MAHALAGANG

TANDAAN:

PUSOD AY
ALAGAAN, IMPEKSYON
AY IWASAN
KAILANGAN MONG MALAMAN

Ang pusod ng baby ay ang pinagtanggalan ng umbilical cord na nagdurugtong

sa sanggol at sa kaniyang ina noong ito ay nasa sinapupunan pa. Ito ay nakakabit sa
placenta o inunan at dinaraanan ng oxygen at mga nutrina na kailangan ng sanggol
habang siya ay nasa loob pa ng tiyan ng kaniyang ina.
Sa umbilical cord rin dumadaan ang mga dumi na lumalabas mula sa katawan
niya. Samakatuwid, ang umbilical cord ang nagbibigay buhay sa isang fetus bago ito
tuluyang maipanganak at lumabas sa mundo na kalalakihan niya.
Pagkapanganak, pinuputol ang umbilical cord ng isang sanggol dahil sa
kakayahan na nitong huminga, dumede at maglabas ng dumi mula sa kaniyang
katawan ng mag-isa. Mag-iiwan ng stump o maliit na parte ng umbilical cord sa labas
ng tiyan ng isang sanggol na hihiwalay at malalaglag din nang kusa kinalaunan.

Kapag napansin ang mga sensyales na ito sa pusod ng baby na bagong panganak,
dalhin agad ito sa doktor upang magamot at mabigyan ng kaukulang medikal na
atensyon na kailangan.
Nana sa pusod
Pagdurugo ng pusod
Pamamaga o pamumula ng pusod
Mabahong amoy mula sa pusod
Pagkakaroon ng isa sa mga sensyales na sinasabayan ng lagnat
Ang mga senyales na ito ay maaring sintomas na ng impeksyon o kumplikasyon sa
pusod ng baby na kung tawagin ay omphalitis. Ang omphalitis ay ang medikal na tawag
sa pamamaga o impeksyon sa pusod ng bagong silang na sanggol. Ito ay hindi
pangkaraniwan ngunit nakakamatay kapag napabayaan.

PAANO ALAGAAN ANG CORD O PUSOD NI BABY?

Panatilihing malinis at tuyo ang cord ni baby.
Kapag mainit ang panahon, pagsuotin lamang ng diaper si baby para mas mapabilis ang
pagtuyo ng cord.
Hayaan itong mahulog ang kanya.

TANDAAN
Ang natitirang pusod ng bata ay kusang natatanggal sa loob ng
1 hanggang 3 linggo. Huwag itong tangkaing bunutin sapagkat maaari itong
magdulot ng kumplikasyon.

MGA BAGAY NA MAAARING GAWIN SA PUSOD NI

BABY
Maaari itong ilagay sa scrapbook o sa memory book
Ibaon ito.
Gaiwn itong palamuti. (palamuti o kwintas)
Maaari mo itong i-frame.
Pwede mo itong tahini at ilagay sa laruan.
Maaari mo rin itong isama sa cord ng naunang anak.

TAMANG PAMAMARAAN NG PAGLINIS NG PUSOD

Maghugas ng kamay.
Kumuha ng malinis na bulak o cotton buds at basain ito ng malinis na tubig. Huwag
gumamit ng alcohol sapagkat naantala nito ang paghilom ng pusod.
Unang linisin ang paligid o base ng pusod.
Sa paglilinis, kinakailangang magsimula ito sa paikot na direksyon.
Siguraduhing hindi natatakluban ng diaper ang pusod upang mapabilis ang proseso ng
paghilom. Mangyari lamang na itupi ang itaas na bahagi ng diaper.

Alam mo ba?
Walang nerves ang umbilical cords o kabuuan ng pusod ng
baby, kaya hindi naman talaga masakit kung ito ay iipitin at
puputulin ng doktor, midwife, o nars. Para lamang silang
nagpuputol ng buhok!

PROSESO NG PAGHILOM NG UMBILICAL CORD

ANONG DAPAT GAWIN KAPAG NAGKAROON NG
IMPKESYON ANG PUSOD NG IYONG ANAK?
Kumonsulta agad sa pinakamalapit na ospital o health center.
Maaaring magreseta ng gamut ang doktor hinggil sa impeksyon. Sundin ang lahat
ng ipapayo ng doktor.
Ipa-admit ang iyong anak kapag ipinayo ng doktor.

TANDAAN
Ang simpleng impeksyon ay maaaring maging
sanhi ng mas malalang
kumplikasyon!