Republic Central Colleges 1

COLLEGE OF BUSINESS AND ACCOUNTANCY

Pagsusuri sa:

Kabanata 1:

TIMAWA
Ni Agustin C. Fabian

Isinumite nila:
Ayson, Ricky
Bano, Shiori B.
Bastona, Angel B.
Bernardo, Eunice B.
Besitulo, Dawn
Caluyo, Raffy D.
Cruz, Shermaine C.
Datu, Romina A.

Pangkat Dilaw

Isinumite kay:

Ms. Jennybell S. Villarosa

Guro
Sosyalidad at Literatura

A.Y. 2019 - 2020

 Republic Central Colleges 2
COLLEGE OF BUSINESS AND ACCOUNTANCY

I. PAMAGAT

Timawa ni Agustin C. Fabian, 1953

II. URI NG NOBELA/KWENTO
 KWENTONG PANGTAUHAN AT PAKIKIPAGSAPALARAN

Ang nobelang Timawa ay isang uri ng kwentong tauhan dahil

binibigyang diin ng nobelang ito ang karakter ng pangunahing tauhan, mga
hangarin, kalagayan at sitwasyon. Makikita sa Kabanata 1 kung ano nga ba ang
mga sinapit o pinagdaanan ni Andres Talon sa mga nagdaang taon. Isa sa mga
ito ay ang kahirapan, kaya siya ay nakipag sapalaran sa Amerika, namasukan
sa iba’t ibang bayan sa California na kasalukuyang taga hugas ng pinggan sa
isang ladies dormitory. Makikita ang hangarin nya na nais nyang makapag
patuloy ng pag aaral sa kursong medisina at magkaroon ng magandang buhay
upang hindi na muli maranasan ang pang aaping na nangyari sakanila ng
kanyang ama noon ng nasa murang edad pa lamang siya. Makikita mo ang
kanyang determinasyon at pagsisikap upang makamit ang kanyang mga
mithiin. Nabigyang pokus o diin ang balangkas ng istorya at ang buhay ng
isang mahirap na indibidwal na nagnanais ng pagunlad sa kanyang sariling
paraan.
III. BUOD/BANGHAY

Si Andres Talon ay isang Pilipinong mahirap na tinupad ang pangarap sa

Amerika. Siya ay naghuhugas ng pinggan sa isang ladies dormitory sa isang
unibersidad sa Amerika. Ito ang kanyang daan upang mag-aral sa kolehiyo ng
medisina. Naikwento niya sa kanyang mga kaibigan na sina Alice at Bill na
ang kanyang ama ay isang magsasaka at noong pista ay isinama si Andres ng
kanyang ama sa bahay ng kanilang amo na may-ari ng lupang kanilang
sinasakahan.Sa hindi inaasahan ay dumating ang donya na asawa ng kanyang
amo at pinagmumura sila at sinabihang timawa.Hindi niya naintindihan ang
ibig sabihin ng timawa kung kaya't ipinaliwanag ito ng kanyang ama. Hindi
niya makalimutan ang ibig sabihin nito pero ginamit niya ito upang magsikap
siya sa pag-aaral. Noong nakapagtapos siya ng intermedya ay siya namang
pagkasawi ng kanyang ama sa sakit na pulmonya. Isa rin sa kanilang
napagusapan ay ang pangangailagan ni Andres na magaliw-aliw habang
inaabot ang pangarap. Malalim na ang gabi ay natapos na rin ang kanilang
usapan at hinatid na ni Andres si Alice sa kanyang tahanan.
IV. PAKSANG-DIWA
 Republic Central Colleges 3
COLLEGE OF BUSINESS AND ACCOUNTANCY

Ito ay isang parte ng buhay ng Pilipinong namulat sa kahirapan at kung

paano siya nagsumikap upang malampasan ang matinding kahirapang minsan
naging daan upang tawagin siyang "timawa". Itinampok sa nobela ni Fabian
ang pakikipagsapalaran sa Estados Unidos ni Andres Talon na pumasok sa
kung ano-anong trabaho tulad na lang ng pagiging manggagawa at isang
weyter. Higit pa rito, ipinaksa ng nobela ang isa sa mga kasalukuyang isyu ng
Pilipinas, ang maling pagtrato ng nasa itaas ng estado pati na rin ang hindi
matigil tigil na diskriminasyon.
V. TAGPUAN
 AMERIKA

Sa bansang ito nakipagsapalaran ang pangunahing tauhan na si Andres

Talon. Dito niya rin nakilala ang mga kaibigang nagbago sa kanyang buhay na
si Bill at ang dalagang naging bahagi ng buhay niya, si Alice. Sa kabanatang
ito ng nobela, ipinakita na hindi lahat ng mga Amerikano ay masama ang
tingin sa mga Pilipino kahit magkakaiba sila ng kulay ay nagkakatulad pa rin
sila sa maraming bagay.
VI. PAGLALARAWANG-TAUHAN

PROTAGONISTA

 Andres Talon. Filipinong nagsikap sa buhay upang makapag-aral sa

Amerika na isang anak ng magbubukid sa Pilipinas. Nais makaahon sa
kahirapan sa kadahilanan ng minsang pagmamaliit ng isang mapagtaas na
Donya. May adhikaing makatulong sa mahirap at turuan ng leksyon ang
mga mapang-api.

MGA KASAMANG TAUHAN

 Alice. Amerikanang naging matalik na kaibigan at may pagtangi kay

Andres, maputi at maganda. Nagtatrabaho rin para makapagtapos ng
pagaaral.
 Republic Central Colleges 4
COLLEGE OF BUSINESS AND ACCOUNTANCY

 Bill. Amerikanong kaklase ni Andres na tulad din niya ay nagsisikap

upang gumanda ang buhay. Siya ang naging kaibigan at katuwang nito sa
problema.

VII. PANANAW/PUNTO DE BISTA

IKATLONG PANAUHAN

Itinalakay ng tagapagsalaysay ang kwento sa paraan na siya ay labas sa

mga pangyayari ng nobela. Ito ay ang paglalahad na nagbibigay pokus sa mga
taong pinaguusapan.
VIII. ISTILO AT PAGKAMASINING

Si A.C. Fabian ay gumamit ng ikatlong panauhan sa nobelang Timawa

na kanyang isinulat, na kung saan ay nagsasalaysay ang narrator na labas sa
pangyayari sa akda. Sa kanyang nobela, ipinapakita nang mahusay ang iba’t
ibang pag-uugali ng tao, kitang kita ito sa mga diyalogo na nasa nobela. Dito
rin ipinakita ang sakit ng lipunan na Diskriminasyon na nakita sa paguuri ng
mga tao dahil ang iba ay Pilipino at ang iba namang tauhan na ginamit ay
dayuhan. Maganda ang pagkakasulat ng nobela sapagkat hanggang ngayon ay
hindi pa rin kumukupas ang mga isyung pumapaloob dito. Sa unang kabanata
palang ng nobelang ito ay mawawari na kaagad kung saan ito patungkol,
inilalahad ang katayuan ng bawat tao, binigyan ng pansin ang mga lugar,
pangyayari at mismong tauhan ang ginamit upang maging simbolo ng mga
isyung nais nitong ipahiwatig sa atin.

IX. BISANG PANDAMDAMIN

Ipinakita sa nobela na ito na si Andres, isang mahirap, ang nagsumikap

upang maabot ang kanyang pangarap. Naabot niya ito sa pamamagitan ng
kanyang sipag, tiyaga at diskarte. Katulad ng naisaad, ang diskriminasyon ay
nararamdaman pa rin ng karamihan. Mayaman man laban sa mahirap
makapangyarihan man laban sa mahina at iba't iba pang klase ng
diskriminasyonang nararamdaman ngayon. Tila nakakalungkot dahil ang mga
 Republic Central Colleges 5
COLLEGE OF BUSINESS AND ACCOUNTANCY

kaganapan sa kwento ay nananatili parin sa realidad, kasalukuyang

nararanasan ng mundo. Isinulat din ito ni Fabian dahil napunta na rin siya sa
parehong katayuan ng mismong tauhan, nagtiyaga para umunlad. Dapat lang
tayo magtiwala sa Diyos at maging masipag at lalong-lalo na maging matiyaga
dahil hindi lahat ng ating ninanais ay makukuha natin sa madaling paraan.
Paghirapan at pagtiyagaan ang sagot sa magandang kinabukasan. Kung
titignan ang pokus ng kwento, ito ay nagpapaksa sa buhay ng isang mahirap o
hindi kataasan ang estado kaya lalong mas nagbigay ito ng koneksyon sa mga
mambabasa.
X. BISANG PANGKAASALAN

Lingid sa ating kaalaman na ang buhay ay tunay ngang hindi madali.

Madalas ito ang naguudyok sa ating gumawa ng mali o di kaya nama'y
magpursigi. Gaya na lamang sa akdang "Timawa" naging daan ang kahirapang
dinanas ni Andres sa buhay upang lalong magpursigi. Tinawag silang timawa
na ang ibig sabihin ay parang aso na tumatak kay Andres kung kaya't ganun na
lamang ang kanyang pagpupursigi. Hinubog sya ng kanyang mga pinagdaan
upang maging kung sino man sya ngayon.
XI. BISANG PANGKAISIPAN

Tunay ngang hindi madali ang buhay, kung kaya't gaya ni Andres ay
dapat tayong magsumikap. Gamitin ang mga pinagdaan upang lalong abutin
ang mga pangarap, na kailanman ay hindi naten papanatilihing niyuyurak lang
ng matataas ang mababa. Ngunit gaya ng sabi ni Alice at Bill, dapat din na sa
kabila ng pagsusumikap ay huwag din nating kalimutan ang pagkakaroon ng
saya sa buhay. Walang masama sa determinasyon na makamit ang pangarap,
ngunit nararapat na may galak habang tinatahak ito.

XII. IMPLIKASYON SA LIPUNAN

Ang kwento ng Timawa ay nagtatalakay sa makatotohanang kaganapan

sa buhay ng isang naghahanapbuhay na Pilipino sa ibang bansa particular na sa
Estados Unidos.. Nangyari ang kwento bago at hanggang matapos ang
ikalawang pandaigdigang digmaan. Ibinahagi ng manunulat ang isang sakit ng
lipunan, ito ang diskriminasyon ng mayayaman laban sa mga mababa ang
estado sa buhay. Ito ay naipakita ng ang Donyang may ari ng lupain noong
araw ng kapistahan ay kanyang minaliit ang mga magsasaka at halos
pagdamutan ng pagkakataong kumain. Hindi maikakaila na mula noon
hanggang ngayon ay nakararanas pa rin ng ganitong uri ng pagmamaliit ang
 Republic Central Colleges 6
COLLEGE OF BUSINESS AND ACCOUNTANCY

mahihirap. Napagkakaitan ng karapatan ang mga mahihirap dahil madalas ay

hindi nila alam ang kanilang mga karapatan bilang mamamayan kung saan
namaninaabuso ng mga mayayaman ang pagkakataong ito. Nararapat na
magkaroon ng pagtutulungan, mayaman man o mahirap na maintindihan ang
sitwasyon ng bawat isa kasabay ng pagkakaisa sa ikakaunlad ng bayan.
XIII. TEORYANG PAMPANITIKAN

TEORYANG EKSISTENSIYALISMO

Akmang-akma ang Teoryang Eksistensyalismo sa nobelang Timawa ni

Agustin C. Fabian dahil ito ay tumatalakay sa masalimuot na buhay ni Andres
Talon, isang mahirap na estudyanteng inupasala ng kababayan subalit nagpilit
tumindig sa sariling mga paa at para makapagtapos ng kurso sa Amerika.
Ipinakita sa sa kabanatang ito na si Andres Talon ay panginoon ng kanyang
sariling landas at buhay. Ang tauhan na ito ay may kakayahang suriin ang
sariling personalidad sa isang obhetibong paraan, tawanan ang sariling
kahinaan at pagkakamali, at tanggapin nang buong tapang ang kanyang
pagkatao. Naipakita ang proseso ng pagiging mabuting tao at hindi
pagkakaroon ng maayos na sistema ng lipunan lalo na sa pagkokonsidera sa
karapatan ng bawat nilalang.
XIV. KAHALAGANG PANGKATAUHAN

Nakasaad sa kwento na ito ang mahirap ngunit napakagandang

karanasan ni Andres sa kanyang buhay. Maging huwaran at magandang
ehemplo sa atin si Andres na lubhang napakasipag at napaka positibo sa buhay.
Hindi hadlang sakanya ang mga pagsubok na kanyang pinagdaanan. Magsilbi
sana itong aral sa ating takbo ng buhay na kahit gaano pa kahirap ang iyong
pinagdadaanan ay hindi ito sapat na dahilan upang sumuko. Maraming paraan
upang tayo'y bumangon ulit sa ating pagkalagakpak sa kabiguan. Gawing
pinanggalingan ng lakas at motibasyon ang mga malungkot o masidhi na
karanasan ng buhay at ituring itong dahilan para mas magpursigi sa pagtahak
papunta sa mga minimithi sa mundong ibabaw.