年立法會選舉，非建制有可能攞倒過半數議席

2020
嗎？個答案係……
無神論者的巴別塔
Dec 14, 2019 · 8 min read

基於區選會選舉⼤勝，開始有唔少⼈諗，可唔可以食住呢個勢，響2020年贏倒立法會
過半數議席呢？本⾝作為⼀個焦⼟派權威，當然同時對⽬前嘅議會形勢有相當認識
（唔係點制訂焦⼟策略？），由我黎講唔敢講係最準確，但必然係最客觀。
⾸先要答呢個問題，我地⼀定要有三⼤前設條件：
⼀係政府唔會響響選舉入⾯作出嚴重舞弊、同埋響選舉過後駛橫⼿DQ當選議員──呢
個機會係極⼤，尤其係共產黨唔會容忍失去立法會控制權；
⼆係當選後嘅非建制議員唔會響關鍵投票時變節──其實呢樣嘢直頭係現在進⾏式，陳
沛然⽀持⼀地兩檢、梁繼昌李國麟莫乃光投票⽀持⽔炮⾞撥款……⽽當你有愈多非建
制議員當選，意志薄弱、容易被收買嘅機率亦愈⾼；
三係焦⼟派唔發動焦⼟⾏動──雖然焦⼟派票數係少，但響立法會過半數呢個每票掹掹
緊嘅情況入⾯，卻係扮演致命嘅關鍵少數。老實講，如果呢個問題係響6⽉9⽇前問
我，焦⼟⾏動係⼀定會進⾏，但經過6個⽉嘅抗爭，飯⺠主派似乎係覺醒咗少少，所
以焦⼟派都仲可以觀察⼀輪先再作決定，但⽽家個情況最多只係未決定；
但點解要有呢三個前設呢？因為如果連呢三個前設都無，條問題經已唔駛再答落去，
個機會率就經已等如零。
其次立法會過半數都有兩種情況：⼀種係功能組別同直選組別過半，另⼀種側只係單
純過半數，功能組別仍然比建制派控制住。兩種情況嘅分別就在於分組點票問題。如
果直選、功能組別都過半數，咁立法會就真係實質上比非建制派控制咗，因為連私⼈
法案都可以經分組點票通過；
但如果只係純粹總議席過半數，但功能組別唔過呢？咁建制派就可以響功能組別上⾯
阻撓所有私⼈草案通過，⽽政府則控制住政府法案嘅提案權。然⽽即使係咁，擁有過
半數議席嘅非建制派都經已有好多嘢玩：
1. 立法會主席將會有非建制派⼈⼠擔任（同票則抽籤，有⼀半機會），整個會議議程
將會有非建制派操控；
2. 財委會將會由非建制派控制，換⾔之撥唔撥款將會由非建制派決定；

3. 所有事務委員會正副主席由非建制派控制，議案排期、討論形式、討論時間，全部
都係由非建制派決定；
4. 雖然建制派響功能組別仍然可以扮演關鍵否決權⾓⾊，阻⽌所有私⼈草案通過；但
掉番轉非建制派亦可以擁有「絕對否決權」，否決任何政府呈交嘅立法條例同撥款申
請，換⾔之個政府做乜都要同非建制派傾過先
咁答番頭先個問題：究竟非建制派有無可能奪得議會過半數呢？功能組別同直選同時
過半係無可能；⾄於單純過半就係數字上有可能，機會好微──只係比完全無多少少，
但⾄少唔係好似上幾屆咁，個或然率係0。
做成呢個差別係因為響區議會選舉非建制⼤勝，立刻令區議會功能組別多咗⼀席；同
時⼤勝令好多香港⼈覺得選舉有番希望，開始會有⼼機花時間響功能組別玩嘢、⽤唔
同⽅式成為界別選⺠，令到有幾個建制派控制嘅界別立刻鬆動咗；基於立法會議員唔
係建制派就係非建制派，70席幾來幾回就可以成個控制權出現逆轉。
先講比較簡單嘅地區直選先。2016年選舉其實都算贏得幾盡，除咗新⻄李卓⼈比雷動
害死、九東⿈洋達快必互隊⽽死，基本上其他區都叫做應贏嘅議席都已贏哂番黎──尤
其係港島陳淑莊幾乎比雷動累9死，只係贏2000幾票，（當然你都可以當王維基係非
建制派），九東排最後⼀名係譚⽂豪⽽唔係⿈國健。
基於比例代表制好難響陣營上⾯有咩激烈變動，最多都係尾果⼀兩席互換咁樣，所以
你可以預期區選⼤勝效應就係令到原先贏咗嘅非建制議席更加穩陣，假如九東今次⿈
洋達真係如佢所⾔唔再參選，⼜或者快必尊重上次選舉票數比⿈洋達低⽽主動退出嘅
⼀席，以及新⻄咪撚再搞雷動靠害，將何君堯踢出局，咁非建制就會響直選攞倒最理
想嘅21席，距離過半數⽬標仲有15席，單純要半數嘅則係14席。
⾄於功能組別就複雜得多。⽬前非建制派響功能組別係有8+2席，因為⽀持⾼鐵撥
款、曾經為龐愛蘭助選嘅李國麟，⾃稱中間派、⽀持⼀地兩檢嘅陳沛實在太⿁，根本
係連飯⺠都不如。除此之外，包括有3席超級區議員、教育界、法律界、會計界、社
福界、資訊科技界，咁計埋就有10席非建制。
有唔少⼈話下屆姚松炎可以選番被DQ嘅建築測量界，⼜話超區可以選到4比1，我只
能夠話佢地係痴⼼妄想。建築測量界當⽇係因為有兩位建制派出黎互鎅先輸比你，之
後補選司⾺⽂已⼤敗比謝偉銓；另外就算區議會⼤選個得票比率都係非建制58% vs.
建制41%，比例代表制點都無可能贏倒4席──更何況你要調走啲選⺠去其他功能界別
添？
咁仲爭5席表⾯上睇係好遙遠，但因為區議會非建制過半數，換⾔之功能組別果個區
議會（⼀）變咗係非建制派囊中物，換⾔之要過半數只差4席，只求35席半數更只差3
席。
咁剩番果22席功能組別入⾯，有邊幾席係比較鬆動架呢？⾸當其衝當然就係飲食界，
因為⽽家⼤家都講⿈⾊經濟圈嘛，咁只要你擁有超過12個⽉嘅飲食牌照，就可以立刻
擁有⼀票，⽽當⽇張宇⼈都只係有2400票就當選，要擊敗佢好似就唔係咁難──
所以點解唔好成⽇鬧⼈係「扮藍店」就係咁解：唔比⼈轉⿈，⼜點響選舉投你⼀票
呢？如果真係想贏呢席，所有食客都應該落去啲⾃稱⿈店嘅食肆度，迫個老闆登記做
咗選⺠，同埋應承之後只會幫非建制候選⼈助選先，你去幫襯佢，其實就係「派蛇齋
餅糭」比啲食肆東主投你⼀票。
再之後呢？Sorry，無啦。因為無論係勞⼯界、 體育、演藝、⽂化及出版界定係批發
及零售界，全部都⾄少要響出年5⽉前12個⽉經已成立相關註冊團體、公司然後再入
指定⼯會，換⾔之就算比你⽽家種倒入去，都要響2024年選舉先可以投倒票。
結果剩番果半數果3票（⼀半就係2票），你都係要走番去祈求深藍界別嘅建築及測量
界、體育、演藝、⽂化及出版界現有嘅選⺠會唔會良⼼覺醒；⼜或者地區直選九⻄、
港島會有咩奇跡發⽣令只存在於數字上可能性嘅結果出現偷多⼀席，唔係的話，非建
制33席(地區21+功能12)vs建制派37(地區14+功能23)應該就係出年立法會選舉嘅最
合理戰果。
去到呢度可能有⼈會話：「咁多都係爭兩席啫，再努⼒啲邊個話無可能過半？」

咁我⼜要響度潑下冷⽔：⽽家個重點唔係努⼒唔努⼒，⽽係當你只重視議席多寡、⽽
完全唔理選出黎嘅議席質素的話，就算真係比你飯⺠過半⼜如何？記唔記得當⽇梁耀
忠點樣棄兵曳甲將個主席位拱⼿讓比梁君彥？陳沛然多番為政府護航護到響連我都唔
會再當佢係飯⺠黎抽稱。只不過因為佢響D100做主持、同埋響6⽉之後多講幾句公道
話，⼜比⼈當番係⺠主派；
莫乃光梁繼昌李國麟點樣以狗屁不通嘅「公共財政原則」為理由，幫政府護航通過⽔
炮⾞撥款？係咪無⼈記得，當葉建源收咗林鄭額外科⽔四⼗幾億嘅教育經常性開⽀
後，就響施政報告致謝動議投贊成票公然勾結？仲有當⽇⺠主黨走入中聯辦密室談判
呢？你點保證佢地響立法會過半後唔再出賣選⺠比共產黨？
所以你班飯⺠與其⽇⽇發住⽩⽇夢，濕哂咁諗住有⽇立法會過半數可以點點點，其實
更加應該做嘅，係認真咁監察番你地選出黎嘅議員究竟響上屆有無盡⼒守護香港、唔
撚合格嘅議員：好似陳沛然、李國麟、莫乃光、梁繼昌、葉建源之流，趁住⽽家⺠意
情熾熱，就好應該換番啲意志堅定、真係有⼼抗爭嘅⾏業素⼈取⽽代之清瘀⾎，否
則，純粹過半⼜好，直選功能組別同時過半也罷，轉過頭只係比呢班政棍吊⾼黎賣港
嘅機會。
延伸閱讀：
組織「前線科技⼈員」淪為莫乃光走狗，為飯⺠缺席投票護
IT
短
已重覆講咗幾次，但怕有⼈唔知：「前線科技⼈員」原先係為反對創
科局⽽成立，於立場上理應與⽀持創科局成立嘅莫乃光對立；但係…
medium.com

涂謹申趕郭偉強出場，⿈屍興奮到⼀地都係：但知唔知，今朝
呢個會議原先就係可以避免，⽽個罪⼈就係涂謹申？
今⽇立法會《逃犯條例》修訂法案委員會第⼀⽇開會，由於尚未正式
選出主席，所以就由「最資深議員」涂謹申充當主席，結果就出現…
medium.com

飯⺠⿈屍永遠不敢⾯對的事實：致謝林鄭動議李國麟投贊成
票，葉建源投棄權票，陳淑莊郭榮鏗莫乃光梁繼昌與政府完…
之前⾒倒《線報》有評論話今時今⽇「施政報告致謝動議」已淪為長
達3⽇廢噏爭Soundbite曝光、唔知浪費幾多罐午餐⾁、爭論嘅卻係連…
medium.com
飯⺠⿈屍不敢⾯對的事實：李國麟承認專業議政連續兩年策略
性賣港
施政報告致謝動議表決醜聞愈挖愈臭，李國麟就⾃⼰響致謝動謝投贊
成票解釋時表示，呢個係專業議政成員間嘅**分⼯**，就住議案進…
medium.com

Sign up for free, Reward

creators

45 Likes

About Help Legal