Kertas Perambu Projek

1.0 Tajuk
Tajuk inovasyen digital tu iya nya “PeJaBan” ti diambi ari leka jaku “Pengaya Jaku
Iban”.

2.0 Tuju
Inovasyen tu digaga dikena mantu nembiak ngelala mayuh agi leka jaku Iban
standard dalam pengidup besehari-hari. Nembiak mega ulih beperindang seraya
belajarka pengaya leka jaku nengah inovasyen digital ti ngundan mayuh animasyen
tu.

3.0 Perampa Projek

Kar 1: Proses Ngaga Perampa Projek

Jeman diatu, nembiak rebak baru kurang pengaya leka jaku sereta enda angkunka
jaku Iban ti dikena sida berandau tauka ngereja pengawa besehari-hari. Pekara tu
nyadi ketegal biuh jaku bansa bukai ti didinga, ditunda sereta dikena sida
bekomunikasyen. Dikena mutarka penanggul tu, bala pengajar kelebih iya agi
ngembuan tanggung pengawa ngajar nembiak pengaya leka jaku di sekula bepun ari
tikas sekula ti pemadu baruh baka ba primari satu. Nya alai, inovasyen digital ti deka
ditempa tu dikena narit ati nembiak primari satu belajarka pengaya leka jaku
ngambika sida rindu bekenaka jaku Iban standard ti betul maya bekomunikasyen.
Draf projek tu mega digaga nitihka penanggul ti bisi nyadi ba pelajar nembiak
sekula. Inovasyen tu deka digaga ngena animasyen ti nemban sereta ulih narit ati
nembiak. Inovasyen tu deka minta nembiak nipakka gambar enggau leka jaku ti
engkeman. Pengajar deka betanya saut enggau nembiak senentang leka jaku ti
betul. Muzik ti rancak sereta enda mediska pala mega deka dipilih nyadi muzik latar

1
j
h
M
1
t
N
f2
d
3
o
T
4
ifi
p
lti
S
5
y
s
k
fl
g
e
K
6
.n
u
r
a
b
inovasyen tu ngambika nembiak teperindang sereta enda leju ngena inovasyen tu
belajarka pengaya leka jaku. Dalam inovasyen tu deka diisi enggau empat bagi pilih
iya nya bansa jelu, kereban pengangkut, buah enggau chura.
Inovasyen tu digaga ngena powerpoint laban lebih mudah dikena sereta enda
begunaka kos ti besai sereta nyamai diperatika nembiak. Aplikasyen bukai baka
Bloggif mega deka dikena ngedit chura leka jaku dalam powerpoint ngambika lebih
manah agi dipeda.
Udah nentuka aplikasyen ti dikena ngasilka inovasyen digital tu, kereban baka
gambar, animasyen sereta muzik ti engkeman digiga dikena ngepunka projek. Projek
deka berengkah dipejalaika sepengudah semua kereban disediaka.

4.0 Skop Projek

Skop projek inovasyen digital tu mungkur semua nembiak primari satu ti belajarka
jaku Iban di sekula. Inovasyen pengaya leka jaku tu diungkupka ngagai nembiak
primari satu laban ba tikas umur nya, sida iya patut diiri ngelala leka jaku Iban ti
dikena dalam pengidup besehari-hari. Pengerindu bekenaka jaku Iban standard tu
endang patut dikembuan bepun ari mit. Taga nembuka inovasyen tu iya nya dalam
timpuh sebulan.

5.0 Pelin Pejalai Projek

Kar 2: Proses Pejalai Projek

Inovasyen tu digaga nitihka model generik pelajar trilogikal iya nya nengah enam iti

2
proses nitihka kar ba atas. Keterubah, tuju ke bendar enggau guna inovasyen tu
ditetapka iya nya dikena mantu nembiak belajarka pengaya leka jaku ti dikena ba
pengidup besehari-hari. Kedua, skop tauka raup ditentuka ngagai semua nembiak
primari satu ti belajarka Jaku Iban. Ketiga, nyediaka draf inovasyen ti udah dilanggur
lalu ngaga peresa beulang dikena nyeleti pejalai projek lalu ulih ngasilka siti
inovasyen digital ti manah. Keempat, bejalaika tis pansik enggau ngaga refleksyen
nengah pom Google ti udah diisi orang ke nguna sepengudah ngaga promosyen.
Proses kelima iya nya seleti enggau spesifikasyen. Inovasyen ti udah nerima pejah
seruri deka diseleti lalu ngaga refleksyen. Kepenudi iya, inovasyen ti udah diseleti
serta engkeman dikena deka disadung sereta kena baru.

6.0 Pelin Tis Pansik Projek

Tis pansik ditagaka deka dipejalaika ba siti sekula pelilih menua Bintangor.
Inovasyen deka disadung ngagai bala pengajar Jaku Iban di sekula lalu dikena
ngajar nembiak. Pemujur inovayen deka dipansik nengah pom Google ti diisi bala
pengajar nya. Pengajar deka nisih pemujur inovasyen bepelasarka pegulih sereta
pemujur nembiak beratika pengaya leka jaku ti udah diajar ngena inovasyen nya.

7.0 Pelin Promosyen Projek

Inovasyen tu deka dipromosyen nengah media rama Facebook enggau Whatsapp.
Inovasyen ti udah tembu digaga deka diupload ba Facebook lalu dipadah chara
ngena iya ngagai bala mayuh. QR Code mega digaga ngambika orang bukai ulih
mengakses lalu ngena inovasyen nya. Ba post Facebook nya mega deka diberi link
pom Google ngambika penemu sereta pejah seruri semua orang ulih diambi dikena
ngemanahka projek inovasyen.

8.0 Kos Projek

Projek inovasyen tu enda begunaka kos ti besai laban semua aplikasyen tauka
kereban dikena ngaga inosyen digital tu endang udah sedia dalam komputer. Kos ti
bisi semina dikena bebelika kredit tauka top up data internet dikena ngiga bahan
inovasyen.
Kereban Kos Total
Kredit/ Top up RM 30.00 X 1 RM30.00

9.0 Penutup

3
Nengah projek inovasyen digital tu, diarapka ulih meri empas ti positif ngaga orang
ke nguna inovasyen tu enggau nembiak rebak dudi. Kebuah pia laban nembiak
kurang amat penemu ba pengaya leka jaku Iban ketegal biuh bansa bukai ti dikena
sida dalam pengidup besehari-hari. Bansa Iban patut begempung enggau pangan
diri ngerembaika Jaku Iban ngambika dikelala bansa bukai.

KEREBAN SANDING

4
Noriati Abdul Rashid (2012). Teknologi dalam Pengajaran dan Pembelajaran.
Selangor: Oxford Fajar Sdn. Bhd.

Siti Rosni Mohammad Yusoff & Abdul Samad Hanif (2018). SPG Inovasi Digital
dalam Pengajaran dan Pembelajaran. Selangor: Oxford Fajar Sdn. Bhd.