MUSIKA

By: Glory Vic S. Abellano

Himig ng isang musika

Sa akin ay mahalaga
Sapagkat sa bawat letra
Ay ramdam ko ang ligaya

Na tila di kumukupas
Ala- alang nkalipas
Noong tayo ay masaya
At nagmahalan ng wagas

Ngunit batid kong nag -iba

Damdamin sa isa’t-isa
Dahil tayo’y pinagtagpo
At tuluyang pinaglayo

Ngunit lahat may hangganan

Ang lahat ay may dahilan
Dahil ang isang tulad ko
Ay mayroong natutunan

Kakamping Kaibigan
By: Glory Vic S. Abellano

byby
Tubig kang bumubukal ,mula sa kung saan
At angking panimdim, iyong hinugasan
Sa lailm ng ulap, naghintay ng ulan
Hanggang sa ikaw ang aking sasumpungan.

Apoy kang lumiyab sa dilim ng gabi

Sa sandaling ang buwan ay hindi sumaksi
Inakay mo aking walang dili-dili
Sa lagim at puot, ikaw ang kakampi

Hangin kang tumula sa ‘king mga pakpak

Upang sa paglipad, di ako pumalpak
Kasama kang binagtas, ang daan ng balak
Na pinagpigaan ng gali at galak

Lupa kang sasalo, sa aking kawalan

Sa puso binaon, masayang larawan
Ating pagkabata saying kamusmusan
Nasa kaha-kahapo’y binabalikan.

Ang ngiti’t halakhak sa dibdib at puso

Ihain sa ibang may luhang bumubugso
TIyak magagalak ang langit at berbo
Paglalaanan ka nitong Paraiso.