Epekto ng Modernisasyon ng Wikang Filipino sa Pag-aaral ng mga
Senior High School sa Immaculate Heart of Mary Academy
Napakahalaga ng papel na ginagampanan ng wika noon at maging ngayon sa
kasalukuyan. Nagiging tulay ito tungo sa kapayapaan ng bansang Pilipinas. Mas nagkakaintindihan ang bawat mamamayan dahil madali at malayang naipapahatid ng mga Pilipino ang kanilang saloobin at kaisipan. Wikang Filipino rin ang nagiging susi tungo sa pagkakaisa ng mga Pilipino na siyang kadahilanan ng patuloy na ag unlad ng ekonomiya ng Pilipias. Ang pananaliksik na ito ay patungkol sa epekto ng modernisasyon ng wikang filipino sa pag-aaral ng mga Senior High School sa Immaculate Heart of Mary Academy. Ako ay humantong sa paksang ito dahil napapansin ko na maraming kabataan o estudyante sa panahon ngayon ay iginugugol ang karamihan sa kanilang oras sa pagbababad sa mga social networking sites. At napuna ko din na dahil sa social networking sites na ito ay tila ba maraming bagong salita ang lumilitaw na siyang maaaring nagbubunsod ng modernisasyon ng wikang Filipino. Nais ko ding malaman kung indikasyon ba ito na patuloy ang pagyabong ng wikang Filipino. Ngunit sa kabilang dako naman natapunan ko din ng pansin na tila ba unti-unting naglalaho ang ibang mga kinagisnang salita. Kasabay ng modernisasyon at paglunsad sa mga makabagong teknolohiya ay patuloy din ang pag-unlad at pagbabago ng Wikang Filipino. Halimbawa na lang ay ang paggamit ng ibat- ibang paraan upang mas mapaikli ang pagbigkas at ang baybay ng wikang Filipino at ilang halimbawa ng pagpapalawak ng bokabularyo ay ang paggamit ng akronim o ang paggamit ng mga letra na sumasagisag sa isang salita o tumatayo bilang kahalili ng isang salita upang mas madaling maintindihan. Sumunod na halimbawa ay ang pagpapalit ng mga salita na ginagamit noong unang panahon upang mas magandang bigkasin at pakinggan. At ang pinakauso sa panahon ngayon ay ang paggamit ng mga balbal na salita—ang pinakamababang antas ng wika na karaniwang ginagamit ng mga kabataan. Ang mga mag-aaral sa urban ay gumagamit ng ibat-ibang pagpapalawak ng
bokabularyo na nakakaapekto din sa kanilang pamumuhay maging sa lipunan at ekonomiya.