Pagdiriwang ng Eukaristiya ng Kasal

INTRODUKSYON
Wedding Coordinator: (introductory message/
announcement)

ENTOURAGE (Ang Wedding Coordinator ay patutugtugin ang

“Marry Me”)

THE BRIDAL MARCH (Ang Wedding Coordinator ay

patutugtugin ang “Can’t help falling in love”)

PANIMULANG RITWAL

Komentarista (Janine Sagala): Magsi-tayo po ang lahat.

PARI: Sa ngalan ng Ama, at ng Anak, at ng Espiritu

Santo.

Lahat: Amen.

PARI: Ang pagpapala ng ating Panginoong

Hesukristo, ang pag-ibig ng Diyos Ama, at ang
pakikipagkaisa ng Espiritu Santo nawa’y
sumainyong lahat.

Lahat: At sumaiyo rin.

PARI: Mga kaibigan, natitipon tayo rito ngayon upang

ipagdiwang ang Banal na Eukaristiya at upang
saksihan ang pag-iisang dibdib ng ating mga
kaibigan na sina Joko at Mahjalin. Tiyakin
natin sa kanila ang ating panalangin at tulong
sa pagpapasimula nila ng buhay bilang mag-
asawa. At bago natin pasimulan ang ating
Banal na Pagdiriwang, saglit tayong manahimik
upang alalahanin na bahagi ng ating buhay ang

[1 ]
 pag-ibig, at humingi tayo ng tawad para sa mga
pagkukulang natin sa pagmamahal.

(sandaling katahimikan)

Lahat: Inaamin ko sa makapangyarihang Diyos at sa

inyo, mga kapatid, na lubha akong nagkasala sa
isip, sa salita at sa gawa, at sa aking
pagkukulang. Kaya isinasamo ko sa Mahal na
Birheng Maria, sa lahat ng mga anghel at mga
banal at sa inyo mga kapatid, na ako’y
ipanalangin sa Panginoong ating Diyos.

PARI: Kaawaan tayo ng makapangyarihang Diyos,

patawarin tayo sa ating mga kasalanan at
patnubayan tayo ssa buhay na walang hanggan.

Lahat: Amen.

PARI: Panginoon, kaawaan mo kami.

Lahat: Panginoon, kaawaan mo kami.

PARI: Kristo, kaawaan mo kami.

Lahat: Kristo, kaawaan mo kami.

PARI: Panginoon, kaawaan mo kami.

Lahat: Panginoon, kaawaan mo kami.

PARI: Manalangin tayo

Ama naming makapangyarihan, iyong itinalaga na ang
pag-iisang dibdib ay maging sagisag ng pag-ibig ni Kristo
sa kanyang banal na Sambayanan. Sa pinagdurugtong na
buhay nina Joko at Mahjalin na ngayo’y umaako sa banal
na tipan ng kasal, nawa’y mangibabaw ang ipinahahayag
[2 ]
nilang pagmamahalan sa pamamagitan ni Hesukristo
kasama ng Espiritu Santo magpasawalang hanggan.

Lahat: Amen.

Komentarista (Janine Sagala): Magsi-upo po tayo para

sa Liturhiya ng salita ng Diyos.

Liturhiya ng Salita ng Diyos

UNANG PAGBASA
Taga-Basa (Jan Marie Satos): Pagbasa mula sa aklat ng
Genesis 2:18-24
Matapos gawin ang lahat ng ito, sinabi ni Yahweh,
"Hindi mainam na mag-isa ang tao; bibigyan ko siya ng
makakasama at makakatulong." Kaya, lumikha siya ng
mga hayop sa parang at ibon sa himpapawid, inilapit sa
tao, at ipinaubaya dito ang pagbibigay ng pangalan sa mga
iyon. Kung ano ang kanyang itawag, iyon ang magiging
pangalan nila. Ang tao nga ang nagbigay ng pangalan sa
lahat ng ibon at mga hayop, maging maamo o mailap.
Ngunit wala isa man sa mga ito ang angkop na kasama at
katulong niya.
Kaya't pinatulog ni Yahweh ang tao. Samantalang
nahihimbing, kinuha niya ang isang tadyang nito at
pinaghilom ang laman sa tapat niyon. Ang tadyang na
iyo'y ginawa niyang isang babae, at inilapit sa lalaki.
Sinabi ng lalaki, "Sa wakas, narito ang isang tulad ko,
laman ng aking laman, buto ng aking buto; Babae ang
siyang itatawag sa kanya, Sapagkat sa lalaki nagmula
siya." Ito ang dahilan kaya iniiwan ng lalaki ang kanyang
ama at ina upang sumama sa kanyang asawa, sapagkat
sila'y nagiging iisa.
Ang Salita ng Diyos.

Lahat: Salamat sa Diyos.

[3 ]
SALMONG TUGUNAN

Taga-Basa (Yanah Bernales): Tugon: SI YAHWEH AY

NAGHAHARI, MAGALAK ANG BUONG
MUNDO!
Taga-Basa (Yanah Bernales): Si Yahweh ay naghahari,
magalak ang buong mundo! Magsaya nama't
magdiwang, lahat kayong mga pulo! Ang
paligid niya'y ulap na puno ng
kadiliman, kaharian niya'y matuwid at
salig sa katarungan.

Lahat: SI YAHWEH AY NAGHAHARI, MAGALAK ANG

BUONG MUNDO!

Taga-Basa (Yanah Bernales): Itong mga kabundukan ay

madaling nalulusaw, sa presensya ni Yahweh,
Diyos ng sandaigdigan. Sa langit ay nahahayag
nga ang kanyang katuwiran, sa lupa ay
makikita ang kanyang kadakilaan.

Lahat: SI YAHWEH AY NAGHAHARI, MAGALAK ANG

BUONG MUNDO!

Taga-Basa (Yanah Bernales): Sa tapat ang pamumuhay

ay sisinag ang liwayway, sa dalisay namang
puso maghahari’y kagalakan. Kayong mga
matuwid, kay Yahweh ay magalak, sa
banal niyang pangalan kayo’y magpasalamat.

Lahat: SI YAHWEH AY NAGHAHARI, MAGALAK ANG

BUONG MUNDO!

(Ang Wedding Coordinator ay patutugtugin ang

“Aleluya, Wikain mo”)

[4 ]
MABUTING BALITA

Komentarista (Janine Sagala): Tumayo po ang lahat

para sa Mabuting Balita

PARI: Sumainyo ang Panginoon.

Lahat: At sumainyo rin.

PARI: Ang Mabuting Balita ng Panginoon ayon kay

San Juan 15:9-12

Lahat: Papuri sa Iyo, Panginoon.

PARI: Kung paanong inibig ako ng Ama, gayon din

naman, iniibig ko kayo; manatili kayo sa aking
pag-ibig. Kung tinutupad ninyo ang aking mga
utos, mananatili kayo sa aking pag-ibig. Tulad
ko, tinutupad ko ang mga utos ng aking Ama at
ako'y nananatili sa kanyang pag-ibig.

Sinasabi ko sa inyo ang mga bagay na ito upang

makahati kayo sa kagalakan ko at malubos ang
inyong kagalakan. Ito ang aking utos: mag-
ibigan kayo gaya ng pag-ibig ko sa inyo.

Ang Mabuting Balita ng Panginoon.

Lahat: Pinupuri ka namin, Panginoong Hesukristo.

Komentarista (Janine Sagala): Magsi-upo po ang lahat

at makinig sa Homiliya.

Homiliya

[5 ]
RITU NG KASAL

PAGSISINDI NG KANDILA

Komentarista (Janine Sagala): Magsitayo ang ikakasal,

ninong at ninang. Hinihiling sina Jio Tañag at
Mary Joy Garcia na sindihan ang mga kandila.
Ang liwanag ay sagisag ng pagpapatnubay ng
Panginoon sa pagsasama nina Joko at
Mahjalin. Nawa'y sumikat sa kanila ang
liwanag ni Kristo na lagi nilang madama ang
kabutihan at kagandahan ng isa't isa. Sa oras
ng kadiliman at pagsubok, ang liwanag na ito
ay magsilbing gabay sa pagtahak nila ng daan
tungo sa katotohanan at pag-asa.

PARI: Minamahal na Joko at Mahjalin naririto kayo

ngayon upang pagtibayin ang inyong
pagmamahalan sa isang buklod na walang
katapusan sa harap ng Santa Iglesya. Tinitiyak
ko sa inyo na kayo’y ipagdarasal ngating
bayan upang basbasang masagana ng Diyos ang
inyong pagmamahalan at tulungan kayong
makatupad sa mga pananagutanng buhay may-
asawa. At kayo naman, mga kapatid na
sumasaksi sa kasalang ito, ay aking
pinakikiusapan na isama sa inyong mga
panalangin ang mga ikinakasal na ito at
tanggapin sila sa pamayanang Kristiyano.

PALITAN NG KONSENTIMIYENTO

PARI: Hinihiling ko ngayon na buong katapatan

ninyong ipahayag ang inyong damdamin sa
isa’t isa.

PARI (sa babae): Mahjalin, Bukal ba sa iyong loob ang

[6 ]
 iyong pagparito upang makaisang-dibdib si
Joko, na iyong pakamamahalin at
paglilingkuran habambuhay?

BRIDE: Opo Padre

PARI (sa lalaki): Joko, Bukal ba sa iyong loob ang iyong

pagparito upang makaisang-dibdib si Mahjalin,
na iyong pakamamahalin at paglilingkuran
habambuhay?

GROOM: Opo Padre

PARI (sa magkasintahan): Nakahanda ba kayong

gumanap sa inyong pananagutan sa Simbahan
at sa bayan na umaasang aarugain ang mga
supling na ipagkakaloob ng Poong Maykapal
upang sila ay inyong palakihin bilang
mabubuting mamamayang Kristiyano?

MAGKASINTAHAN: Opo Padre

PARI (sa magkasintahan): Minamahal kong Joko at

Mahjalin, sa harap ng Diyos at ng kanyang
Sambayanan, pagdaupin ninyo ang inyong
kanang kamay at ipahayag ninyo ang mithiing
magtipan sa banal na sakramento ng kasal.

(Habang magkahawak kamay)

GROOM: Mahjalin, sa harap ng Diyos at ng kanyang

sambayanan, tinitipan kitang maging aking
maybahay sa hirap at ginhawa, sa dusa at
ligaya. Ikaw lamang ang aking iibigin at
itatanging karugtong ng buhay ngayon at
kailanman.

[7 ]
BRIDE: Joko, sa harap ng Diyos at ng kanyang
sambayanan, tinitipan kitang maging aking
asawa sa hirap at ginhawa, sa dusa at ligaya.
Ikaw lamang ang aking iibigin at itatanging
karugtong ng buhay ngayon at kailanman.

(magdarasal ang magkasintahang ikinakasal)

GROOM at BRIDE: Ama naming mapagkalinga, Ama

naming tapat, pagpalain mo po kaming
nag-iisang palad; papagningningin mo
po sa lahat ng oras ang pagsasamahan
naming dalisay at wagas. Sa puso’t
diwa, lagi sanang magkaisa, at nawa’y
maging matatag sa hirap at dusa, sa
ginhawa’t kaligayahan ay magsamahan,
maging tapat sa pag-ibig ngayon at
kailanman.

(Humarap sa mga tao ang mga ikinakasal)

Ang ninong at ninang ay tutugon ng kanilang pagsaksi

sa pagtitipan:

Ninong at Ninang: Minamahal naming Joko at

Mahjalin, ang langit at lupa ay saksi sa inyong
pagtitipan. Sa ngalan ng Sambayanang
naririto, kami’y nagpapatunay na kayo’y mag-
asawa na sa mata ng Diyos at sa mata ng tao.
Bukas-palad naming kayong tinatanggap at
maka-aasa kayo sa aming tangkilik at
panalangin.

(haharap muli ang mga ikinakasalsa altar)

PARI: Bilang tagapagpatunay ng Simbahan,

pinagtitibay ko’t binabasbasan ang pagtataling-
[8 ]
 puso na inyong pinagtipan, sa ngalan ng Ama
+ at ng Anak at ng Espiritu Santo.

LAHAT: Amen.

PAGBABASBAS AT PAGBIBIGAYAN NG MGA

SINGSING AT ARAS

(Lalapit ang may dala ng singsing at aras upang ito’y

panalanginan ng pari bilang pagbibigay-kahulugan sa mga
sagisag na ito ng kasal. Wiwisikan ng pari ang mga singsing
at aras ng banal na tubig).

PARI: Joko at Mahjalin, babasbasan natin ngayon

ang inyong mga aras at singsing.

Ang tumutulong sa atin ay ang Panginoon.

Lahat: Na may gawa ng langit at lupa.

PARI: Ama naming maawain, basbasan mo’t kupkupin

ang iyong mga + lingkod na sina Joko at
Mahjalin. Pagkalooban mo sila ng sapat na
kabuhayang sinasagisag ng mga aras na ito sa
ikapagkakamit ng buhay na walang hanggan.
Iniluluhog naming ito sa pamamagitan ni
Hesukristo kasama ng Espiritu Santo
magpasawalang hanggan.

Lahat: Amen.

(Pagbabasbas sa singsing)

PARI: Ama naming mapagmahal, basbasan mo’t

lingapin ang iyong mga + lingkod na sina
Joko at Mahjalin. Pagindapatin mo na silang
magsusuot ng mga singsing na ito ay maging
[9 ]
 kawangis mo sa iyong wagas na pag-ibig at
walang maliw na katapatan. Iniluluhog namin
ito sa pamamagitan ni Hesukristo kasama ng
Espiritu Santo magpasawalang hanggan.

Lahat: Amen.

(Wiwisikan ng bendita ang mga aras at singsing)

ANG PAGBIBIGAYAN NG SINGSING AT ARAS

PARI: At ngayon, isuot ninyo ang singsing sa isa’t isa.

GROOM: Mahjalin, kailanma’y di kita pagtataksilan,

isuot mo at pakaingatan ang singsing na ito na
siyang sangla ng aking pag-ibig at katapatan.
Sa ngalan ng Ama, at ng Anak, at ng Espiritu
Santo. Amen.

BRIDE: Joko, kailanma’y di kita pagtataksilan, isuot mo

at pakaingatan ang singsing na ito na siyang
sangla ng aking pag-ibig at katapatan. Sa
ngalan ng Ama, at ng Anak, at ng Espiritu
Santo. Amen.

(Kukunin ni GROOM ang mga aras at ilalagay sa mga

kamay ni BRIDE, habang sinasabi..)

GROOM: kailanma’y di kita pababayaan, inilalagak ko sa

iyo itong mga aras na tanda ng aking
pagpapahalaga at pagkalinga sa kapakanan mo
(at ng ating magiging mga anak). Sa ngalan ng
Ama at ng Anak at ng Espiritu Santo. Amen.

BRIDE: Tinatanggap ko ito at nangangako akong

magiging iyong katuwang sa wastong paggamit
at pangangasiwa ng ating kabuhayan.
[10 ]
 (Ilalagay ni BRIDE ang mga aras sa lalagyan)

PARI: At kayong lahat na nagsidalo sa kasalang ito,

bilang patunay ng inyong pagsang-ayon sa
kanilang pag-iisang dibdib, hinihiling ko ang
inyong masigabong palakpakan.

PANALANGIN NG BAYAN

Komentarista (Janine Sagala): Magsitayo po ang lahat.

PARI: Mga minamahal kong kapatid, halinang

magkaisa sa pagdalangin sa Diyos para sa ating
mga bagong kasal na sina Joko at Mahjalin. at
para sa buong Simbahan, sanlibutan, at sa
ikapagkakaisa ng tanan.

Lahat: Isinasamo namin, dinggin mo kami.

Taga-Basa (James Ryu Zagala): Para sa buong

Kristiyanong Sambayanan, upang ito ay
umunlad sa pagpapakasakit araw
araw, manalangin tayo sa Panginoon.

Lahat: Isinasamo namin, dinggin mo kami.

Taga-Basa (James Ryu Zagala): Para sa mga nagtitiis at

nagpapakasakit, upang sila'y tuwangan ng
Diyos sa dinadalang hapis, manalangin tayo sa
Panginoon.

Lahat: Isinasamo namin, dinggin mo kami.

Taga-Basa (James Ryu Zagala): Para kina Joko at

Mahjalin, na ngayo'y pinagbuklod sa pag-
iisang dibdib upang sila’y mamuhay sa
[11 ]
 kalusugan at maligtas sa panganib, manalangin
tayo sa Panginoon.

Lahat: Isinasamo namin, dinggin mo kami.

Taga-Basa (James Ryu Zagala): Para sina Joko at

Mahjalin, ay puspusin ng pag-ibig,
pagkakasundo at pagtutulungang matalik,
manalangin tayo sa Panginoon

Lahat: Isinasamo namin, dinggin mo kami.

Taga-Basa (James Ryu Zagala): Para sa lahat ng mga

tahanan, upang loobin ng Panginoon ang
pamamayani ng kapayapaan sa mga anak at sa
kanilang mga magulang, manalangin tayo sa
Panginoon.

Lahat: Isinasamo namin, dinggin mo kami.

PARI: O Diyos na walang hanggan at

makapangyarihan, tunghayan mo nang buong
awa ang iyong mga lingkod. Loobin mong
magmahalan sila at maging tapat sa isa’t isa
habang buhay. Pagkatapos ng isang mahaba at
banal na pamumuhay, nawa’y gantimpalaan mo
sila ng kaligayahang walang hanggan, sampu
ng kanilang magiging supling at ng lahat ng
mahal sa kanila. Alang-alang kay Kristong
aming Panginoon.

Lahat: Amen.

Liturhiya ng Eukaristiya

[12 ]
 PAGHAHANDA NG MGA ALAY

Komentarista (Janine Sagala): Magsi-upo po ang lahat.

Pagdadala ng mga handog sa Altar.

(Ang Wedding Coordinator ay patutugtugin ang

offertory song na : Paghahandog)

(Order of procession: CANDLES, FLOWERS, FRUITS,

GIFTS, BREAD AND WINE… )

(Pagkatapos ng pag-aalay, luluhod ang mga ikinasal.

Ilalagay ang belo at kordon sa mga ikakasal)

Maari lamang pong lumapit sa altar sina Mikee

Wayne Banta at Etheleen Banawa upang ipatong ang
belo sa bagong kasal.

Komentarista (Janine Sagala): Joko at Mahjalin, ang

belong ito ay sagisag ng inyong pagsasama.
Kayo ay dinamitan ng puti noong kayo ay
binyagan na sagisag ng bagong buhay na
malinis at maligaya sa piling ng Panginoon.
Kayo ngayon ay magsusuot nito sa inyong
pagpasok sa bagong buhay Kristyano na
magkasama. Nawa’y itulot ng Espiritu Santo na
maging malinis at maligaya ang inyong bagong
buhay nang ito ay maibahagi niyo rin sa inyong
magiging mga anak at mga mahal sa buhay.

Maari lamang pong lumapit sa altar sina Kim Vincent

Punzalan at Jessica Diane Aniceto upang ilagay ang
kordon sa bagong kasal.

Joko at Mahjalin, ang kordong ito ay sagisag ng

pagmamahal ng Panginoon na magbubuklod sa inyong

[13 ]
 mga puso at kaluluwa. Nawa’y lumalalim ang inyong
pagmamahalan nang matulungan niyo ang isa’t-isa sa
oras ng paghihirap nang may pagtitiwala at
pagmamahal.

PARI: Kapuri-puri ka, Diyos Amang lumikha sa

sanlibutan. Sa iyong kagandahang-loob, narito
ang aming maiaalay. Mula sa lupa at bunga ng
aming paggawa ang tinapay na ito upang
maging pagkaing nagbibigay-buhay.

Lahat: Kapuri-puri ang Poong Maykapal ngayon at

kailan man

PARI: Kapuri-puri ka, Diyos Amang lumikha sa

sanlibutan. Sa iyong kagandahang-loob, narito
ang aming maiaalay. Mula sa katas ng ubas at
bunga ng aming paggawa ang tinapay na ito
upang maging inuming nagbibigay ng iyong
Espiritu.

Lahat: Kapuri-puri ang Poong Maykapal ngayon at

kailan man

PARI: Manalangin kayo, mga kapatid, upang ang

paghahain natin ay kalugdan ng Diyos Amang
makapangyarihan.

Lahat: Tanggapin nawa ng Panginoon itong paghahain

sa iyong mga kamay , sa kapurihan niya at
karangalan, sa ating kapakinabangan at sa
buong Sambayanan niyang banal.

PARI: Ama naming lumikha, iyong pagdamutan at

tanggapin ang aming handog para sa pag-
iisang-dibdib nina Joko at Mahjalin. Ang
pag-ibig mong kanilang tinataglay ay loobin
[14 ]
 mong kanilang maihandog sa iyo sa kanilang
pagmamahalan araw-araw sa pamamagitan ni
Hesukristo kasama ng Espiritu Santo
magpasawalang hanggan.

Lahat: Amen.

PREPASYO

PARI: Sumainyo ang Panginoon.

Lahat: At sumaiyo rin.

PARI: Itaas sa Diyos ang inyong puso at diwa.

Lahat: Itinaas na namin sa Panginoon.

PARI: Pasalamatan natin ang Panginoong ating Diyos.

Lahat: Marapat na siya ay pasalamatan.

PARI: Ama naming makapangyarihan, tunay ngang

marapat na ikaw ay aming pasalamatan sa
pamamagitan ni Hesukristo na aming
Panginoon. Sa kanyang pagkamatay at muling
pagkabuhay, ang iyong bagong tipan sa iyong
sambayanan ay naghahain sa amin ng iyong
buhay at pakikipag-ugnayan bilang mga kasalo
sa iyong kadakilaang walang hanggan. Sa
dakilang pag-ibig na hain ng iyong anak,
pinagbubuklod mo ang mga magsing-ibig
upang sa pagsasama habang panaho’y
mailahad ang iyong katapatan at
pagmamalasakit.
Kaya kaisa ng mga anghel na nagsisiawit ng
papuri sa iyo nang walang humpay sa

[15 ]
 kalangitan, kami’y nagbubunyi sa iyong
kadakilaan:

Lahat: Banal ka Poong Maykapal. Banal ang Iyong

pangalan. Banal ang Iyong kaharian, langi’t
lupa’y nagpupugay sa iyong kadakilaan.
Dinadakila ng lahat ang naparito mong Anak
na s’yang nagmulat sa bulag, sa pilay ay
nagpalakad
At nakiramay sa lahat.

PANALANGIN NG PAGPUPURI AT PASASALAMAT II

Komentarista (Janine Sagala): Manatili po tayong

nakatayo ng may paggalang.

(for chapel on the Hills)

PARI: Ama naming banal, ikaw ang tanang kabanalan

kaya’t sa pamamagitan ng iyong Espiritu,
gawin mong banal ang mga kaloob na ito
upang para sa ami’y maging Katawan at Dugo
ng aming Panginoong Hesukristo.

Bago niya pinagtiisang kusang-loob na maging

handog, hinawakan Niya ang tinapay,
pinasalamatan ka niya, pinaghati-ahati niya
iyon, iniabot sa kanyang mga alagad at sinabi:

Tanggapin ninyong lahat ito at kanin:

Ito ang aking katawan na ihahandog para sa
inyo. Gayon din naman, noong matapos ang
hapunan, hinawakan niya ang kalis, muli ka
niyang pinasalamatan, iniabot niya ang kalis sa
kanyang mga alagad at sinabi:

Tanggapin ninyong lahat ito at inumin:

[16 ]
 Ito ang kalis ng aking dugo ng bago at walang
hanggang tipan, ang aking dugo na ibubuhos
para sa inyo at para sa lahat sa
ikapagpapatawad ng mga kasalanan.
Gawin ninyo ito sa pag-alaala sa akin.

Ipagbunyi natin ang misteryo ng pananampalataya.

Lahat: Si Kristo’y namatay!

Si Kristo’y nabuhay!
Si Kristo’y babalik sa wakas ng panahon!

PARI: Ama, ginagawa namin ngayon ang pag-alala

sa pagkamatay at muling pagkabuhay ng iyong
Anak, kaya’t iniaalay namin sa iyo ang tinapay
na nagbibigay-buhay at ang kalis na
nagkakaloob ng kaligtasan. Kami’y
nagpapasalamat dahil kami’y iyong minarapat
na tumayo sa harap mo upang maglingkod sa
iyo. Isinasamo naming kaming magsasalu-salo
sa Katawan at Dugo ni Kristo ay mabuklod sa
pagkakaisa sa pamamagitan ng Espiritu Santo.

Ama, lingapin mo ang iyong Simbahang

laganap sa buong daigdig. Puspusin mo kami sa
pag-ibig kaisa ni Francisco na aming Papa at ni
Gilbert (Archdiocese of Lipa) na aming obispo
at ng tanang kaparian. Alalahanin mo rin ang
mga kapatid naming nahimlay nang may pag-
asang sila’y muling mabubuhay, gayon din ang
lahat ng mga pumanaw. Kaawaan mo sila at
patuluyin sa iyong kaliwanagan. Kaawaan mo
at pagindapatin kaming lahat na makasalo sa
iyong buhay na walang wakas. Kaisa ng Mahal
na Birheng Maria na Ina ng Diyos, kaisa ng
mga apostol at ng lahat ng mga banal na
namuhay dito sa daigdig nang kalugud-lugod
[17 ]
 sa iyo, maipagdiwang nawa namin ang
pagpupuri sa ikararangal mo, sa pamamagitan
ng iyong Anak na aming Panginoong
Hesukristo.

Sa pamamagitan ni Kristo, kasama niya at sa

kanya, ang lahat ng parangal at papuri ay sa
iyo, Diyos Amang makapangyarihan, kasama ng
Espiritu Santo magpasawalang hanggan.

Lahat: Amen.

PARI: Sa tagubilin ng mga nakagagaling na utos at

turo ni Hesus na Panginoon natin at Diyos,
ipahayag natin nang lakas-loob:

(Ang Wedding Coordinator ay patutugtugin ang “AMA

NAMIN”)

Lahat: Ama namin, sumasalangit ka. Sambahin ang

ngalan mo. Mapasaamin ang kaharian mo.
Sundin ang loob mo dito sa lupa para nang sa
langit. Bigyan mo kami ngayon ng aming
kakanin sa araw-araw. At patawarin mo ang
aming mga sala para nang pagpapatawad
namin sa nagkakasala sa amin. At huwag mo
kaming ipahintulot sa tukso at iadya mo kami
sa lahat ng masama.

PAGPAPANALANGIN SA MAG-ASAWA (Bendisyong

Nupsial)

PARI: Mga kapatid, halina’t hilinging pagpalain ng

Poong Maykapal ang pag-iisang-dibdib nina
Joko at Mahjalin, upang pamalagiin niya
silang magkasukob sa wagas na pag-ibig

[18 ]
 yayamang ang kanyang Espiritu Santo ang
nagbibigkis sa kanilang puso.

(Itataas ng Pari ang kanyang mga kamay na lulukob sa

mag-asawa, habang sinasabi..)

Ama naming makapangyarihan, sa iyong kagandahang-

loob, nilikha mo ang sanlibutan at nilalang mo ang tao na
iyong kawangis. Niloob mo na ang lalaki at babae ay
magdaup-palad at magkaisa sa puso at loobin. Itinalaga
mo na ang mag-asawang iyong pinagtali ay huwag
kailanman paghiwalayin. Ama naming mapagmahal,
ipinasya mo na ang pag-iisang-dibdib ay maging banal na
sakramento na siyang kababanaagan ng pag-iisang puso ni
Kristo at ng kanyang banal na Sambayanan. Ama naming
mapagmalasakit, pinagbuklod mo ang lalaki at babae at
niloob mong ang pag-iisang-dibdib ay huwag magapi ng
kasalanang mana at huwag maglaho sa unang paggunaw
sa sanlibutan. Magiliw mong tunghayan si Mahjalin, ang
iyong anak na nagging kabuklod ngayon sa banal na tipan.
Bilang pagtugon sa kanyang kahilingan, gawaran mo siya
ng pagpapala ng pag-ibig at kapayapaan sa buhay.
Matularan nawa niya ang mga banal na babae na
ipinagkakapuri sa Banal na Kasulatan. Nawa’y pagtiwalaan
siya ng kanyang asawa at ituring siyang kapantay at
kapwa tagapagmana sa buhay na walang hanggan. Lagi
nawa siyang igalang at mahalin tulad ng ginagawang
pagmamalasakit ni Kristo sa banal niyang Sambayanan.
Ama naming matapat, nawa’y sundin nilang lagi ang iyong
kalooban. Nawa’y manatili silang tapat sa banal na tipan at
maging katibayan nawa sila ng katapatan ni Kristo sa
sanlibutan. Makintal nawa sa kanilang puso at diwa ang
Banal na Aral. Lukuban nawa sila ng iyong Espiritu upang
manatili silang masigla sa kanilang pagmamahalan. Gawin
mo silang huwaran ng mga ipagkakaloob mong mga
supling at nawa’y maipadama pa nila sa kanilang mga apo
ang alab ng kanilang paglingap. Maging maligaya nawa
[19 ]
sila sa lahat ng mga araw ng kanilang mahabang buhay, at
sa wakas, Amang mapagkalinga, akayin mo sila sa buhay
na walang katapusan sa pamamagitan ni Hesukristo
kasama ng Espiritu Santo magpasawalang hanggan.

Lahat: Amen.

PARI: Panginoong Hesukristo, sinabi mo sa iyong mga

Apostol:

“Kapayapaan ang iniiwan ko sa inyo. Ang aking

kapayapaan ang ipinagkakaloob ko sa inyo.”
Tunghayan mo ang aming pananampalataya at huwag
ang aming mga pagkakasala. Pagkalooban mo kami ng
kapayapaan at pagkakaisa ayon sa iyong kalooban
kasama ng Espiritu Santo magpasawalang hanggan.

Lahat: Amen.

PARI: Ang kapayapaan ng Panginoon ay laging

sumainyo.

Lahat: At sumaiyo rin.

PARI: Magbigayan kayo ng kapayapaan sa isa’t isa.

(Pagkatapos ng pagbati ng kapayapaan, hahatiin ng

Pari ang ostiya habang sinasabi)

Sa pagsasawak na ito ng Katawan sa Dugo ng aming

Panginoong Hesukristo, tanggapin nawa namin sa
pakikinabang ang buhay na walang hanggan.

(Ang Wedding Coordinator ay patutugtugin ang

offertory song na :Kordero ng Diyos)

[20 ]
 Kordero ng Diyos na nag-aalis ng mga kasalanan ng
sanlibutan,Maawa Ka sa amin.
Kordero ng Diyos na nag-aalis ng mga kasalanan ng
sanlibutan,Maawa Ka sa amin.
Kordero ng Diyos na nag-aalis ng mga kasalanan ng
sanlibutan,Ipagkaloob Mo sa amin ang kapayapaan.

(Itataas ng Pari ang ostiya at ang kalis habang

sinasabi...)

Ito ang Kordero ng Diyos. Ito ang nag-aalis ng mga

kasalanan ng sanlibutan. Mapalad ang mga inaanyayahan
sa kanyang piging.

Lahat: Panginoon, hindi ako karapat-dapat na

magpatuloy sa iyo, ngunit sa isang salita mo
lamang ay gagaling na ako.

KOMUNYON NG BAGONG KASAL AT NG BAYAN

(Ang Wedding Coordinator ay patutugtugin ang

COMMUNION song na : Awit ng Paghahangad)
AWIT SA KOMUNYON

PANALANGIN PAGKATAPOS NG KOMUNYON

Komentarista (Janine Sagala): magsitayo ang lahat

(maliban sa ikinasal)

PARI: MANALANGIN TAYO:.

Panginoon, dahil sa iyong pag-ibig, ibinigay mo sa
amin ang Eukaristiyang ito upang pag-isahin kami sa isa’t
isa at sa iyo. Yayamang pinag-isa mo sina Joko at
Mahjalin, sa sakramento ng kasal at sa pakikinabang ng
tinapay at alak, pag-isahin mo rin sila ngayon sa pag-ibig

[21 ]
at paglilingkod sa isa’t isa. Alang-alang kay Kristong
aming Panginoon.

Lahat: Amen.

(Aalisin ang kordon at ang belo sa mga ikinasal)

Komentarista (Janine Sagala): magsitayo ang ikinasal

KATAPUSANG SEREMONYA

PARI: Joko at Mahjalin, yamang natanggap na ninyo

ang sakramento ng kasal, ang aking
ipinagtatagubilin sa inyo ay maging tapat kayo
sa isa’t isa.

Mahjalin, ibigin mo ang iyong asawa at

sikaping pangalagaan ang iyong mag-anak.
Manatili sa pananampalataya, sa pag-ibig ng
Diyos at sa kapwa, at magpakabanal.

Joko, mahalin mo ang iyong asawa tulad ng

pagmamahal ni Kristo sa Santa Iglesya. Sa
inyong magkasamang pamumuhay, itanim sa
iyong puso ang banal na pagkatakot sa Diyos.

Sumainyo ang Panginoon.

Lahat: At sumaiyo rin.

PARI: Nawa’y pagpalain kayo ng Panginoon sa

kanyang mga pangungusap.

Lahat: Amen.

[22 ]
PARI: Pag-isahin niya ang inyong mga puso sa buklod
ng dalisay na pag-ibig habang kayo’y
nabubuhay.

Lahat: Amen.

PARI: Nawa’y maging mapalad kayo sa inyong mga

anak at suklian nang makasandaan ang inyong
pagmamahal sa kanila. Mamalagi ang
kapayapaan ni Kristo sa inyong mga puso at
mag-anak; magkaroon kayo ng mga kaibigang
tutulong sa inyo sa hirap at ginhawa.

Lahat: Amen.

PARI: Saklolohan ninyo at aliwin ang sa inyo ay

magmamakaawa. Tanggapin ninyo ang
ipinangako ng Panginoon sa mga nagdadalang-
awa.

Lahat: Amen.

PARI: Nawa’y pagpalain ng Maykapal ang inyong mga

gawain at matamasa ang bunga ng inyong
pinagpaguran. Sa inyong pagkabalisa sa
kabuhayan ay huwag sana kayong maligalig at
huwag padala sa malabis na paghahangad ng
kayamanan. Sa halip ay laging sikaping
makapag-impok ng kayamanang di lumilipas sa
langit.

Lahat: Amen.

PARI: Palawigin ng Diyos ang inyong buhay, upang

matamo ang masaganang bunga na dulot ng
isang matuwid na pamumuhay at matapos na
pagling-kuran Siya nang buong pag-ibig sa lupa
[23 ]
 ay makamit ninyo ang buhay na walang
hanggan sa kabila, sa piling ng ating Amang
nasa langit.

Lahat: Amen.

PARI: At pagpalain kayo ng makapangyarihang

Diyos: Ama, at Anak, at Espiritu Santo.

Lahat: Amen.

PARI: Humayo kayong taglay ang kapayapaan upang

ang Panginoon at ang kapwa ay mahalin at
paglingkuran.
Lahat: Salamat sa Diyos.

(Patutugtugin ng Wedding Coordinator ang minus

one dahil Si Mr. Ralph Sagala ay aawit)

SIGNING OF MARRIAGE CONTRACT

Komentarista (Janine Sagala): Maaari po lamang na

manatiling nakaupo para sa pagkuha ng litrato
kasama ang bagong kasal.

WEDDING COORDINATOR: PIKTORYAL

• Bride and Groom
• Parents of the Groom with Couple
• Both Parents with Couple
• Parents of the Bride with couple
• Couple with Secondary Sponsors
• Couple with Principal Sponsors
• Couple with Maid of Honor & Best Man
• Family and Relatives of the Groom
• Family and Relatives of the Bride
• Friends of the Groom
• Friends of the Bride
[24 ]