BANGHAY ARALIN SA EPP5–Agrikulultura

PETSA : Oktubre 17, 2018 Miyerkules

ORAS : 1:30– 2:20 PM
SEKSYON : Vela

I. Layunin
1. Natutukoy ang mga karagdagang kaalaman sa pag-aalaga ng hayop
2. Naiibahagi ang kaalaman sa pag-aalaga ng hayop sa talakayan
3. Naipapakita ang pagpapahalaga sa mga alagang hayop

II. Paksang Aralin

A. Aralin 10: Pag-aalagang Hayop ( Mga Karagdagang Kaalaman Sa Pag-aalaga Ng Hayop)

B. Mga kagamitan: projector, Powerpoint presentation, strips of cartolina
(https://lrmds.deped.gov.ph/list/kto12/subject/1394), CGp.20
C. Sanggunian: Edukasyong Pantahanan at Pangkabuhayan 5 (p.88-89)
Code: EPP5AG-0e-11
Patnubay ng guro p.18-20
D. Pagpapahalaga: Pagmamahal at Pagpapahalaga sa mga Hayop

III. Mga Proseso sa Pagkatuto

A. Balik-aral
Magbigay ng 2-5 mahahalagang pangagailangan sa pag-aalaga ng manok, pugo at
kalapati.
- pagkain - tagapag-alaga ng hayop -pera
- kulungan - lugar ng titirahan

B. Pagganyak
Mag pakita ng larawan ng may iba’t ibang hayop

Ano ang inyong nakikitasa larawan?

- Mga iba’t ibang hayop ( manok, kabayo,, kambing, bibe/pato, aso, pusa, baboy, at
baka)
- May mga bata na may hawak na timba at kalaykay
- May bahay, puno, halaman, at traktor.

Ano ang ginagawa ng mga bata sa mga hayop?

- Inaalagaan ng mga bata ang mga hayop.
- Pinapakain ang mga hayop.
- Ang bata ay nagpapakain ng hayop..
- Ang batang lalaki ay may dalang damo na pagkain ng kabayo.
 Bakit inaalagaan ng mga bata ang mga hayop?
- Para hindi sila mamatay.
- Para maging malusog ang mga hayop.
- Para hindi magutom ang mga hayop
Mahalaga ba na alam natin ang mga bagay kung paano mag-alaga ng hayop? Bakit?
- Opo dahil kung hindi natin alam, mamamatay sila o magkakasakit.
May iba pa ba kayong kaalaman sa pag-aalaga ng hayop? Magbigay nga kayo ng mga halimbawa.
- Meron po.
- Pagbigay ng pagkain
- Kulungan ng hayop
- Magpatingin sa beterinaryo.
Magaling! Ngayon ating basahin ang ipapakita ko sa powerpoint para malaman natin kung tama at
ano pa ba ang dapat nating malaman.

C. Paglalahad
Mga Karagdagang Kaalaman Sa Pag-aalaga Ng Hayop
1. Bigyan ng sapat na liwanag at bentilasyon – ang sapat na bentilasyon ay nagbibigay ng
oxygen sa hayop. Ang kakulangan ng oxygen ay maaring maging sanhi ng panghihina at
madaling dapuan ng sakit.
2. Maaliwas na Lugar – Iwasan ang pagsisiksikan ng alagang hayop sa kulungan dahil ito
ay magiging sanhi ng pagkamatay ng hayop. Hindi rin maganda ang paglaki nito.
3. Tamang Paraan ng Pagpapakain– ang pagbibigay ng sapat at tamang pagkain para sa
alagang hayop ay makakabuti para sa magaandang produksyon. Ang pagkain na
ibinibigay para sa hayop ay dapat naayon sa edad ng mga ito. Ikonsulta sa beterinaryo
ang mga hayop upang mabigyan ng sapat na pag-aalaga.
4. Kalinisan at Kaayusan– ang pagpapanatiling tuyo at malinis ang kulungan ay nakabubuti
para maiwasan ang pagkakaroon ng parasite o iba pang peste na nagdudulot ng iba’t
ibang sakit.
5. Kapaligiran– maging alerto sa pabag-bagong klima o panahon. Dapat ay may
alternatibong gagawin sa bawat uri ng panahon.
6. Maglagay ng maraming pakainan o painuman para sa mga alagang hayop.
7. Pabakunahan ang mga alagang hayop laban sa peste at sakit.
8. Ihiwalay ang mga alagang may sakit upang hindi mahawa ang mga malulusog na
hayop.

D. Pagpapalalim
Bakit mahalagang isaalang-alang ang mga karagdagang kaalaman sa pagaalaga ng
hayop?
- para mas maalagaan ng mabuti ang mga ito.
- para hindi sila magkasakit
- para maiwasan magkasakit ang mga alagang hayop
- para maibigay ang kanilang pangangailangan
- para hindi maging mabaho ang kapaligiran

E. Paglalahat
May mga karagdagang kaalaman sa pag-aalaga ng hayop. Isa-isahin ulit natin ang mga ito
gamit ang mga papel
1. Bigyan ng sapat na liwanag at bentilasyon
2. Maaliwas na Lugar
3. Tamang Paraan ng Pagpapakain
4. Kalinisan at Kaayusan
5. Kapaligiran
6. Maglagay ng maraming pakainan o painuman para sa mga alagang hayop.
7. Pabakunahan ang mga alagang hayop laban sa peste at sakit.
 8. Ihiwalay ang mga alagang may sakit upang hindi mahawa ang mga malulusog na
hayop.

F. Paglalapat
Tayo ay Maglaro (Pangkatang Gawain)
Panuto : Hanapin ang tamang sagot at hawakan lamang papel. Unahan sa
pagtayo ng miyembrong sasagot para sa puntos.
1. Eto ay tumutukoy sa pagiging alerto sa pabago-bagong klima o panahon. Dapat ay
may alternatibong gagawin sa bawat uri ng panahon. (kapaligiran)
2. Ikonsulta sa beterinaryo ang mga hayop upang mabigyan ng tamang pagkain na
naayon sa edad nito. (Tamang paraan ng pagpapakain )
3. Ang kakulangan ng oxygen ay maaring maging sanhi ng panghihina at madaling
dapuan ng sakit. ( Bigyan ng sapat na liwanag at bentilasyon)
4. Iwasan ang pagsisiksikan ng mga alagang hayop sa kulungan dahil ito ay ang
magiging sanhi ng pagkamatay ng hayop at hindi magandang paglaki nito.
(Maaliwalas na lugar)
5. Tuyo at malinis na kulungan ay nakabubuti para maiwasan ang pagkakaroon ng
parasite o iba pang peste na nagdudulot ng iba’tibang sakit. (Kalinisan at Kaayusan)
6. Ano ang dapat gawin upang hindi mahawa ang mga malulusog na hayop? (Ihiwalay
ang may sakit na hayop)
7. Ano ang dapat gawin upang ang alagang hayop ay may laban sa peste at sakit?
(Pabakunahan)
8. Maglagay ng maraming _____________ at ____________ para sa mga alagang
hayop. (Pakainan at Painuman)

G. Pormatib na Pagtataya

Isulat sa patlang ang TAMA kung ang isinasaad ay naayon at MALI kung hindi.

______ 1.Ang kakulangan sa oxygen sa mga alagang hayop ay sanhi ng panghihina at

madaling dapuan ng sakit.
______2.Magdesisyon na lamang kung ano ang nais ipakain sa mga alagang hayop.
______3.Pabakunahan ang mga alagang hayop laban sa peste o sakit.
______4.Ang pagkakaroon ng maaliwalas na lugar para sa alagang hayop ay sanhi ng
pagkamatay nito.
______5.Pagsama-samahin ang mga alagang hayop kahit may sakit na ang iba.

H. Panlunas / Pagpapahusay sa Gawain

Gumupit ng larawan ng inyong alagang hayop at idikit ito sa kwaderno. Gumawa ng
dyornal. Ipaloob ditto ang pangalan ng hayop.Isulat ditto ang kanilang paraan sa pag-aalaga
ng kanilang alagang hayop.

IV. Pagninilay
Ang pagkakaroon ng kaalaman at kasanayan sa pag-aalaga ng hayop ay nakakatulong upang
mapanatiling malusog ang ating mga alaga.

Ipinasa ni:

Genevieve D. Racho
EPP Teacher