Masusing Banghay sa Filipino

(Ikalawang Baitang)

I. Mga Layunin:

Sa pagtatapos ng aralin, ang mga mag – aaral ay inaasahang:

a) nalalaman ang mga salitang magkasingkahulugan at
magkasalungat,
b) nauunawaan ang magkasingkahulugan at magkasalungat; at,
c) nakapagbibigay ng kasingkahulugan at kasalungat ng mga salita.

II. Paksang Aralin: Wika

Paksa: Magkasingkahulugan at Magkasalungat
Sanggunian: Ang Bagong Batang Pinoy 2
Kagamitan: Panturong biswal, mga larawan, handouts

III. Pamamaraan:

Gawain ng Guro Gawain ng Mag - aaral

1) Panimula

Magandang umaga, mga bata.

Magandang umaga din po,

Bb. Cha.

Magsitayo ang lahat para sa

panalangin.

(Magtatawag ng isang mag-aaral

ang guro para manguna sa
panalangin.)

Sa ngalan ng Ama, ng Anak,

at ng Espiritu Santo. Amen.
Panginoon,

Bago kayo umupo, pakipulot ng

mga kalat sa ilalim ng inyong
mga upuan.

(Magpupulot ang mga bata ng

mga kalat sa ilalim ng
kanilang mga upuan.)

Mayroon bang lumiban sa klase

ngayon?
 Wala po, Bb. Cha.
Okey, mga bata.Sa araw na ito,
ay may bago tayong paksang
tatalakayin pero bago yun, puwede
bang pakilarawan niyo ang mga
litratong hawak ko?

Opo, Bb. Cha.

Anong nakikita o masasabi

niyo sa mga litrato? Bago sumagot,
basahin muna natin ang mga salita.

(Magbabasa ang mga bata ng

mga salita sa larawan.)

Ngayon, mga bata, ano ang

napapansin niyo sa mga litrato?
Mga parehas po, Bb.
Cha.
Paano naman sila nagkakapareho?

Pareho po sila ng litrato kahit

iba ang salitang ginamit sa
bawat isa.

Tama! Ngayon naman, paano

naman ang mga larawang ito?

Mga magkabaliktad po na
mga salita.

Paano sila nagkakabaliktad?

Yung isang litrato po gaya ng

lapis, yung isa mahaba yung
isa naman ay maikli.

Saka po yung sunod pong

litrato, makapal ang isang
libro, manipis naman ang isa
pa.

Yung huli po, marami ang

isang litrato ng saging
samantalang kaunti yung isa
pa.
 Ang galing niyo, mga bata.
Ang magiging paksa natin ay mga
salitang magkasingkahulugan at
magkasalungat.
Kapag sinabing magkasingkahulugan
ang dalawang salita, ibig sabihin ay
pareho ang kanilang kahulugan.
Sa kabilang banda, kapag sinabing
magkasalungat ang dalawang salita,
ibig sabihin ay magkaiba ang
kanilang kahulugan.
Naiintindihan ba, mga bata?

Opo, Bb. Cha.

Kung naiintindihan ngang talaga,

ano nga ang magkasingkahulugan?

Magkasingkahulugan po ay
Mga salitang magkapareho po
ang kahulugan.

Tama! Ano naman ang magkasalungat?

Magkasalungat po ay mga
salitang magkaiba po ang
kahulugan.

Tama! Ang galing niyo, mga bata.

2) Pagmomodelo

Ngayon naman para mas malinaw

at mas maintindihan niyo ay
magbibigay pa ako ng iba pang
halimbawa.

(Magpapakita ng iba pang litrato

ang guro at ipapasa sa mga bata.)
Ang mga salita sa unang litrato
ay mga salitang magkasingkahulugan
habang ang pangalawang litrato ay
mga salitang magkasalungat.

(Ibibigay din ng guro ang kasalungat o

Kasingkahulugan ng mga salita.)
3) Patnubayang Pagsasanay

Ngayon naman, mga bata, ay kayo

naman ang magbibigay ng
kasingkahulugan at kasalungat
ng mga salitang ibibigay ko.Tatawag ako
ng magsusulat ng kanyang sagot sa
pisara kaya yung mga hindi ko tinawag ay
isusulat ang sagot sa inyong mga papel.
Handa na ba?

Opo, Bb. Cha.

(Tatawag ang guro ng isa o dalawang

mag – aaral upang sumulat sa pisara
ng kanilang mga sagot.)

Una, ano ang kasingkahulugan ng

daloy?

Agos po, Bb. Cha.

Pangalawa, ano ang kasalungat ng

matangkad?

Maliit po, Bb. Cha.

Sunod naman, ano naman ang

kasingkahulugan ng litrato?

Larawan po.

Panghuli, ano ang kasalungat ng

araw?

Gabi po, Bb. Cha.

4) Pangkatang Pagsasanay

Mga bata, ngayon naman ay

ipapangkat – pangkat ko kayo.
Sasagutin niyo ang ibibigay kong
papel para sa inyong pangkat.
Kailangan niyong magtulungan
upang masagot ang mga nasa
papel at dapat ay walang maingay
o malikot dahil babawasan ng isang
puntos ang maingay na pangkat.
Naiintindihan ba, mga bata?
 Opo, Bb. Cha.

Mabuti naman kung ganun.

(Ipapangkat ng guro ang mga bata

at magbibigay ng gawain sa kanila.)

Pagkatapos sagutan ay babasahi

niyo yan, mga bata, sa unahan.
Okey po?
Okey po, Bb. Cha.
 (Babasahin ng mga bata ang
Sagot ng kanilang grupo.)

(Mamarkahan sila ng guro gamit

ang rubrics na nasa baba.)

BATAYAN PUNTOS
1) Tamang Sagot 3
2) Magandang Pag-uugali 1
3) Koordinasyon sa Grupo 1

(Sasabihin ng guro ang kanyang

marka sa mga bata.)

5) Malayang Pagsasanay

Mga bata, para sa huling gawain

ay sasagutan niyo ang ibbigay kong
papel. Bawat isa sa inyo ay bibigyan
ko para makita ko kung talagang
naiintindihan niyo ang paksa natin
ngayong araw. Lapis lang ang
kailangan at hindi ang bibig,
naiintindihan ba?

Opo, Bb. Cha.

 Mga Sagot:
1. Malusog at Payat
2. Madumi at Malinis
3. Makapal at Manipis
4. Mataas at Maliit
5. Malungkot at Masaya

Okey, mga bata, baba na ang lapis

at ipasa na ang papel sa unahan.
Ano ang mga sagot?
 (Ipapasagot ng guro sa mga bata
ang nasa papel sa pamamagitan
ng recitation.)

Ang gagaling, mga bata.

6) Paglalahat

Mga bata, ano nga ang

magkasingkahulugan?

Ang magkasingkahulugan po
ay mga salitang may parehong
kahulugan.

Tama! Sino ang makapagbibigay ng

halimbawa?

(Magbibigay halimbawa ang

mga bata ng mga salitang
magkasingkahulugan.)

Ano naman ang magkasalungat?

Ang magkasalungat po ay
mga salitang magkaiba ang
kahulugan.

Magaling! Ano naman ang mga

halimbawa ng mga salitang
magkasalungat?

(Magbibigay halimbawa ang

mga bata ng mga salitang
magkasalungat.)

IV. Ebalwasyon:

Para sa inyong ebalwasyon, sagutin

ang nasa papel. Magtsetsek tayo ng
inyong mga sagot pagkatapos ng lahat.

Okey po, Bb. Cha.

(Pagkatapos ng 5 minuto…)

Okey, mga bata, makipagpalitan na

ng papel sa inyong katabi at sasagutin
natin ang mga tanong.

(Magpapalitan ng papel ang

mga bata at sasagot na sa
mga bilang sa ebalwasyon.)

(Kapag tapos na sa pagsagot

ay magtatanong ang guro ng puntos
ng mga bata.)
 Mga bata, sino ang nakakuha ng
Perpektong puntos? Sino may isang
mali? Dalawang mali? Tatlong mali?
Isang tama? Walang tama?

(Itataas ng mga bata ang

kanilang mga kamay para
ipakita kung ilan ang nakuha
nila.)

V. Takdang – Aralin:

Para sa inyong takdang – aralin,

magbigay ng iba pang halimbawa ng
magkasingkahulugan at
magkasalungat na hindi nabanggit
sa ating tinalakay ngayong araw.
Isulat ito sa inyong booklet.

Okey po, Bb. Cha.

Paalam, mga bata.

Paalam din po, Bb. Cha.

Kita ulit tayo sa susunod.

Opo, Bb. Cha.

Prepared by:

CHARLENE M. SALVADOR
Teacher Applicant