Ang Banal na Pagdiriwang

sa Kapistahan ni Apostol San Andres,

Pagtatalaga sa paglilingkod ng Lector at
Akolito at
Pagtanggap sa hanay ng mga oordenang
Diakono at Pari

Diyosesis ng San Pablo

PASIMULA

Sisimulan ang pagdiriwang sa pagpruprusisyon ng mga

tagapaglingkod at Obispo patungo sa dambana. Pagsapit sa
dambana, ang obispo at mga lingkod ay magbibigay galang
alinsunod sa hinihinging paraan. Iinsensuhan ng Obispo ang
dambana at pagkatapos siya ay tutungo sa upuan at
pasisimulan ang misa sa ganitong mga pananalita.

Obispo:

Sa ngalan ng Ama at ng Anak at ng Espiritu

Santo.
R. Amen.

Sumainyo ang Kapayapaan,

R. At sumainyo rin.

Obispo:

Mga kapatid, ang buhay Kristiyano ay isang

daan ng pag-aalay ng sarili sa paglilingkod
katulad ng buhay ni Apostol San Andres. Sa
araw na ito masasaksihan natin ang biyaya ng
Espiritu Santo na ibinubuhos sa ating
simbahan sa paghirang ng mga bagong
tagapalingkod. Halina at ihanda natin ang
daan ng Panginoon patungo sa ating mga
puso.

Inaamin ko sa makapangyarihang Diyos at sa inyo

mga kapatid na lubha akong nagkasala sa isip, salita
at gawa, at sa aking pagkukulang, kaya’t isinasamo
ko sa mahal na birheng Maria, sa lahat ng mga

2
anghel at mga banal at sa inyo mga kapatid na ako’y
ipanalangin sa Panginoong ating Diyos.

Obispo:
Kaawaan tayo ng makapangyarihang Diyos
patawarin tayo sa ating mga kasalanan at
patnubayan tayo sa buhay na walang hanggan.

Amen.

Kyrie eleison
Kyrie eleison
Christe eleison
Christe eleison
Kyrie eleison
Kyrie eleison

Sisimulan ang pag-awit ng papuri.

Papuri sa Diyos sa kaitaasan

at sa lupa’y kapayapaan sa mga taong
kinalulugdan niya. Pinupuri ka namin,
dinarangal ka namin, sinasamba ka namin,
ipinagbubunyi ka namin, pinasasalamatan
ka namin dahil sa dakila mong angking kapurihan.
Panginoong Diyos, Hari ng langit,
Diyos Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos, Anak ng Ama.
Ikaw na nag-aalis ng mga kasalanan ng sanlibutan,

3
maawa ka sa amin. Ikaw na nag-aalis ng mga
kasalanan
ng sanlibutan, tanggapin mo ang aming kahilingan.
Ikaw na naluluklok sa kanan ng Ama, maawa ka sa
amin.
Sapagka’t ikaw lamang ang banal ikaw lamang ang
Panginoon,
ikaw lamang, O Hesukristo, ang kataas-taasan,
kasama ng Espiritu Santo sa kadakilaan ng Diyos
Ama. Amen.

Pagkaraan ng awit, magkadaop ang mga kamay na

ipahahayag ng Obispo:

Manalangin tayo.

Pagkalipas ng ilang sandali ilalahad ng Obispo ang kanyang

mga kamay at ipahahayag ang pambunagd na panalangin

PAMBUNGAD NA PANALANGIN
Obispo:

Ama naming makapangyarihan,

kami’y nakikiusap na iyong paunlakan
sa hiling naming kami’y laging idalangin sa
iyong harapan
ni Apostol San Andres na nangaral at
nangasiwa
sa iyong sambayanan
sa pamamagitan ni Hesukristo kasama ng
Espiritu Santo magpasawalang hanggan.

Amen.

4
5
 PAGPAPAHAYAG NG SALITA NG DIYOS

UNANG PAGBASA

Ang pananampalataya ay bunga ng pakikinig, at ang

pakikinig naman ay bunga ng pangangaral tungkol kay
Kristo.

Pagbasa mula sa sulat ni Aposto San Pablo sa mga

taga-Roma
10 : 9-18

Mga kapatid, kung ipahahayag ng iyong mga labi na

si Jesus ay Panginoon at buong puso kang
sasampalataya na siya'y muling binuhay ng Diyos,
maliligtas ka. Sapagkat sumasampalataya ang tao
sa pamamagitan ng kanyang puso at sa gayon ay
itinuturing na matuwid ng Diyos. Nagpapahayag
naman siya sa pamamagitan ng kanyang bibig at sa
gayon ay naliligtas. Sinabi nga ng kasulatan, “Ang
sinumang sumasampalataya sa kanya ay hindi
mapapahiya.” Kaya't walang pagkakaiba ang
katayuan ng Judio at ng Hentil. Iisa ang Panginoon ng
lahat at siya'y masaganang nagbibigay sa lahat ng
tumatawag sa kanya, dahil sinasabi sa kasulatan,
“Maliligtas ang lahat ng tumatawag sa pangalan ng
Panginoon.”
Paano naman sila tatawag sa kanya kung hindi sila
sumasampalataya? Paano sila sasampalataya kung
wala pa silang napakinggan tungkol sa kanya? Paano
naman sila makakapakinig kung walang
mangangaral sa kanila? At paanong
makakapangaral ang sinuman kung hindi siya
isinugo? Tulad ng nasusulat, “O kay gandang
pagmasdan ang pagdating ng mga nagdadala ng

6
Magandang Balita!” Ngunit hindi lahat ay sumunod
sa Magandang Balita, gaya ng sinulat ni Isaias,
“Panginoon, sino ang naniwala sa aming
ibinalita?” Kaya't ang pananampalataya ay bunga ng
pakikinig, at ang pakikinig naman ay bunga ng
pangangaral tungkol kay Kristo.
Subalit ang tanong ko'y ganito: Hindi kaya sila
nakapakinig? Oo, sila'y nakapakinig! Sapagkat
nasusulat,
“Abot sa lahat ng dako ang kanilang tinig,
ang sinasabi nila'y nakarating hanggang sa dulo
ng daigdig.”

Ang salita ng Diyos.

R. Salamat sa Diyos

SALMONG TUGUNAN
18, 2-3.4-5

Laganap na sa daigdig
ang kanilang mga tinig.

Ang langit ay naghahayag na ang Diyos ay Dakila !

Malinaw na nagsasaad kung ano ang kanyang
gawa !
Bawat araw, bawat gabi, ang ulat ay walang patlang,
Patuloy na nag-uulat sa sunod na gabi’t araw.

Laganap na sa daigdig
ang kanilang mga tinig.

Walang tinig o salitang ginagamit kung sabagay,

at wala ring naririnig na kahit na anong ingay ;
gayun pa man, sa daigdig ay laganap yaong tinig,
ang balita’y umaabot sa duluhan ng daigdig.

7
Laganap na sa daigdig
ang kanilang mga tinig.

8
MABUTING BALITA

Samantalang ginagawa ng pag-awit ng aleluya. Maglalagay

ang punong tagapagdiwang ng insenso sa insensaryo.
Pagkaraan, ang diyakono o paring magpapahayag ng
mabuting balita ay yuyuko sa harapan ng Obispo at
hihilingin niya ang pagpapala bago tumungo sa pook ng
pagbasa.

Gagawin ang prusisyon na nilalahukan ng mga

tagapaglingkod na may dalang insensaryo at kandila.

Alleluia, Alleluia

Sumunod kayo sa akin

at kayo’y aking gagawing
katambal ko sa tungkulin.

Alleluia, Alleluia

Sumainyo ang Panginoon.

R. At sumaiyo rin.

Noon di’y iniwan nila ang kanilang mga lambat at

sumunod kay Hesus.

+Ang Mabuting Balita ng Panginoon ayon kay San

Mateo
4:18-22

Noong panahong iyon, sa paglalakad ni Hesus sa tabi

ng Lawa ng Galilea. Nakita niyang naghahagis ng
lambat sa lawa ang dalawang mangingisda, si Simon

9
na tinatawag na Pedro, at ang kapatid niyang si
Andres. Sila’y naghahagis ng lambat. Sinabi niya sa
kanila, “Sumunod kayo sa akin at gagawin ko kayong
mga mamamalakaya ng mga tao.” Noon di'y iniwan
nila ang kanilang mga lambat at sumunod kay
Hesus.

Nagpatuloy siya ng paglalakad at nakita rin niya ang

magkapatid na Santiago at Juan na mga anak ni
Zebedeo. Sila'y nasa bangka, kasama ang kanilang
ama, at naghahayuma ng lambat. Tinawag din sila ni
Hesus. Agad nilang iniwan ang bangka at ang
kanilang ama, at sumunod kay Hesus.

Ang Mabuting Balita ng Panginoon.

R. Pinupuri ka namin, Panginoong Hesukristo

Mananatiling nakatayo ang mga tao at aawitin muli ang

aleluya at babasbasan ng obispo ang mga tao ng aklat ng
mabuting balita.

10
ANG PAGTAWAG SA MGA ITATALAGANG LEKTOR
AT AKOLITO AT TATANGGAPIN SA HANAY
NG OORDEHANG DIYAKONO AT PARI

Ang obispong nakamitra ay uupo sa inihandang upuan.

Diyakono o Pari:
Lumapit ang mga itatalagang Lektor.

Seminarista Sebastian Eric Ambrocio

Parokya ng Immaculata Concepcion, Sta. Cruz, Laguna

Seminarista Crisanto Arciaga

Parokya ng Sta. Rosa de Lima, Sta Rosa City

Seminarista Gian Carlo Clase

Parokya ng Sto. Rosario, San Pedro City

Seminarista Christian Completo

Parokya ng Mary Help of Christians, City of Cabuyao

Seminarista Noah Cruz

Parokya ng Our Lady of Miracolous Medal, Binan City

Seminarista Mark Vic de Villa

Parokya ng San Antonio de Padua, Los Banos, Laguna

Seminarista Kim Nomel Magtibay

Parokya ng Our Lady of the Pillar, Alaminos, Laguna

Seminarista John Rolyn Mandala

Parokya ng La Ressureccion, Victoria, Laguna

Seminarista Antoñio Matabuena III

Parokya ng San Pedro Apostol, San Pedro City

11
Seminarista John Renzon Muega
Parokya ng St. James the Apostle, Paete, Laguna

Seminarista Christian Pajutan

Parokya ng San Agutin, Bay, Laguna

Seminarista Mark Wilson Ragasa

Parokya ng San Juan Evangelista, Kalayaan, Laguna

Seminarista John Mark Sedano

Parokya ng San Sebastian, Lumban, Laguna

Isa-isang tatawagin at lalapit ang mga itatalaga sa harapan

ng Obispo tutugon at magpupugay.
Narito po.

Diyakono o Pari:
Lumapit ang mga itatalagang Akolito.

Seminarista Jeshreel Gonzales

Parokya ng St. John the Baptist, Liliw, Laguna

Seminarista Michael Loza

Parokya ng St. Joseph the Worker, Binan City

Seminarista Rafael Malaborbor

Parokya ng San Antonio de Padua, Los Banos, Laguna

Seminarista Sean Paul Matheis,

Secular Male Institute of the Two hearts

Isa-isang tatawagin at lalapit ang mga itatalaga sa harapan ng

Obispo tutugon at magpupugay.
Narito po.

Lumapit ang tatanggapin sa hanay ng mga

oordenahang Diyakono at Pari

Seminarista Lawrence Pedrialva

12
Parokya ng St. Joseph the Worker, Binan City

13
Homiliya

ANG PAGTATALAGA NG MGA LEKTOR

14
Uupo ang lahat at ang Obispo ay magbibigay ng homiliya na
kanyang wawakasan sa pagsasabi ng sumusunod o
katumbas nito:

Obispo:
Ginigiliw kong mga kapatid na itatalagang
Lektor, sa pagkakatawang - tao ni Hesus,
inihayag ng Amang Maykapal ang kanyang
pagmamahal sa ating lahat. Ipinagaral ito
ni Jesus at ipinagkatiwala sa kanyang
simbahan ang pagpapatuloy ng
pangangaral nito.
Kaya nga kayong itatalagang lektor, ay
makikiiisa sa tungkuling magpahayag ng
mabuting balita ni Hesus. Ang
isininasabalikat ninyo ngayon ay isang
dakilang tungkulin sa kapakinabangan ng
mga anak ng Amang Maykapal, sapagkat
kayo ay aatasang maglingkod para sa
kapakanan ng kanilang pananamapalataya
na nasasalig sa salita ng Diyos.

15
Ang nasabing pagpapahayag ay gagawin ninyo
sa mga pagtitipon ukol sa pagsamba.
Tuturuan ninyo ang mga bata at
matandang Kristiyano at gayundin ang
mga hindi pa Kristiyano. Sa ganitong
paraan, ihahayag ninyo sa kanila ang
Mabuting Balita. Sa inyong
pagsasakatuparan ng tungkulin,
ipakikilala ninyo sa madla ang Diyos Ama
na Lumikha at ang Anak niyang si Hesus,
na nagligtas at nagpalaya sa atin. Sa
gayo’y mapapasakanila ang walang
hanggang buhay. Samantalang tinutupad
ninyo ang mga iniatas sa inyo, dapat
kayong maging masunurin sa Espiritu
Santo ng nagsasalita sa banal na
Kasulatan. Pag-aralan ninyo ito at
isakatuparan sa inyong buhay upang
maging katulad kayo ng ating manunubos
na si Hesukristo.

Tatayo ang Obispo gayundin ang lahat ng mga tao.

Bibigkasin ng Obispo ang paanyaya sa panalangin
nang hindi nakasuot ng mitra:

PAANYAYA SA PANALANGIN

Obispo:
Mga kapatid, manalangin tayo sa Diyos Ama
upang pagpalain niya ang kanyang mga Anak
na hinirang na maging lektor. Magampanan
nawa nila nang masigasig at matagumpay ang
kanilang tungkulin. Sa kapurihan ng Diyos Ama
maipangaral nawa nila si Hesukristo sa mga
tao.

16
Sandaling tatahimik ang lahat upang manalangin.

PANALANGIN

Magdarasal ng malakas ang Obispo.

Obispo:
O Diyos Amang Lumikha, bukal ng buhay at
kabutihan, sinugo mo ang iyong kaisa-isang
Anak, ang Salita ng buhay, upang ipahayag sa
mga tao ang iyong dakilang pag-ibig.
Pagpalain mo + ang mga kapatid naming
naririto na hinirang na maging mga lektor.
Matutuhan nawa nila ang iyong salita sa
pamamagitan ng masigasig na pagninilay.
Ang buhay nila ay mapuspos nawa ng iyong
aral. Matapat nawa nila itong maipahayag sa
kanilang mga kapatid. Hinihiling namin ito sa
iyo sa pamamagitan ni Hesukristo na aming
Panginoon magpasawalang hanggan.

R. Amen.

PAGTATALAGA

Uupo ang Obispo at iaabot sa bawa’t isang itinatalagang

lektor ang banal na kasulatan, samantalang kanyang
sinasabi:

Obispo:

Tanggapin mo ang banal na kasulatan at

matapat mong ipangaral ang Salita ng Diyos,
upang ito ay mag-ugat, yumabong at umani
nang sagana sa puso ng lahat ng tao.

17
Ang lektor ay sasagot.

Amen.

Samantalang ito ay ginagawa anumang nababagay na awit

ay maaring awitin lalo na kung marami ang itinatalaga:

18
 ANG PAGTATALAGA NG MGA AKOLITO
Obispo:

Ginigiliw kong mga kapatid na itatalagang

Akolito, sa inyong mahalagang tungkulin
sa angkan ng Diyos ay kaugnay ng Banal
na salu-salo ng pasasalamat, o
Eukaristiya. Ito ang siyang layunin at
bukal ng lakas sa pamumuhay ng
sambayanang Kristiyano. Gaganapin ninyo
ang inyong atas na gawain bilang mga
katulong ng mga pari at diakono sa
pagbibigay ng komunyon sa mga
nagsisimba at mga maysakit. Sa
pagsasagwa ninyo ng tungkuling ito,
sikapin ninyong hubugin ang inyong sarili
alinsunod sa paghahain ni Hesukristo ng
kanyang sariling buhay. Unawain ninyong
mabuti ang kahulugan nito para sa inyong
pamumuhay upang sa araw-araw ay
inyong mailakip ang inyong sarili sa
kalugud-lugod na paghahain ni Hesukristo
ng kanyang buhay alang-alang sa Diyos at
sa kapwa tao. Sa inyong pagtupad sa
tungkulin inyong alalahanin na kayo’y
kasalo ng inyong mga kapatid sa isang
tinapay: ang katawan ni Hesus. Kasama
nila, tayo’y bumubuo ng iisang katawan.
Mahalin nga ninyo ang katawan ni Kristo,
ang sambayanan ng Diyos, lalo na ang
mga mahihina at maysakit. Sundin ninyo
ang utos na ibinigay ng Panginoon noong
huling hapunan: “Mag-ibigan kayo gaya
ng pag-ibig ko sa inyo.”

19
Tatayo ang Obispo gayundin ang lahat ng mga tao.
Bibigkasin ng Obispo ang paanyaya sa panalangin
nang hindi nakasuot ng mitra:

PAANYAYA SA PANALANGIN

Obispo:
Mga kapatid, manalangin tayo sa Diyos Ama
upang pagpalain niya ang kanyang mga Anak
na itatalaga sa pagiging akolito. Magkaroon
nawa sila ng matatag na loob upang matapat
na makapaglingkod sa angkan ng Diyos.

Sandaling tatahimik ang lahat upang manalangin.

PANALANGIN

Magdarasal ng malakas ang Obispo.

Obispo:
O Diyos Amang maawain, sa pamamagitan ng
iyong Anak na si Hesus ipinagkatiwala mo sa
amin ang tinapay ng buhay. pagpalain mo +
ang mga kapatid naming naririto na
itatalagang maging mga akolito. Sa hapag ng
banal na salu-salo ng Eukaristiya, sila nawa ay
maging mga tapat na lingkod. Magakaroon
nawa sila lagi ng pagsulong sa pananalig at
pag-ibig upang sumapit sa iyong inaasahang
pag-unlad ang iyong simbahan. Hinihiling
namin ito sa iyo, sa pamamagitan ni
Hesukristo na aming Panginoon
magpasawalang hanggan.

R. Amen.

20
PAGTATALAGA

Uupo ang Obispo at iaabot sa bawa’t isang itinatalagang

akolito ang lalagyan ng alak at tinapay, samantalang
kanyang sinasabi:

Obispo:
Tanggapin mo ang lalagyang ito ng tinapay at
alak ukol sa salu-salo ng eukaristiya mamuhay
ka ng naayon sa tungkulin mong maglingkod
sa hapag ng Panginoon at ng kanyang
simbahan.

Ang akolito ay sasagot.

Amen.

Sa paghahanda ng mga alay ang mga akolito ay magdadala

bilang handog ng mga pinggang may tinapay at ng kopa na
may alak.

Ang mga akolito ay magkokomunyon kasunod ng mga

diyakono.

21
 ANG PAGTANGGAP SA HANAY NG MGA
OORDENANG DIYAKONO AT PARI
Obispo:

22
Mga kapatid, sa pagtitipong ito ng mga anak
ng Diyos, ang ating mga kapatid ay
inihaharap sa inyo at sa amin upang sila’y
tanggapin sa hanay ng mga oordenahan.
Tayo ay inutusan ni Hesus noong kanyang
sabihin: “Idalangin ninyo sa may-ari ng
aanihin na magpadala siya ng mga
manggagagwa sa kanyang aanihin.”
Nalalaman ng mga kapatid nating ito ang
malasakit ng Panginoong Hesukristo sa
kanyang kawan. Nababatid nila ang
pangangailangan ng Banal na Simbahan.
Ngayon sila ay nakahandang tumugon sa
Panginoon sa pamamagitan ng
pangungusap ni propeta Isaias: “Narito po
ako, ipadala ninyo ako.” Taglay ang pag-
asa sa tulong ng Panginoon, sila ay
tutugon ngayon ng matapat sa kanyang
panawagan. Ang panawagan ng
Panginoon ay dapat dinggin at unawain sa
mga palatandaang ipinahihiwatig ng Diyos
sa mga marunong kumilala sa kanyang
kalooban. Ang pagpapala ng Diyos ay
nagbunsod at tumutulong sa kanyang mga
hinirang na makihati sa makaparing
paglilingkod ni Hesukristo. Gayundin
naman, pinahihintulutan kami ng Diyos
upang sila ay tawagin at ordenan, sa bisa
ng tatak ng Espiritu Santo, para sa
paglilingkod ni Hesukristo sa simbahan.
Sa pamamagitan ng pagoorden,
ipagkakatiwala sa kanila ang gawain ng
pagliligtas na isinakatuparan ni
Hesukristo sa daig-dig. Kapag sila ay
naordenan na, sila ay makakaisa namin sa
tungkulin na maglingkod sa simbahan at

23
 magdulot ng buhay at sigla sa
sambayanan ng Diyos sa pamamagitan ng
kanyang Salita at Sakramento. Ang mga
kapatid nating ito ay hinubog na upang
maging handa sa pag-oorden na igagawad
ng Obispo. Sa araw-araw, kanilang
sinisikap na matutuhan kung paanong
magiging taimtim ang kanilang
pananampalataya, pag-asa at pag-ibig.
Sinisikap din nilang mapagyaman sa
kanilang sarili ang diwa ng panalangin at
malasakit ni Hesukristo para sa
kapakanan ng mga tao. Ngayon, sa
pagbubunsod ng pag-ibig ni Hesukristo, at
sa pagpapala ng Espiritu Santo, sila ay
sumapit na sa sandaling ito ng hayagang
pagsasabi ng kanilang pagnanais na
italaga ang kanilang sarili para sa
paglilingkod sa Diyos at sa mga tao. Kaya
nga, kapag tinawag ang ngalan ng bawat
isa sa inyo, lumapit sana kayo at
magpahayag ng inyong niloob sa harap ng
pagtitipong ito.

PAGSUSULIT
Obispo:
Ang mga pari at mga tagapagturo na
pinagkatiwalaang humubog sa iyo at ang iba
pang tao na may nalalaman tungkol sa iyo ay
nagbigay ng magandang mungkahi para sa iyo.
Kami naman ay may malaking tiwala sa kanila.

24
Bilang pagtugon sa pagtawag ng Panginoon,
ikaw ba ay nakahanda na makiiisa sa kabuuan
ng paghubog sa ino upang sa pagsapit ng
takdang panahon ikaw ay maging handa para
sa ordenasyon?

Ang lahat ng tinatanong ay sasagot:

Opo nakahanda po ako.

Obispo:
ikaw ba ay nakahanda upang hubugin ang
iyong sarili para sa wagas na paglilingkod kay
Hesukristo at sa banal na simbahan, na
kanyang katawan?

Ang lahat ng tinatanong ay sasagot.

Opo, nakahanda po ako.

Obispo:
Buong galak na tinatanggap ng simbahan ang
iyong binigkas na pasya. Bigyan nawa ng Diyos
ng katuparan ang gawaing ito na kanyang
pinasimulan.

Sasagot ang lahat ng tao.

R. Amen.

PAANYAYA SA PANALANGIN

Obispo:

25
Mga kapatid, manalangin tayo sa Diyos Amang
makapangyarihan. Igawad nawa niya ang
kanyang tulong at pagpapala sa ating mga
kapatid na nagnanais maglingkod sa Banal na
simbahan.

R. Isinasamo namin kami’y iyong dinggin.

Lector:
Upang ang Banal na Simbahan sa pamumuno ng
Santo papa ng mga Obispo ay manatiling tapat sa
kanyang misyon na maipalaganap ang mabuting
balita sa lahat ng dako, manalangin tayo sa
Panginoon.
Lector:
Upang ang ating mga kapatid na tinanggap sa hanay
ng mga oordenahang diyakono’t pari ay maging
lalong matalik na kaugnay ni Hesukristo at
maipakilala nila sa balana ang kanilang katapatan sa
kaniya, manalangin tayo sa Panginoon.
Lector:
Upang ang ating mga kapatid na itinalaga bilang
mga Lektor at Akolito ay mahubog sang-ayon sa
diwa ni Kristo nang sa gayon ay lumago ang lahat ng
kasapi ng inang simbahan, manalangin tayo sa
Panginoon.
Lector:
Upang matulungan nila ang kanilang kapwa tao sa
pagdadala ng mga pasanin sa buhay na ito at upang
lagi nilang marinig ang tinig ng Espiritu Santo,
manalangin tayo sa Panginoon.
Lector:
Upang makapaglingkod sila sa simbahan nang
mahusay at upang ang kanilang salita at halimbawa

26
ay tunay na makatulong sa kapwa tao para sa
ikauunlad ng pananampalataya at sigasig sa
pakikiisa sa Eukaristiya, manalangin tayo sa
Panginoon.
R. Isinasamo namin kami’y iyong dinggin.

Obispo:
O Diyos Amang Lumikha, dinggin mo ang
aming panalangin. Alang-alang sa iyong pag-
ibig, pagpalain mo + ang iyong mga anak na
naririto at naghahandog ng kanilang sarili
upang maglingkod sa iyo at sa kapwa ato.
Mamalagi nawa silang matapat sa iyong
panawagan sa pagtahak nila sa landas ng
katotohanan at pagmamahal ni Hesukristo,
gayundin sa pagsasakatuparan ng kanyang
atas na gawain na ipinagkatiwala sa mga
apostol para sa kapakanan ng banal na
simbahan. Hinihiling namin ito sa iyo sa
pamamagitan ni Hesukristo na aming
Panginoon magpasawalang hanggan.
R. Amen.
O kaya:
O Diyos Ama, tulungan po ninyo ang inyong
mga anak na naririto upang higit nilang
maunawaan at maisakatuparan sa araw-araw
ang iyong dakilang pag-ibig. Itaguyod mo sila
sa kanilang paghahanda ng sarili para sa
paglilingkod sa iyong angkan. Mapuspos nawa
sila ng Espiritu ng iyong pag-ibig upang sa
iyong ikararangal kanilang mapaglingkuran
ang kapakanan ng kapwa tao na tumatahak sa
daan ng kaligtasan. Hinihiling namin ito sa iyo

27
sa pamamagitan ni Hesukristo na aming
Panginoon magpasawalang hanggan.
R. Amen

Itutuloy ang misa ayon sa nakagawian

28
PAGDIRIWANG NG HULING HAPUNAN

Sisimulan ang awit ng pag-aalay. Samantalang ito’y

ginaganap, ilalagay ng mga Diyakono ang telang patungan
ng katawan ni Kristo, ang pamahiran ng kalis, at ang aklat
ng pagmimisa sa ibabaw ng dambana.
Ngayo’y tatayo ang Obispo sa gawing gitna ng dambana,
hahawakan niya ang pinggan ng tinapay nang bahagyang
nakaangat sa dambana, habang dinarasal niya ng pabulong:

Kapuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming
maiaalay. Mula sa lupa at bunga ng aming paggawa
ang tinapay na ito para maging pagkaing
nagbibigay-buhay.
Kapuri-puri ang Poong Maykapal ngayon at kailan
man!
Ang diyakono ay magbubuhos ng alak at kaunting tubig sa
kalis habang dinarasal nang pabulong.

Sa paghahalong ito ng alak at tubig

kami nawa’y makasalo sa pagka-Diyos ni Kristo
na napagindapat makihati sa aming pagkatao.
Pagbalik sa gawing gitna ng dambana, hahawakan ng
punong tagapagdiwang ang kalis nang bahagyang
nakaangat sa dambana habang dinarasal niya nang
pabulong:

Kapuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming
maiaalay. Mula sa katas ng ubas at bunga ng aming
paggawa ang alak na ito para magiging inuming
nagbibigay ng iyong Espiritu.
Kapuri-puri ang Poong Maykapal ngayon at kailan
man!

29
Pagkatapos yuyuko ang punong tagapagdiwang habang
dinarasal niya ng pabulong:

Diyos Amang Lumikha, nakikiusap kaming

makasalanan.
Tanggapin mo ang aming pagsisisi bilang handog
upang kami’y matutong sumunod sa iyo ng buong
puso.
Iinsesuhan ng Obispo ang mga alay at dambana; pagkaraa’y
iinsensuhan ng diyakono ang obospo, ang mga pari at mga
nagsisimba.
Pagkatapos tutungo ang Obispo sa gilid ng dambana,
maghuhugas siya ng mga kamay samantalang pabulong
niyang dinarasal:

O Diyos kong minamahal,

kasalanan ko’y hugasan
at linisin mong lubusan
ang nagawa kong pagsuway.

Pagbalik ng Obispo sa gitna ng dambana, ilalahad niya ang

kanyang mga kamay sa mga tao at ipahahayag.

Manalangin kayo, mga kapatid, upang ang

paghahain natin ay kalugdan ng Diyos Amang
makapangyarihan.

Tanggapin nawa ng Panginoon itong Paghahain sa

iyong mga kamay sa kapurihan niya at karangalan
sa ating kapakinabangan at sa buong Sambayanan
niyang banal.

PANALANGIN UKOL SA MGA ALAY

Obispo:
Ama naming Lumikha,
pagbigyan mo kami upang sa aming mga alay

30
na inihahain naming ngayong kapistahan ni
San Andres
ay maging kalugud-lugod kami sa ginagawang
paghahanda
at mabuhay kami sa pagtanggap sa iyong
kaloob
sa pamamagitan ni Hesukristo
kasama ng Espiritu Santo
magpasawalang hanggan.

R. Amen.

PANALANGIN NG PAPURI AT PASASALAMAT III

Sumainyo ang Panginoon.

At sumaiyo rin.
Itaas sa Diyos ang inyong puso at diwa.
Itinaas na namin sa Panginoon.
Pasalamatan natin ang Panginoong ating
Diyos.
Marapat na siya ay pasalamatan.
Ama naming makapangyarihan,
tunay ngang marapat
na ikaw ay aming pasalamatan.

Ikaw ang pastol na laging pumapatnubay

sa mga kabilang sa nililingap mong kawan.
ito ang ginanap na pananagutan
ng giliw mong Anak at Pastol ng tanan.
Ang mga apostol ay kanyang mga katuwang

31
Sa pagiging pastol na patnubay ng
sambayanan.

Kaya kaisa ng mga anghel

na nagsisiawit ng papuri sa iyo
ng walang humpay sa kalangitan,
kami’y nagbubunyi sa iyong kadakilaan

Santo, Santo, Santo Panginoong Diyos ng mga

hukbo! Napupuno ang langit at lupa ng kadakilaan
mo! Osana sa kaitaasan! Pinagpala ang naparirito sa
ngalan ng Panginoon! Osana sa kaitaasan

Nakalahad ang mga kamay ng punong tagapagdiwang sa

pagdarasal.

Ama naming banal,

dapat kang purihin ng tanang kinapal
sapagka’t sa pamamagitan ng iyong Anak
na aming Panginoong Hesukristo
at sa kapangyarihan ng Banal na Espiritu
ang lahat ay binibigyan mo ng buhay at kabanalan.
Walang sawa mong tinipon ang iyong sambayanan
upang mula sa pagsikat hanggang sa paglubog ng
araw
maihandog ang malinis na alay
para sambahin ang iyong ngalan.

Pagdaraupin ng punong tagapagdiwang ang kanyang mga

kamay at lulukuban ng mga kamay niya ang mga alay
habang siya’y nagdarasal.

Ama,
isinasamo naming pakabanalin mo
sa kapangyarihan ng Banal na Espiritu

32
ang mga kaloob na ito na aming inilalaan sa iyo.

Pagdaraupin ng punong tagapagdiwang ang kanyang mga

kamay at kukrusan niya ang tinapay at kalis, samantalang
kanyang dinarasal.

Ito nawa ay maging + Katawan at Dugo

ng inyong Anak at aming Panginoong Hesukristo

Pagdaraupin niya ang kanyang mga kamay.

na nag-utos ipagdiwang ang misteryong ito.

Ang mga salita ng Panginoon sa mga sumusunod na

pangungusap ay ipahahayag nang malinaw at nauunawaan
ng tanan ayon sa hinihingi ng kahulugan ng mga ito.

Noong gabing ipagkanulo siya,

Hahawakan ng punong tagapagdiwang ang tinapay nang

bahagyang nakaangat sa ibabaw ng dambana habang
kanyang patuloy na inihahayag:

hinawakan niya ang tinapay,

pinasalamatan ka niya, pinaghati-hati niya iyon,
iniabot sa kanyang mga alagad at sinabi:

Bahagyang yuyuko ang punong tagapagdiwang.

Tanggapin ninyong lahat ito at

kanin:
Ito ang aking katawan
na ihahandog para sa inyo.
Ipapamalas niya ang tinapay, ipapatong niya ito sa pinggang
patungan ng katawan ni Kristo, at luluhod siya bilang
pagsamba.

33
Pagkatapos ipahahayag ng punong tagapagdiwang.

Gayun din naman, pagkatapos ng hapunan,

Hahawakan ng punong tagapagdiwang ang kalis nang
bahagyang nakataas sa ibabaw ng dambana habang
kanyang patuloy na inihahayag:

hinawakan niya ang kalis,

muli ka niyang pinasalamatan,
iniabot niya iyon sa kanyang mga alagad,
at sinabi:
Bahagyang yuyuko ang punong tagapagdiwang.

Tanggapin ninyong lahat ito at

inumin:
Ito ang kalis ng aking dugo
ng bago at walang hanggang tipan,
ang aking dugo na ibubuhos
para sa inyo at para sa lahat
sa ikapagpapatawad ng mga
kasalanan.
Gawin ninyo ito sa pag-alala sa
akin.
Ipamamalas niya ang kalis, ipapatong niya ito sa telang
patungan ng katawan ni Kristo, at luluhod siya bilang
pagsamba.
Pagkatapos, ipahahayag ng punong tagapagdiwang:

Ipagbunyi natin ang misteryo ng pananampalataya.

Si Kristo’y namatay!
Si Kristo’y nabuhay!
Si Kristo’y babalik sa wakas ng panahon!

34
Ilalahad ng punong tagapagdiwang ang kanyang mga kamay
samantalang siya ay nagdarasal:

Ama,
ginugunita namin
ang pagkamatay ng iyong Anak
na sa ami’y nagligtas,
gayun din ang kanyang muling pagkabuhay
at pag-akyat sa kalangitan
samantalang ang kanyang pagbabalik ay
pinananabikan,
kaya bilang pasasalamat ngayo’y aming iniaalay sa
iyo
ang buhay at banal na paghahaing ito.

Tunghayan mo ang handog na ito

ng iyong Simbahan.
Masdan mo ang iyong Anak
na nag-alay ng kanyang buhay
upang kami ay ipagkasundo sa iyo.
Loobin mong kaming magsalu-salo
sa kanyang Katawan at Dugo
ay mapuspos ng Espiritu Santo
at maging isang katawan at isang diwa kay Kristo.

NAKIKIPAGDIWANG I

Kami nawa ay gawin niyang handog

na habang panahong nakatalaga sa iyo.
Tulungan nawa niya kaming magkamit ng iyong
pamana
kaisa ng Ina ng Diyos, ang Mahal na Birheng Maria,

35
kaisa ng mga Apostol, mga Martir, ni San Pablo
Unang Ermitanyo
at kaisa ng lahat ng mga Banal
na aming inaasahang laging nakikiusap para sa
aming kapakanan.

NAKIKIPAGDIWANG II

Ama,
ang handog na ito ng aming pakikipagkasundo sa iyo
ay magbunga nawa ng kapayapaan at kaligtasan
para sa buong daigdig.
Patatagin mo sa pananampalataya at pag-ibig
ang iyong Simbahang naglalakbay sa lupa,
kasama ng iyong lingkod na si Papa N.,
ang aming Obispong si N.,
ng tanang Obispo at buong kaparian
at ng iyong piniling sambayanan.
Dinggin mo ang mga kahilingan ng iyong angkan
na ngayo’y tinipon mo sa iyong harapan.
Amang maawain,
kupkupin mo at pag-isahin ang lahat ng iyong mga
anak
sa bawa’t panig at sulok ng daigdig.

* Kaawaan mo at patuluyin sa iyong kaharian

ang mga kapatid naming yumao
at ang lahat ng lumisan na sa mundong ito
na nagtataglay ng pag-ibig sa iyo.
Kami ay umaasang makararating sa iyong piling
at samasamang magtatamasa ng iyong
kaningningang walang maliw sapagka’t aming
masisilayan ang iyong kagandahan

Pagdaraupin ng pari ang kanyang mga kamay.

36
sa pamamagitan ng aming Panginoong Hesukristo
na siyang pinagdaraanan ng bawa’t kaloob mo sa
aming kabutihan.

Hahawakan ng punong tagapagdiwang ang patena at kalis

at itataas habang binabanggit.

Sa pamamagitan ni Kristo kasama niya,

at sa kanya ang lahat ng parangal at papuri ay sa
iyo,
Diyos Amang makapangyarihan,
kasama ng Espiritu Santo magpasawalang hanggan.

R. Amen.

ANG PAKIKINABANG

37
Sa tagubilin ng mga nakagagaling na utos
at turo ni Hesus na Panginoon natin at Diyos
ipahayag natin nang lakas-loob:

Ama namin, sumasalangit ka.

Sambahin ang ngalan mo. Mapasaamin ang kaharian
mo. Sundin ang loob mo dito sa lupa para nang sa
langit.
Bigyan mo kami ngayon ng aming kakanin sa araw-
araw.
At patawarin mo kami sa aming mga sala para nang
pagpapatawad namin sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

Nakalahad ang mga kamay ng punong tagapagdiwang sa

pagdarasal:

Hinihiling naming
kami’y iadya sa lahat ng masama,
pagkalooban ng kapayapaan araw-araw,
iligtas sa kasalanan
at ilayo sa lahat ng kapahamakan
samantalang aming pinananabikan
ang dakilang araw ng pagpapahayag
ng Tagapagligtas naming si Hesukristo.

Pagdaraupin niya ang kanyang mga kamay.

Sapagka’t iyo ang kaharian

at ang kapangyarihan at ang kapurihan
magpakailan man! Amen.

Malakas na darasalin ng paring nakalahad ang mga kamay:

38
Panginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.”
Tunghayan mo ang aming pananampalataya
at huwag ang aming mga pagkakasala.
Pagkalooban mo kami ng kapayapaan
at pagkakaisa ayon sa iyong kalooban

Pagdaraupin niya ang kanyang mga kamay.

kasama ng Espiritu Santo magpasawalang hanggan.

R. Amen.

Ang kapayapaan ng Panginoon ay laging sumainyo.

R. At sumaiyo rin.

Ipahahayag ng Diyakono.

Magbigayan kayo ng kapayapaan sa isa’t isa.

Pagkatapos, hahawakan ng pari ang ostiya at hahati-hatiin
niya ito sa ibabaw ng pinggan at iasasawak niya ang kaputol
sa kalis habang pabulong niyang dinarasal:

Sa pagsasawak na ito
Ng katawan sa dugo ng aming Panginoong
Hesukristo
Tanggapin nawa namin sa pakikinabang
Ang buhay na walang hanggan.

Kordero ng Diyos, na nag-aalis ng mga kasalanan ng

sanlibutan, maawa ka sa amin.

39
Kordero ng Diyos, na nag-aalis ng mga kasalanan ng
sanlibutan, maawa ka sa amin.
Kordero ng Diyos, na nag-aalis ng mga kasalanan ng
sanlibutan, ipagkaloob mo sa amin ang kapayapaan.
___________________________________________________

Magkadaop ang mga kamay ng Pari sa pabulong na

pagdarasal.

Panginoong Hesukristo, Anak ng Diyos na buhay,

sa kalooban ng Ama kasama ng Espiritu Santo,
binuhay mo sa iyong pagkamatay ang sanlibutan.
Pakundangan sa iyong banal na katawan at dugo,
iadya mo ako sa tanang aking kasalanan at lahat ng
masama,
gawin mo akong laging makasunod sa iyong mga
utos,
at huwag mong ipahintulot na ako’y mawalay sa iyo
kaylan man.

Luluhod ang tagapagdiwang at pagtayo niya’y kanyang

hahawakan ang ostiya na itataas sa ibabaw ng pinggan.
Paharap sa mga tao siyang magsasabi ng malakas:

Ito ang Kordero ng Diyos.

Ito ang nag-aalis ng mga kasalanan ng
sanlibutan.
Mapalad ang mga inaanyayahan sa kanyang
piging.

R. Panginoon, hindi ako karapat-dapat na

magpatuloy sa iyo nguni’t sa isang salita mo lamang
ay gagaling na ako.

Siyay makikinabang ng magalang at nakayuko sa dambana

haabng patuloy na nagdarasal:

40
Ipagsanggalang nawa ako ng katawan ni Kristo
patungo sa buhay na walang hanggan.

Mapitagan niyang tatanggapin ang katawan ni Kristo.

Ipagsanggalang nawa ako ng dugo ni Kristo patungo

sa buhay na walang hanggan.

Mapitagan niyang tatanggapin ang dugo ng Kristo.

Pagkapakinabang ng lahat ipahahayag ng punong

tagapagdiwang ang panalangin pagkatapos ng komunyon.

PANALANGIN PAGKAPAKINABANG
Punong tagapagdiwang:

Manalangin tayo,

Ama naming mapagmahal,

ang banal na pakikinabang ay magpalakas
nawa sa amin
upang ayon sa halimbawa ni Apostol San
Andres
kaming mga umaako sa kamatayan ni Kristo
ay pagindapating mamuhay nangmaluwalhati
kaisa niya sa piling mo
sa pamamagitan niya kasama ng Espiritu
Santo magpasawalang hanggan.

Amen.

MARINGAL NA PAGBABASBAS

Obispo:

41
Sumainyo ang Panginoon
R. At sumaiyo rin.

Ipahahayag ng Diyakono

Yumuko kayo at hingin ang pagpapala ng Poong

Maykapal.

Magkakaroon ng saglit na katahimikan at ipahahayag ng

Punong tagapagdiwang:

Obispo:
Purihin ang pangalan ng Panginoon.

R. Ngayon at magpakailanman.

Ang tumutulong sa atin ay ang makapangyarihang

Diyos.

R. Na may gawa ng langit at lupa.

Pagpalain nawa kayo ng makapangyarihang Diyos

Ama +at Anak+ at ng Espiritu Santo+.

R. Amen.

Sasabihin ng Diyakono

Tapos na ang ating pagdiriwang humayo kayong

taglay ang kapayapaan upang ang Panginoon ay
mahalin at paglingkuran.

R. Salamat sa Diyos.

42
43