YAMANG TAO: PRODUKTO AT SERBISYO

Napakahalaga ng yamang - tao ng isang bansa. Lahat ng mamamayan ay nakikinabang sa

mga produkto at serbisyong ihahatid ng mga ito.

Ang mga kasapi ng pamilya na naghahanapbuhay ang gumagawa at kumikita para sa

pangangailangan ng mag-anak. Sila ang yamang - tao ng bansa.

Mga Yamang Tao na Nagbibigay ng Produkto

Pangunahing kailangan ng mga mamamayan ang produktong tulad ng pagkain, damit at

tirahan. May mga mamamayang nagtutulungan upang tugunan ang pangangailangang ito.
1. Magsasaka

Ang mga magsasaka ang nagtatrabaho upang matugunan ang mga pangunahing
pangangailangan sa pagkain. Kailangan dito ang bigas, gulay, prutas at pagkaing ugat tulad ng
kamote, patatas, ube, at iba pa. Sila ang nagtatanim at nag-aani ng mga produktong ito ay
nabibili sa mga pamilihan.
2. Mangingisda

Hinuhuli ng mga mangingisda ang mga isda at mga pagkaing dagat tulad ng hipon,
alimasag at pusit.
3. Arkitekto

Inihahanda ng arkitekto ang mga plano ng bahay, gusali at mga disenyo na bahagi ng iba't-
ibang konstruksyon. Katulong niya ang inhinyero upang mapabuti at maayos ang plano sa
anumang gagawing konstruksyon.
4. Panadero

Ang panadero ang gumagawa ng tinapay at iba pang mga produktong gawa sa arina tulad
ng cake, biskwit at cookies.

Manggagawa

Ang mga manggagawa naman ang gumagawa sa maraming produktong kailangan ng mga
mamamayan. Sa mga pabrika sila nagtatrabaho. Sila ang taga-gawa ng mga bagay na nabibili sa
mga pamilihan tulad ng sabon, asukal, kape at iba pa.

1. Mananahi
 Gumagawa ng mga damit para sa mga mag-anak ang mananahi. Kabilang din sa
kanilang ginagawa ang kurtina, punda ng unan, sapin sa kama at mantel.

2. Minero

Kinukuha ng minero ang mga likas na kayamanan tulad ng ginto, pilak, bakal at iba pa. Ang
mga ito'y ginagawang alahas. Sila rin ang nagmimina ng semento, buhangin, apog at marmol ng
ginagamit sa paggawa ng bahay.

3. Magtotroso
 Pinuputol ng magtotroso ang mga katawan ng punong malalaki at matatanda. Gingamit ang
troso sa paggawa ng bahay at iba pang mga bagay.

Mga Yamang Tao na Nagbibigay ng Serbisyo

Nagbibigay rin ng mga serbisyo o paglilingkod ang yamang tao upang matugunan ang
panagngailangan ng pamayanan.
1. Doktor, Nars, Dentista
 Gawain ng mga doktor at nars ang panganaglaga sa kalusugan sa panggagamot sa may sakit.
Ang dentista naman ang nangangalaga sa ngipin ng mga mamamayan.
2. Guro
 Mahalagang serbisyo ng mga guro ang turuan ang mga batang magbasa, magsulat at
magkwenta. Tinuturuan din ng yuro ang mga bata na maging mabuting mamamayang at
lumaking may magandang asal.

3. Pulis
 Tumutulong ang mga pulis upang maging ligtas sa panganib ang mga tao. Pinangangalagaan
nila ang katahimikan at kaayusan ng pamayanan. Sila ang humuhuli sa mga taong hindi
sumusunod sa batas.

4. Kaminero
 Magkatulong ang kaminero at tagahakot ng basura sa pagpapanatili ng kalinisan at kaayusan
ng pamayanan. Sa tulong nila, naiiwasan ang pagkalat ng mga sakit na dulot ng maruming
paligid.

5. Tsuper
 Ang pagmamaneho ng dyip, bus, traysikel at taksi ang serbisyong ibinibigay ng mga tsuper.
Sa tulong nila, nakararating sa iba't-ibang lugar na pupuntahan ang mga mamamayan.

6. Karpintero

Pangunahing gawain ng mga karpintero ang pagtatayo ng mga bahay at iba pang mga
gusali. Kinukumpuni rin nila ang mga sirang muwebles.
7. Tubero
 Ang pagkukumpuni ng sirang gripo ay serbisyo ng mga tubero. Sila ang katulng ng pamayanan
sa pagkakaroon ng tubig sa kabahayan.
8. Bumbero

Serbisyo naman ng mga bumbero ang pagsagip ng mga bahay at gusali sa sunog. Buhay ang
puhunan ng mga bumbero. Peligroso ang ganitong gawain.