriam Webster Dictionary (2017), ang boarding

house ay ang bahay na tinutuluyan ng mga estudyante ang bahay na ito ay nag
seserbisyo ng pagkain at tulugan para sa mga estudyanteng nagbabayad upang tumuloy
sa tahanang ito. Ang pagtira dito ay pwedeng tumagal ng isang buwan o higit pa.

Inspirasyon. Ayon sa Merriam Webster Dictionary (2017), ang inspirasyon ay ang

pakiramdam na nag bibigay sayo ng sigla na pwedeng makuha sa isang tao o sa isang
bagay ito ay magbibigay sayo ng makabagong ideya. Ang inspirasyon ay pwede ring
magbigay sayo ng determinasyon na gawin ang isang bagay.

Alituntunin. Ayon sa Merriam Webster Dictionary (2017), ang alituntuninn ay

ang isang pahayag na nagsasabi kung ano-ano ang mga bagay ang dapat at hindi dapat

gawin. Sa pag-aaral na ito ang alituntunin ay tumutukoy sa mga patakaran sa loob ng

dormitoroyo.
 Tagapamahala. Ayon sa Merriam Webster Dictionary (2017), ang tagapamahala

ay isang tao na nangangasiwa o taga-bantay sa isang trabaho, tungkulin, o kagawaran. Sa

pag-aaral na ito ang tagapamahala ay tumutukoy sa mga dorm manager na tagabantay sa

mga nannirahn sa dormitoryo.

Curfew. Ang curfew ay nangangahulugan na nakatakdang oras sa isang gusali o

lugar na dapat sundin sapagkat ang lumabag rito ay hindi na maaari pang makapsok sa

nasabing gusali o lugar. Sa pag-aaral na ito, ang kahulugan ng curfew ay ang oras na

binigay ng tagapamahala ng dormitoryo upang masanay ang mga mag-aaral na maging

disiplinado.

TALASANGGUNIAN

Oxford Dictionary (2017). Dormitory – Definition of Dormitory in English. Oxford

Dictionaries. Nakuha noong November 4, 2017 from
www.en.oxforddictionaries.com/definition/dormitory

Skerlecz, P. (2019) Health Related Behaviours of Secondary Students Living in Dormitory

in Hungary, European Journal of Public Health, Volume 29, Issue Supplement 4.
Nakuha noong Nobyembre 2019
https://doi.org/10.1093/eurpub/ckz186.136

de Araujo, P. and Murray, J. (2010). Estimating the Effects of Dormitory Living on

Student Performance. Nakuha sa
SSRN: https://ssrn.com/abstract=1555892 o http://dx.doi.org/10.2139/ssrn.1
555892

Frost S. (2007). Disadvantages to Staying in Dorms. Seattlepi. Nakuha noong November

4,2017 from
education.seattlepi.com/disadvantages-to-staying-in-dorms-2614.html/

Oxford Dictionary (2016). House – Definition of House in English. Oxford

Dictionaries. Nakuha noong November 2016 from
 www.en.oxforddictionaries.com/definition/dormitory

Oxford Dictionary (2017). Inspiration – Definition of Inspiration in English. Oxford

Dictionaries. Nakuha noong 2017 from
www.en.oxforddictionaries.com/definition/dormitory

Oxford Dictionary (2017). Stress – Definition of Stress in English. Oxford

Dictionaries. Nakuha noong 2017 from
www.en.oxforddictionaries.com/definition/dormitory

Oxford Dictionary (2017). Allowance– Definition of Allowance in English. Oxford

Dictionaries. Nakuha noong 2017 from
www.en.oxforddictionaries.com/definition/dormitory

Oxford Dictionary (2017). Independent – Definition of Independent in English. Oxford

Dictionaries. Nakuha noong 2017 from
www.en.oxforddictionaries.com/definition/dormitory