MISTERYO SA KALUWASAN

Awit sa Pagpangalawat – Kwaresma

Narcisa Fernandez

Hain man ang kahingpitan? Hain man ang kaluwasan?

Dili ba sa krus ni Kristo, ang atong Ginoo. Kay namulong
ang manunubos: Ang buot musunod kanako, kinahanglan
magapas-an sa iyang krus, ang kaluwasan.
Kon ang tawo makasala man, di ba naa si Kristo kaniya,
si Kristo nga nagapas-an sa kasal-anan natong tanan.
Ah!
Ang dagway ni Kristong tinamay naa sa matag usa
kanato; Kay ang iyang dugo mo’y bayad sa tagsa-tagsa ka
binuhat.
Ang tawo sa Dios larawan kay siya sa ingon gibuhat
man. Apan labaw pa niana naa si Kristo nag-antus sa
tanan. Ah!
Kon lisud ang paghigugma, kon lisud ang pagpasaylo,
hinumdumi sa Hesukristo nga nagpasakit natong tanan.

KORO: Busa, atong alagaran ang atong mga silingan. Sa

pagtoong kristohanon makit-an ang kamatuoran. Ang
buhat sa mga Santos sa pagsilbi’g pagmahal, ang atong
gabayan sa dalan sa kaluwasan.
 PANAHON NA
Katapusang Awit – Kwaresma
Narcisa Fernandez

I- Panahon na! Tumanon ta ang mga damgo,

ang pagabuhaton lamdagan sa Ginoo.
Panahon na! Bag-ohon ta ang kinabuhi, sa
kaigsoonan ang pagtamud sa pagbati.

Koro:

Ayaw usiki ang panahon, ang matag takna

bulawanon; Paningkamotan ta ang paglakaw sa
katarong.

II- Panahon na! Wagtangon ta ang mga bisyo,

ang matinud-anon lamdagan sa Ginoo.
Panahon na! Tul-iron ta ang kadalanan,
ang kaigsoonan tultulan sa kagawasan
(KORO)
 UNSAY IGASA
Awit sa Paghalad – Kwaresma
Narcisa Fernandez

I- Unsay igasa ko kanimo?

Tungod sa imong kaayo.
Giluwas mo ako gikan sa sala
ug kanunay imong gipakita sa
kaayo nga wa’y sukod

II- Unsaon ko karon pagbalos

kanimo niining tanan? Giluwas
mo ako gikan sa sala ug
kanunay imong gipakita sa
kaayo ng wa’y sukod.
 HAGIT SA EBANGHELYO
Awit sa Pagpangalawat – Kwaresma
Narcisa Fernandez

I- Ang hagit sa ebanghelyo alang kanato

higugmaon ta ang atong isigkatawo. Apan kon
tinud-on ta ang pagserbisyo, musubay ta’g
kalbaryo sama sa atong Ginoo.

KORO: Dili sayon ang pagsunod kang Kristo,

daghang tunok ang dalan nga agian mo, bug-at ang
krus nga pas-anon mo ug kamatayon naa naghulat.

II- Si Kristo mismo nag-ingon sa mga tinun-an;

Pagbantay kay panakpon kamo’g biaybiayon.
Prisohon kamo ug ilhong mga tampalasan ug ang
naa sa gahum hukman kamo’g silutan (KORO)
III- Bulahan ang Gilutos tungod sa ilang tinoohan.
Bulahan ang gidaug-daug ug gibugalbugalan,
bulahan ang mobarog alang sa katarungan.
Magmalipayon sila, ila ang gingharian. (KORO)
 GUGMA
Awit sa Pagpangalawat – Kwaresma
Narcisa Fernandez

Gugma ang naghagit kanamo (kanako) sa

paghalad sa among (kanako) kinabuhi.
Gugma ang nagdasig kanamo sa pagsalig
kanimo O Ginoo.

KORO: Ikaw ra ang bugtong paglaum,

kahayag sa taknang madulom, ug kami
(ako) magpadayon Ginoo sa pagsilbi
kanimo sa pagtoo. Kay kami (ako)
modangop kanimo sa kasakit ug kalipay
hangtod sa ikamatay.
 GUGMA’G PAGLAUM
Awit sa Pagpangalawat – Kwaresma
Narcisa Fernandez

I- Ayaw’g wad-a ang paglaum bisan tuod sa mga

kadag-om; kay luyo sa mga panganod, nagasidlak
ang adlaw. Huptan ta ang kalig-on, ang kalig-on
sa pagtoo. O Gugmang wa’y kahadlokan, O
gugmang hilabihan.
KORO: Kon atong palandongon ang mga nangaging
panahon, kaguol man kon kalipay, ang tanan ay
lumalabay. Pagkanindot nga mabuhi, nga adunay
ginamithi, kinabuhing hinalad, gugmang way
paglubad.
II- Ayaw’g wad-a ang kadasig bisan tuod sa mga
kasakit. Kon Aduna may kangitngit, may bitoon
ang Langit. Huptan ta ang kalig-on, ang kalig-on
sa pagtoo. O Gugmang wa’y kahadlokan, O
gugmang hilabihan.
 ANG TAWAG SA PANAHON
Pasiuna / Katapusang Awit – Kwaresma
Narcisa Fernandez

KORO: Paminawon nato karon ang

tawag sa panahon, ug ablihan ta ang atong
mga mata ang matarong buhaton ta.

I- Panahon na sa Pagbag-o, panahon na

sa buhing pagtoo. Panahon na sa
pakighusay, pakig-uli pagpasaylo.
(KORO)
II- Ang nag-antus sa kawad-on,
nagpaabot sa atong pag-unong.
Angayan tang paninguhaon,
kauswagan nga tawhanon. (KORO)
 KAMING MAKASASALA
Pasiuna / Katapusang Awit – Kwaresma
Narcisa Fernandez

I- Kaming mga makasasala, nagalakat ngadto sa

kinabuhing tunhay, nagakaluya sa kadalanan,
naga-antus sa mga kasakitan. Nagapangita’g
kahayag, nagapangitag kapahulayan, kay halayo
sa ginadamgo nga langitnong pinuy-anan.
KORO: Ginoo tigoma kami a hiniusang gugma
ikaw ang maloloy-ong Amahan. Luwasa kami sa
mga kasal-anan ug mga katalagman, himoa nga si
Kristo ang hinungdan sa among kapasayloan.
II- Kaming mga makasasala nagalakat ngadto sa
kinabuhing tunhay, puno sa mga kasaypanan sa
kakulang sa gugma sa katawhan. Nangita ug
kagawasan, nagkinahanglan ug kaluwasan kay
halayo sa ginadamgo nga langitnong pinuy-anan.
(KORO)
 TUN-I KAMI
Katapusang Awit – Kwaresma
Narcisa Fernandez

Tun-i kami Ginoo sa pagsunod

kanimo, sa pagsubay sa dalan
ang dalan sa kaluwasan.
Tun-i kami Ginoo sa pagsunod
sa lakang mo. Mga tunob sa
hawan, timaan sa kagawasan.
Tun-i kami Ginoo sa pagpugong
ug pagpasaylo. Sa pagpadayag
sa matuod, kon angay ug among
katungod.
CODA: Tun-i kami, tun-i kami
Ginoo.