Banghay-Aralin sa Filipino IV

Wika

I- Layunin:

1. Nakakikilala ng iba’t ibang uri ng pangungusap.

2. Nakapag-uuri ng mga pangungusap ayon sa gamit at kayarian nito.
3. Nakagagamit ng mga iba’t ibang bantas.

II- Paksang-Aralin:

Paksa: Pagkilala sa iba’t ibang uri ng pangungusap

Sanggunian: Hiyas sa Filipino IV p.10-13,16
CG p. 64 F4WG- IVb-e-13.2
Kagamitan: plaskard,tsart

III- Pamamaraan

A. Panimulang Gawain

B. Balik-Aral

Magtanong ang Guro tungkol sa kwentong napakinggan

Sino ang babaeng huwaran noon?

Kailan siya ipinanganak?
Saan siya nag-aaral?

C. Paglalahad

Sa umagang ito tatalakayin natin ang tungkol sa iba’t ibang uri ng

pangungusap

1. Pamantayan

D. Pagtatalakay

Ang pangungusap ay lipon ng mga salita na buo ang diwa.

Binubuo ito ng simuno at panag-uri.

Ang mga ito ay:

1. Pasalaysay- pangungusap na naglalahad ng isang katotohanang bagay o
Nagsasalaysay. Nagtatapos ito sa tuldok.(.)

Hal. Si Ana ay tumatakbo.

2. Pautos - Pangungusap na nag-uutos at nagtatapos sa tuldok (.)

Hal. Magdilig ka ng halaman.

3. Paki-usap- pangungusap na maaring nagsasaad ng paghingi ng pabor.

Ginagamitan ng magagalang na salita upang maki-usap. Maaring
nagtatapos sa tuldok o tandang pananong(. ?)

Hal. Maari ba akong humiram ng lapis?

4. Patanong –Pangungusap na naghahanap ng kasagutan at nagtatapos sa tandang

pananong.(?)

Hal. Nasaan na ba ang aking kuya?

5. Padamdam- pangungusapna nagpapahayag ng matinding damdamin.

Maaring pagkatuwa,pagkabigla,pagkatakot o pagkalungkot.Nagtatapos sa
tandang padamdam.(!)

Hal. Naku! Ang daming insekto!

E. Paglalahat

Ano ang pangungusap?

Ilan ang mga uri ng pangungusap ayon sa gamit at Anu-ano ang mga ito?

Anong pangungusap ang nagtatapos sa tandang pananong?

Anong pangungusap ang nagtatapos sa tandang padamdam?

Anong bantas naman ang maaring gamitin sa pasalaysay,pautos at pakiusap?

 F. Pangkatang Gawain

Pangkat 1
Tukuyin kung anong uri na pangungusap ang nasa tsart at lagyan ng
Bantas.

Pangkat 2
Ipaskil ang mga pangungusap ayon sa gamit nito at lagyan rin ng bantas

IV- Pagtataya
Isulat sa patlang ang uri ng pangungusap. Gamitin ang mga sumusunod na titik PS
(Pasalaysay),PT (Patanong), PD (Padamdam), PU (pautos) at PK (Pakiusap).

_____1. Aray, ang sakit!

_____ 2. May kumagat ba sa iyo?
_____ 3. Kinagat yata ako ng langgam.
_____ 4.Pakisabi po sa akin kung may nakita kayong lapis.
______5. Mag igib ka ng tubig.

V- Takdang-Aralin

Sumulat sa iyong kwaderno ng tig-dalawang pangungusap na Pasalaysay, Pakiusap,

patanong, Pautos at Padamdam.

Inihanda ni :

Gemma C. Restauro
Teacher-1