Metodat e hulumtimit për kah mënyra e veprimit mund të jenë
kuantitative dhe kualitative. Përmes metodës kualititative ose cilësore ne sigurojmë kuptimin dhe sqarimin e rasteve dhe dukurive të ndryshme,nga ana e studimit të natyrës së tyre cilësore e përmbajtjesore. Ndërsa te metodat kuantitative ose sasiore, hulumtimi mbështetet tek të dhënat numerike, shifrat, sasitë që janë zakonisht të prezantuara në trajtën e përpunimeve statistikore. Në vazhdim do të paraqiten disa nga metodat më të zakonshme: METODA KRAHASUESE E POLITIKAVE- Kjo metodë nënkupton analizimin sistematik ndërmjet shteteve ose fushëveprimeve. Metoda komparative përbëhet prej konstatimit të ngjashmërisë dhe ndryshimeve në mes të dukurive të ndryshme, për shembull, të kuptohen dhe të interpretohen më 168 mirë shtetet, sistemet dhe politikat e caktuara të tyre, shkalla e zhvillimit ekonomik, niveli arsimor, administrimi, menaxhimi i burimeve etj. Ne sferen hapesinore mund te jene Brenda-shteterore, nder- shteterore, nder-regjionale, globale, RASTET STUDIMORE- një metodë mjaft e popullarizuar dhe e zbatuar është modeli i rasteve të veçanta studimore (case study), që mundëson përqendrimin, kufizimin dhe thellimin në një temë ose fushë të caktuar të politikave, respektivisht në një objekt hulumtimi me qëllim të përfitimit të rezultateve më të caktuara e konkrete. Rastet studimore mund të jenë; • Rast kritik • Rast zbulues • Rast ekstrem apo unik • Rast përfaqësues apo tipik • Rast afatgjatë ANKETAT-Anketat apo sondazhet bëhen për të identifikuar kërkesat e publikut, për të zbuluar mbështetjen dhe kundërshtimin për politikat e caktuara ose edhe për të vlerësuar kënaqësinë dhe pakënaqësinë me projektet dhe programet e qeverisë. Ato ofrojnë informata të vlefshme rreth qëndrimeve, perceptimeve, bindjeve dhe pritjeve të qytetareve mbi çështjet dhe veprimet e caktuara. Veçanërisht, kur kanë të bëjnë me brengat dhe çështjet publike si: siguria, ekonomia, mjedisi etj.