Natuklasan

Ang pagkabatay sa konsepto ng lingua franca ang bagong wikang pambansa. Kung saan ayon sa isang
sosyolingguwista na si Joshua Fishman, ito ay naging kaugnay ng konsepto ng “ language of wider communication.”
Nagkakaroon din ng tatlong pangunahing bagay na komon sa mga Filipino;pagkahawig ng mga wika ng Pilipinas at
komon sa katawagan sa mga bagay; karanasang pangkalakalan (tsino) at kolonyal (Espanyol, Amerikano, Hapon) mula sa
mga banyaga; at pag-unlad ng gamit ng Pilipino (batay sa tagalog) mula sa papapalaganap dito ng mass media at mga
eskuwelahan. Bago din sa pandinig ng mga mananaliksik ang patungkol sa pagkakaroon ng dalawang batayan sa wikang
pambansa. Ito ang horizontal o konseptuwal at ang vertical o historical na batayan. Kasunod ang tinatawag na
interference na ang ibig sabihin ay ang nangyaring epekto ng unang wika sa pangalawang wika sa oras na ginamit ito, lalo
ng pasalita. Hindi lamang sa aspektong lesikal (salita) kundi pati morpolohikal,,lalo na sa paggamit ng panlapi
nagkakaroon ng interferens ang unang wika. Ang pagkakaroon din ng codeswitching o pasasalitan ng estruktura ng
unang wika o mas kilala natin sa tinatawag na katutubong wika at lingua franca. May lumabas na konsepto na tinatawag
na daylekto ng Filipino na binibigyang halimbawa na ang katangian ng wikang sebwano ang hindi umulit ng mga pantig
hindi gaya ng Tagalog, at hindi paggamit ng panlaping um at sa halip ay ma- . Maaring tanggapin ito bilang dayalekto at
variant ng Filipino.Inilarawan ang Lingua Franca na kinapabibilangan ng mga ibat ibang unang wikang ginamit.Ito ang
Cebuano,Ilokano, Hiligaynon, Bikolano at ang Pampango.

Nauunawaan

Sa Wikang Filipino bilang Konsepto ni Pamela C. Constantino inilarawan niya ang kaibahan ng Tagalog, Pilipino at
Filipino . Nagkakaroon ng probisyon ng Konstitusyon ng 1935 kung saan ang wikang pambansa ay batay sa isang wika.
Ayon sa Executive Order 134 ang Tagalog ang naging batayan nito. Tinawag naman itong Pilipino noong 1959, batay sa
Department Order No. 7. Sa pagbabago ng Konstitusyon, noong 1973 pinalitan ang pangalang Pilipino bilang Filipino.
Ang pagbabago ng wikang pambansa ay dahil sa politikal kaya may mga di-tagalog ang hindi matanggap ang
pangngunguna ng Tagalog sa wikang pambansa pagdating sa komunikasyon at edukasyon.Kung iisipin may mga wika pa
namang mas maunlad at ganap na katutubong wika. Nahihinuha ng mga mananaliksik na ang wikang Filipino bilang
konsepto ito ay ang lingua franca at diyalekto. Ang lingua franca ay isang komon ng wikang ginagamit ng taong magkaiba
ng unang wika.