Professional Documents
Culture Documents
Marso17-Gawain Sa Fil
Marso17-Gawain Sa Fil
Marso17-Gawain Sa Fil
"Malinis na pamahalaan", "matino at tapat na taong nasa pwesto", walang kurakot na gobyerno", "libreng
edukasyon", "trabaho", "tamang sahod", "lupa", "pabahay"..... Ito na ang laging sinasabi ng mga kandidatong
nangangailangan ng boto ng manggagawa at maralita para masungkit nila ang kapangyarihan sa bulok na
pamahalaan.
Bawat isa sa mga kandidato ay nagsasabing "ako at ang aking partido ang may tunay na plataporma at
programa para maiahon ang sambayanan mula sa kahirapan". Ilang dekada na ba nating narinig na naghirap
diumano ang bansa dahil sa "maling pamamahala", dahil "hindi mga tamang tao ang naluklok sa gobyerno".
Ang administrasyon naman ay laging nagsasabing wala sa kanila ang problema kundi "hindi sapat na panahon
ng panunungkulan" ang siyang dahilan kung bakit ang mga pangako ay hindi natupad. Ang nasa administrasyon
ay sinisisi ang lahat maliban sa kanilang sarili sa mga kapalpakan.
Matagal na nating alam na ang nais lamang nila ay uupo sa pwesto para lalo pang magpayaman. Kaya nga ang
iba sa ating mga kapatid ay ginawa na lamang "pantawid-gutom" ang eleksyon dahil alam nila na walang
pagbabagong mangyari sa kanilang hirap na kalagayan matapos ang eleksyon.
Ang puno't dulo ng kahirapan ay ang bulok na sistema ng ekonomiya ng bansa na nagbunga ng bulok na
gobyerno.
Higit sa lahat, wala sa mga "super-hero" na politiko at kapitalistang partido ang kapangyarihan upang wakasan
ang kabulukan ng sistema dahil ito mismo ang pinagtatanggol nila. Ang may kapasidad lamang nito ay ang uring
may istorikal na kapasidad at kapangyarihang durugin ang mapagsamantalang kaayusan: ang uring
manggagawa.
Ang panlipunang sistema na nakabatay sa tanging pinanggalingan ay ang libreng paggawa ng masang
anakpawis, sa pag-aari ng minorya sa mga kagamitan ng produksyon, na siyang dahilan ng permanenteng krisis
ng sobrang produksyon at patuloy na kawalang kapasidad ng nakararami na bilhin ang mga batayang
pangangailangan, ang tunay na puno't dulo ng korupsyon at kabulukan ng gobyerno.
Wala sa loob ng gobyerno ang solusyon sa mga problema ng kahirapan. Ang tanging solusyon ay rebolusyon ng
Subalit, ang malaking hadlang ay ang kawalan ng tiwala ng masang manggagawa at maralita sa kanilang sariling
lakas at pagkakaisa upang labanan ang mapagsamantalang mga uri sa lipunan.
Sindak na sindak ang lahat ng mga politiko na darating ang panahon na hawakan na mismo ng masa sa kanilang
mga kamay ang pagpanday ng kanilang kinabukasan. Kaya naman nagtulong-tulong ang lahat ng paksyon ng
naghaharing uri na manatiling nakakulong ang malawak na masa sa paraan ng eleksyon dahil ayaw nila na
tahakin ng masang anakpawis ang kanilang sariling landas, ang landas ng proletaryong rebolusyon.
Sanggunian: https://fil.internationalism.org/internasyonalismo/201002/174/pangako-ng-mga-kandidato-
panlilinlang-sa-mga-tao
Panuto: Basahin at suriing mabuti ang mga pahayag mula sa editoryal na makikita sa ibaba.
Pagkaraan, tumukoy ng isang pangyayari mula sa nobelang El Filibusterismo na may
pagkakatulad/pagkakaugnay sa mga pahayag mula sa editoryal at isulat sa ikalawang
kolum. Ipaliwanag ang kaugnayan nito sa pamamagitan ng tatlong pangungusap lamang.
Isulat ito sa ikatlong kolum. (20 puntos)
Pamantayan:
Kaangkupan ng pangyayari mula sa nobela – 2
Kaangkupan ng pagpapaliwanag -2
Wastong gamit ng mga salita –1